Lukas 16:15 - Muna Southern Dialect

¹⁵ Nopugaumo Yesus ne andoa ambano, “Hintimiu ini fotiwoha wutomiu ne wisendo manusia peda mie banara, tamaka Lahataꞌala nopandeꞌaane totono lalomiu. Kapaꞌamo diu nekonando manusia foliunomo kakesa, nobansie Lahataꞌala.

Lukas 16:15 Iomraidhean Croise

Matius 23:5

Kosasawiꞌae kahadhaa nehabundo patudhundo so kaowu daoha mie bhaindo. Kawawe kasambaheaꞌando dofekawahe-waheꞌie, dhambe-dhambeno dhubando dofekawanta-wantaꞌie.

Matius 6:16

“Ane moasaomu koe mengkuru-ngkuruomua peda mie mehaaꞌulano. Andoa maitu dohabu-habue ulando, defewoha ne mie putae dopoasa. Amohatokoomu, kotu-kotuꞌu andoa dotahimaemo ponambodoa.

Matius 6:2

Dadiꞌanomo ane fowaꞌao sadhakaa koe mefole-folelea, peda nehabundo mie mehaaꞌulano. Andoa ini dohabu peda anaꞌa weo lambu-lambu kasambaheaꞌa tawa ne kaangkaꞌa so dotipudhiꞌao ne mie bhaindo. Amohatokoomu, kotu-kotuꞌu andoa maitu dotahimaemo ponambodoa.

Matius 6:5

“Ane sumambaheaꞌomu koe nameda mie mehaaꞌulano. Andoa maitu doasiane dosambahea ngkaehe-ehe weo lambu kasambaheaꞌa bhe ne kampuna defewoha ne mie bhaindo. Amohatokoomu, kotu-kotuꞌu andoa maitu dotahimaemo ponambodo.

Lukas 10:29

Tamaka mie aitu noꞌondofi kakantibhano wutono, ambano, “Laꞌae bhahaa mie bhaiku?”

Lukas 11:39

Tamaka Ompu nopugaumo ambano, “Hintimiu miendo Farisi fewaniuꞌomu kundono kampomaaꞌa bhe kampohoꞌuꞌa tamaka we totono lalomiu noponoꞌao kasaohi buku bhe podiu modai.

Lukas 18:11

Miendo Farisi maitu neehe-ehe bhe nosambahea weo totono lalono peda ini, ‘O Lahataꞌala, notumpu mpuu laloku ne Hintu, hampano miina apototoa bhe mie sigaoꞌano, peda mie forampasino, mie modai tawa mie monsuleno. Idi miina dua apototoa bhe mealano sewa ini.

Lukas 18:14

Amohatokoomu, mie mealano sewa ini nosuli se lambuno nembalimo mie banara ne wiseno Lahataꞌala, tamaka seemieno miina. Kapaꞌamo sasuka mekalangkeno wutono namekapandae Ompu, sasuka mekapandano wutono namekalangkee.”

Lukas 18:21

Ambano mie anaꞌa, “Kosasawiꞌae pahinta naꞌa adhalangiemo mpini kaanaꞌiku.”

Lukas 18:9

Yesus nepakemo dua kapalenda aini ne mie mabhino wutondo mie banara bhe misakino mie bhaindo.

Lukas 20:20

Pande-pande Kitabi bhe neangkaꞌindo imamu dokaꞌo-kaꞌondo Yesus. Detuduanemo mata-mata woha-wohaꞌano mie melaano lalo, so dametandoꞌao alano wambano. Patudhundo neanomo naembali dahumakoe maka daowae ne limano gubernur, mintahano kuasa bhe kabhotusi weo liwu.

Lukas 20:47

Andoa debhohe-bhoheꞌi bhihinanda maka dorampasi lambudo. Pakade keana notipandeꞌao kadaino isikadhindo, tadofekawanta-wantamo sambaheando. Dadiꞌanomo nasedhuluꞌa dua kabhie kahukumu so neꞌawando.”

Yohanes 2:25

Miina namaraluu damohatoane feꞌilindo manusia, kapaꞌamo nopandeꞌaane totono lalondo manusia.

Yohanes 21:17

Katolu pakuno Yesus nofeena toha ambano, “Simon anano Yohanes, moasi kanau bhahaa?” Simon Petrus nokompeahamo lalono nofetingke Yesus nofeenae tolu pakumo, “Moasi kanau bhahaa?” maka notobhoosimo dua ambano, “Ompu, ingka pandeꞌaane bhahi-bhahiꞌae, pandeꞌaane dua ingka aoasiangko.” Ambano Yesus, “Ondofaanda dhumbaku.

Tula-tulando rasulu 1:18

(Yudas naꞌa padamo neꞌoli wite. Wite aitu noꞌoliane dhoi ponambono nopokanagauꞌao Yesus. Anoa nondawu kalongko-longko nosengka bhe handano, kahehewuno nopuli nosihuhu.

Tula-tulando rasulu 1:24

Pada anaꞌa dosambaheamo ambado, “O Ompu Hintumo mandeꞌaono totono lalondo seemie-seemie! Fosusu kainsamie bhahaꞌi laꞌae ne olotando hoduano ini nepilimu,

Tula-tulando rasulu 15:8

Lahataꞌala mandeꞌaonomo lalondo manusia, nofotiwohamo bukutii notahimamo mie suano Yahudi, kapaꞌamo nowaꞌandamo dua Rohino peda intaodiomu miendo Yahudi.

Roma 3:20

Hampano bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi; tamaka hampano nandoo tubhono agama maitu manusia dopandeꞌao wutondo dokodhosa.

Roma 8:27

Lahataꞌala lumosangino totono lalondo manusia, nopandeꞌaane patudhuno Rohi maitu, hampano Rohi maitu nosambaheaꞌao umatino mongkilono noposahataa bhe kapoindalono wutono Lahataꞌala.

1 Korintus 4:5

Dadiꞌanomo koise paꞌindulu fobhotusiomu, antagiomu nahumato wutono Ompu. Anoa nalumengkasi sabhaha rahasia tifebunino weo kahohondo. Anoamo dua so tumalesaono sabhaha patudhu weo totono lalondo manusia. Ne naꞌamo seemie-seemie naetahima kapudhi so mantasiꞌano maiꞌao ne Lahataꞌala.

1 Petrus 3:4

Tamaka kakesamiu tabeano namaiꞌao weo totono lalo, o kamalu bhe katohopono lalo. Aini saneamo lega pata mopoopulino, saneamo foliuno kaꞌali ne pomatano Lahataꞌala.

1 Petrus 5:5

Pedamo dua hintimiu kahangku dadi, tuhuomu ne kamungkulaꞌi. Kosasawimiu itu fekapandae diumiu seemieno bhe seemieno, kapaꞌamo ⸤ notibuhi weo Kitabi peda aini⸥ , “Lahataꞌala noꞌontomi patudhundo mie melangkeno diu, tamaka nofotiwohaanda kataano lalono ne mie mekapandano wutono.”

Powoha 2:23

Mie mangkafie tetewei amongkoda maka kosasawiꞌae tombudo umati damandeꞌaane putae Idimo tumiisangino kakolalondo bhe fekihindo manusia. Idimo dua so bhoosiangkoomu seemie-seemie naposahataa bhe habumiu.