Lukas 18:11 - Muna Southern Dialect

¹¹ Miendo Farisi maitu neehe-ehe bhe nosambahea weo totono lalono peda ini, ‘O Lahataꞌala, notumpu mpuu laloku ne Hintu, hampano miina apototoa bhe mie sigaoꞌano, peda mie forampasino, mie modai tawa mie monsuleno. Idi miina dua apototoa bhe mealano sewa ini.

Lukas 18:11 Iomraidhean Croise

Matius 10:3

Maka Filipus bhe Bartolomeus, Tomas bhe Matius mealano sewa, Yakobus anano Alfeus bhe Tadeus.

Matius 5:20

Amohatokoomu, kotu-kotuꞌu pae bhe kapoolia mesuaꞌomu weo Kafopahintaꞌano Lahataꞌala, simbali podiumiu poangkafiꞌano bhe kapoindalono Lahataꞌala namoliu podiundo pande-pande Kitabi bhe miendo Farisi.

Matius 6:5

“Ane sumambaheaꞌomu koe nameda mie mehaaꞌulano. Andoa maitu doasiane dosambahea ngkaehe-ehe weo lambu kasambaheaꞌa bhe ne kampuna defewoha ne mie bhaindo. Amohatokoomu, kotu-kotuꞌu andoa maitu dotahimaemo ponambodo.

Markus 11:25

Tamaka taenomo sumambahea, ane nokohobu-hobu totono lalomu ne mie bhaimu, maꞌafuane kadeki, neanomo Amamu te surugaa naꞌumamponiko dua.

Lukas 20:47

Andoa debhohe-bhoheꞌi bhihinanda maka dorampasi lambudo. Pakade keana notipandeꞌao kadaino isikadhindo, tadofekawanta-wantamo sambaheando. Dadiꞌanomo nasedhuluꞌa dua kabhie kahukumu so neꞌawando.”

Lukas 22:41

Palusi aitu nofogaati wutono nape sekakulambiꞌa kakodoꞌono, nofongkohamo tuuno maka nosambahea.

Galatia 3:10

Notibuhi weo Kitabi peda aini, “Mie tapa dhumalangino kosasawiꞌae tubhono agama tibuhino weo Kitabi nakumangkanaiꞌemo balaa.” Dadiꞌanomo kosasawindo tumangkaꞌaono tubhono agama Yahudi ⸤ so kaangkaꞌando dapometaa bhe Lahataꞌala⸥ , ingka sanea so nekangkanaino balaa ⸤ kapaꞌamo pae bhe so mondoiꞌea⸥ .

Filipi 3:6

Afoma-fomai laloku afodee-dee umati marasaeano ne Yesus. Ane doꞌondo dadiku weo angkafiꞌano tubhono agama Yahudi, idi ini miina akodengo-dengoa.

Powoha 3:17

Ambamiu, ‘Idi ini ahangkaea, padamo afekahangkaea wutoku, miinamo akonikaea.’ Gahaꞌaitu miina mandeꞌaanea hintimiu itu mie ngkaasi-asi, mie timobhelaꞌaono lalo, mie mokae, mobuntono bhe melembino.