Lukas 16:2 - Muna Southern Dialect

² Nofetingke peda maitu, mintahano kahangkaea naꞌa nobhasiemo maka nofeenae ambano, ‘Peda ae bhahaa pofetingkeku ini, ingka dopulaoꞌao hintu? Soba buhi kanaꞌe bhahi-bhahiꞌae nehabumu kaomponano intaha kahangkaeaku ini, kapaꞌamo paemo membalia so mintahano kahangkaeaku.’

Lukas 16:2 Iomraidhean Croise

Matius 12:36

Amohatokoomu: sabhaha pugau tapa kofahalaa dapowiseane wuto nahumato oleono Kiama.

Matius 20:8

Hato nohondo oleo nopugaumo kokaampono naꞌa ne mandoro ambano, ‘Saliꞌida kumahadhaano itu maka waꞌanda ponambodo seemie-seemie, natumanda ne mesuano mbuhumai ampa mesuano kabhao-bhaono.’

Lukas 12:20

Tamaka Lahataꞌala nokobhoasaomo ne mie anaꞌa, ‘Hintu mobhohe, alo aini dua inawamu damalaemo, maka kanandoo nefontaa-ntaamu itu so laꞌae bhahaa?’

Lukas 12:42

Ambano Ompu Yesus, “Kaowu laꞌae bhahaa mie mandeꞌaono lambuno kafeompuꞌano motuhuno lalo bhe kotimbangino maitu? Anoamo maitu so nesangkeno kafeompuꞌa so neangkando kosasawindo bhatua so metaganaanda daomaa napobutu bhe tempono.

Lukas 16:1

Yesus nopugaumo toha ne anaguhuꞌino ambano, “Nandoo seemie hangkaea bhe mie mintahano kahangkaeano. Mie hangkaea maitu dofohatoe mie putae mintahano kahangkaeano naꞌa nopokamasaꞌaomo kanandoono.

Lukas 16:3

Dukuno lalono mie anaꞌa, ‘Aeafaꞌimo bhahaa? Ingka kafeompuꞌaku ini namosabu kanaumo. Aesaꞌera pae atumanggoa, aesalo-salo ingka aambano.

Roma 14:12

Pedamo anaꞌa intaodiomu seemie-seemie dapowiseꞌao wutonto sabhaha nehabunto ne Lahataꞌala.

1 Korintus 1:11

Kapaꞌamo bhahitieꞌiku, dofohato kanau mieno polambuno Kloe putae nandoo potaga-tagaliꞌa ne olotamiu itu.

1 Korintus 4:2

Sifati neꞌondofi ne mie neposahunaꞌao peda anaꞌa, ingka o kataino lalono ne kafeompuꞌano.

1 Korintus 4:5

Dadiꞌanomo koise paꞌindulu fobhotusiomu, antagiomu nahumato wutono Ompu. Anoa nalumengkasi sabhaha rahasia tifebunino weo kahohondo. Anoamo dua so tumalesaono sabhaha patudhu weo totono lalondo manusia. Ne naꞌamo seemie-seemie naetahima kapudhi so mantasiꞌano maiꞌao ne Lahataꞌala.

2 Korintus 5:10

Kapaꞌamo ingka kosasawintoomu ini tetewei damewise ne kaengkohaꞌano Kristus so fobhotusino. Ne naꞌa seemie-seemie naꞌumawa so mantasiꞌano neꞌawano naposahataa bhe habuno mbadhano we dhunia, metaaꞌano tawa modaiꞌano.

1 Timotius 4:14

Koise molimpuꞌao pakee kapooli kawaꞌaono Rohino Lahataꞌala, neꞌawamu wakutuuno nandoo kaowilino Lahataꞌala nefosampendo ana-anabii, bhe kamungkulaꞌindo umati dotei limando te fotumu.

1 Timotius 5:24

Dhosando mie sigaꞌa nentaleamo dopandeꞌaane mahingga miinaꞌo datibhitahaki, tamaka sigaoꞌano nopalusi dobhitahakida maka notipandeꞌao.

1 Petrus 4:10

Lahataꞌala nowaꞌangkoomu seemie-seemie kapooli poꞌala-alaꞌano. Dadiꞌanomo pake metaaꞌeomu so poꞌondo-ondofaoꞌomu. Ingka hintimiu mie nefoparasaeano Lahataꞌala tumahimano sabhaha katuno kadawuno.

1 Petrus 4:5

Tamaka namada kaowu andoa tetewei dapobhaloꞌao podiundo bhe Lahataꞌala, kapaꞌamo Lahataꞌala nokantaa-ntaamo nabhotusi mie dumadino bhe mateno.

Powoha 20:12

Awohamo dua mie komate-mateno nabhala nahobu deehe-ehe ne wiseno kaengkohaꞌa kumalabhiano maitu. Sabhaha kitabi dolengkaemo, maka delengkamo dua seꞌonu kitabi sigaoꞌano, Kitabindomo Mie Dumadi. Mie komate-mateno dobhitahakida noposahataa bhe habundo peda tibuhino weo kitabi maitu.