Lukas 17:2 - Muna Southern Dialect

² Mie medando naꞌa naetaa dakumantaiane kagili kontu ne wuꞌuno maka damotondue we teꞌi. Naetaa nada anaꞌa bhe nehabu tingkuno dhosa so mie ndidiki ini.

Lukas 17:2 Iomraidhean Croise

Matius 17:27

Tamaka koemo dofekalea lalondo. Dadiꞌanomo kala mekabua kaita we teꞌi. Kenta kabhao-bhaono so nepoolimu, hakoe maka weo wobhano mewoha dhoi pera nakumapomo so sewanto dahodua. Ala dhoi aitu maka tanduao kaita sewano Lambuno Lahataꞌala ne andoa maitu.”

Matius 18:10

Tandaiꞌeomu, koe pisakidaa mie mohobu pedando ini, kapaꞌamo malaꞌekati dhumaganida sadhia dopowise bhe Amaku te surugaa.

Matius 18:14

Pedamo dua aitu Amamu te surugaa nokiido namoha seemie mohobu pedando ini namiinae.”

Matius 26:24

Daanumo Anano Manusia - Idimo ini - tetewei namate peda tibuhino weo Kitabino anabii. Tamaka nobalaamo mie so mowano Anano Manusia ne limando kaewa. Mie anaꞌa netaamo koemo nolentea.”

Markus 9:42

“Ane nandoo mie mefekakolilinono totono lalono anaꞌi kahobu medando ini, sampe miinamo namarasaea ne Idi, selabhiꞌaku dakumantaiane kagili kontu ne wuꞌuno maka damotondue we teꞌi.

Yohanes 21:15

Pada defebhaku nopugaumo Yesus ne Petrus ambano, “Simon anano Yohanes, kaasimu ne Idi noliuꞌe bhahaa kaasindo andoa ini ne Idi?” Notobhoosimo Petrus ambano, “Uumbe Ompu, ingka pandeꞌaane aoasiangko.” Ambano Yesus, “Dambaꞌaanda dhumbaku.”

1 Korintus 9:15

Tamaka haku anaꞌa bhe naseꞌise miina amakeea. Pedamo dua abuhi suha aini miina akopatudhu neanomo daꞌumondofa kanau nada naꞌa, kapaꞌamo madaꞌo amate! Bhe naseemie pae bhe so mosalino sabhaha nemowoseꞌaono bhakeku.

1 Korintus 9:22

Bhe mie monaleno kaparasaea, adadi dua peda mie monaleno kaparasaea, neanomo amoolida amowada ne Kristus. Tangkanomo, bhe sabhaha mie aangkafi sabhaha kodadindo, bhahaꞌi kaowu nada amai maka dua dhalano seemie hodua amoolida amowada ne Kristus.