Lukas 16:24 - Muna Southern Dialect

²⁴ Mie hangkaea naꞌa nokeimo ambano, ‘Amaku Abraham, mobhela kanau lalo! Tudu kanaumo Lasarus namolondo wunano limano ne oe maka namekahindima lelaku hampano notolau kakadee-deeku weo hendeno efi ini.’

Lukas 16:24 Iomraidhean Croise

Matius 25:41

Pada anaꞌa napugaumo dua ne mie we kemano, ‘Gampiomu maiꞌao ne wiseku ini, hintimiu mie nekangkanaino balaa! Pesuaꞌomu weo efino narakaa tapa mopoopeono ampa suhue dhamani, toka nefontaa-ntaa so Kafeompuꞌando seetani bhe malaꞌekati sabhangkaꞌino.

Matius 3:9

Koise nokofekihi we lalomiu, ‘Ingka insaodi ini sampuꞌano Abraham, ⸤ tetewei tasumalamati⸥ ’. Kapaꞌamo Lahataꞌala nokokuasa naefokonandoo sampuꞌano Abraham mahinggamo namaiꞌao ne kontu ini.

Matius 5:22

Tamaka ambaku Idi, laꞌae umamahano ne bhahitieno tetewei dahumukumue. Laꞌae mugauno ne bhahitieno, ‘Hintu itu kaafihi!’ tetewei dabhitahakie Sahano Agama. Laꞌae mugauno, ‘Hintu itu notolau kabhohemu!’ tetewei daꞌumohoe weo efino narakaa ngkalai-laiꞌano.

Lukas 16:30

Tamaka ambano dua mie hangkaea naꞌa, ‘Paise amaku Abraham, ane nandoo mie mate so sumuli dumadino maka nakumala namodhagada, tetewei dametompaꞌao dhosando.’

Lukas 19:9

Ambano Yesus, “Seꞌoleo itu mieno polambu aini detahimamo kasalamati, hampano mie aini sampuꞌano dua Abraham.

Lukas 3:8

Dadiꞌanomo fotiwohaomu ne podiumiu ingka gahaꞌa fetompaanemoomu dhosamiu. Koise nokofekihi we lalomiu, ‘Ingka insaodi ini sampuꞌano Abraham, ⸤ tetewei dasumalamati⸥ .’ Kapaꞌamo amohatokoomu, Lahataꞌala nokokuasa naefokonandoo sampuꞌano Abraham mahinggamo namaiꞌao ne kontu ini.

Yohanes 4:10

Ambano Yesus, “Ane mandeꞌaane kadawuno Lahataꞌala bhe laꞌae sakotuꞌuno mesalono ne hintu, ‘Bhe idi oemu aohoꞌu’, tetewei hintumo so mesalono ne Anoa, maka Anoa namaꞌangko oe meowano dadi.”

Yohanes 4:14

tamaka sasuka mohoꞌuno oe newaꞌaoku, paemo nakekele wuꞌuno ampa suhue dhamani. O oe so newaꞌaoku naembali matano oe we lalono, oeno napontalua-lua kansuhu naeowa dadi suhue dhamani.”

Yohanes 7:37

Ne oleo kapuliaono hohaeaꞌa naꞌa, matanomo hohaeaꞌa, Yesus noehemo bhe nopugau nofekabhala-bhala suahano, “Sasuka mokekeleno wuꞌu naetaa namai ne Idi maka naohoꞌu!

Roma 4:12

Abraham nembali dua amando mie marasaeano toka nesuna, sumanomo miina kaowu daesuna tamaka dotapi koinaꞌano kaparasaeano Abraham awuantoomu, tiwohano wakutuuno miinaꞌo naesuna.

2 Tesalonika 1:8

Nahumukumu mie kumiidono mandeꞌaono Lahataꞌala bhe pata mangkafino Bhihita Metaano Yesus, Ompuntoomu.

Yakobus 2:13

Weo kabhitahakino, Lahataꞌala paise naobhela lalono ne mie tapa mobhelano lalo ne mie bhaino. Tamaka mobhelano lalono ne mie bhaino, pae natihukumua, o kahukumu notaloe kabhelano lalo.

Yakobus 3:6

O lelantoomu nopototo bhe efi. Ne olotando sabhaha katokano mbadhantoomu, o lela mbalimo kamaiꞌaoꞌano kuasa modai, sampe kadaino naꞌa nokabhinti dadinto. Pugaunto nembali nodai-dai dadinto, tapedamo efino narakaa noangka ne lela nofekamena kosekawantaꞌae dadinto.

Powoha 19:20

Gahaꞌa kadadi amaitu lasao dohakoe nopoowa-owa bhe mie mpahaana-anabiino mehabuno sabhaha tanda timenteꞌaono ne wiseno kadadi anaꞌa. Tanda-tanda timenteꞌaono maitu mekakolilinono mie metahimano katandano kadadi amaitu bhe sumombaino patungno. Kohoduando maitu doꞌohoda ngkaꞌuhi-uhi weo efi ngkowaleha ngkalai-laino ne kantobha bhalano.

Powoha 20:15

Sasuka mie tapa tibuhino nea weo Kitabindo Mie Dumadi maitu, doꞌohoda weo kantobhano efi bhalano.

Powoha 22:1

Pada anaꞌa malaꞌekati amaitu nofosusu kanaumo umeleno oe meowano dadi. Umele maitu nomoinda tapedamo kristal, nomawa nomaiꞌao ne kaengkohaꞌano kumalabhiano Lahataꞌala bhe Anano Dhumba,