Lukas 16:20 - Muna Southern Dialect

²⁰ Nandoo dua seemie kumadee-dee, neano Lasarus. Mbadhano noponoꞌao kanda, nendole-ndole ne wiseno fointono lambuno mie hangkaea naꞌa.

Lukas 16:20 Iomraidhean Croise

Matius 26:71

Hato nokala se fointono kadete, nowohaemo dua bhatua hobhine sigaoꞌano. Bhatua naꞌa nopugaumo ne mie meehe-eheno ne itu ambano, “Mie aini nopobhai bhe Yesus miendo Nasaret maitu.”

Lukas 16:19

Nopugaumo toha Yesus ambano, “Nandoo seemie hangkaea sadhia nepake dhuba biludhu bhe kai alusu. Kaꞌosano kahangkaeano seꞌo-seꞌoleo nohame-hame.

Lukas 16:21

Nowoha kapondawuno maiꞌaono ne medhano mie hangkaea naꞌa, Lasarus ini gaono tanaomaamo nakoiꞌiꞌao kaowu handano. Gahaꞌa domaiꞌiemo dua daꞌu dodelapi kandano.

Yohanes 11:1

Nandoo seemie mosakino neano Lasarus. Anoa neate we liwuno Betania, liwundomo dua Maria bhe Marta aino.

Tula-tulando rasulu 3:2

Ne itu nandoo seemie moꞌane nokalu mpini pakalenteno. Seꞌo-seꞌoleo doꞌoweaꞌe maka dofongkohae ne fointo bhalano kapesuaꞌa weo Lambuno Lahataꞌala, koneaꞌano Fointo Mokesa. Ne itu nesalo-salo ne mie mesuano weo Lambuno Lahataꞌala.

Yakobus 1:9

Bhahitieꞌi ndidikino dumadino weo kakae, naetaa daoꞌia kapaꞌamo weo pomatano Lahataꞌala nelangke kaengkohaꞌando.

Yakobus 2:5

Bhahitieꞌiku timoasiꞌaono, fetingke kanauꞌomu! Mie mokae ne pomatano dhunia ingka nofepilida Lahataꞌala, dembali mie hangkaea weo kaparasaeando. Andoamo dua so kohakuꞌaono metahimano kadawu weo Kafopahintaꞌano Lahataꞌala, peda nedhandiꞌaono Lahataꞌala ne mie moasiane.