Lukas 16:23 - Muna Southern Dialect

²³ Gahaꞌa mie hangkaea naꞌa nomatemo dua maka dokobuhue. We dhuniando mie mate nokadee-dee sepaliꞌa. Wakutuu nototohana, gahaꞌa nowohamo Abraham te mokodoꞌoꞌano noꞌawi Lasarus.

Lukas 16:23 Iomraidhean Croise

Matius 11:23

Hintu liwuno Kapernaum, kunaꞌemu dasumangkeko te lani? Paise, hintu daꞌumohoko we narakaa, kapaꞌamo ane endefiꞌini we Sodom nakumadhadhia tanda-tanda tapa mentela newohamiu ini, tetewei liwu aitu nandumandooꞌe ampa seꞌoleo itu.

Matius 18:9

Ane matamu naehabuangko dhosa, sungkie maka ohoe, naetaa mesua surugaa komata sembali, bhe komata haa mbali maka daꞌumohoko we efino narakaa.

Matius 23:33

Hintimiu ule, sampuꞌando ule modai! Koe fehoo-hooꞌomu lumapaomu ne kahukumuno narakaa.

Matius 5:22

Tamaka ambaku Idi, laꞌae umamahano ne bhahitieno tetewei dahumukumue. Laꞌae mugauno ne bhahitieno, ‘Hintu itu kaafihi!’ tetewei dabhitahakie Sahano Agama. Laꞌae mugauno, ‘Hintu itu notolau kabhohemu!’ tetewei daꞌumohoe weo efino narakaa ngkalai-laiꞌano.

Matius 5:29

Ane matamu suana naehabuangko dhosa, sungkie maka ohoe! Naetaa mobunto sembali bhe nasumangka mbadhamu, tamaka daꞌumohoko weo narakaa.

Matius 8:29

Andoa dopokakei-kei ambado, “Anano Lahataꞌala, mai mafaꞌi kainsami gahaꞌa? Patudhumu maimo modee-dee kainsami, mahingga paeꞌo nahumato tempono?”

Lukas 16:24

Mie hangkaea naꞌa nokeimo ambano, ‘Amaku Abraham, mobhela kanau lalo! Tudu kanaumo Lasarus namolondo wunano limano ne oe maka namekahindima lelaku hampano notolau kakadee-deeku weo hendeno efi ini.’

Lukas 16:28

kapaꞌamo nandoo kakutaꞌaku tadolidima, neanomo namodhagada mpuu keana dopesua bhe andoa weo kakadee-dee aini.’

Lukas 8:28

Sanowoha Yesus nekei-keimo maka nosudhumo notaohao sombano bhe nopugau ampa kabhalano suahano, “O ae patudhumu ne idi ini, Yesus Anano Lahataꞌala foliuno kuasa? Aesalo mpuu koise fodee-dee kanaua.”

1 Korintus 15:55

“Hintu o mate, nandoo bhahaa kafotalomua? Ne amai bhahaa tifumua?”

2 Petrus 2:4

Ingka endefiꞌini malaꞌekati kodhosano miina dalumapaa ne kahukumuno Lahataꞌala, tamaka noꞌohoda we narakaa. Andoa maitu nofopesuada weo kantie mohohondono, nofekataada ampa nahumato oleo so katibhotusiꞌando.

Powoha 20:10

Kafeompuꞌando seetani mekakolilinoda daꞌumohoe weo efi ngkowaleha ne kantobha bhalano. Ne itumo dua katiꞌohoꞌando kadadi bhe mie mpahaana-anabiino, maka dasumikisaada mentae mohondo ampa suhue dhamani.