Lukas 14:21 - Muna Southern Dialect

²¹ Pada aitu bhatua anaꞌa nosulimo nofohato kafeompuꞌano. Nofetingke peda naꞌa kafeompuꞌano noꞌamaha sepaliꞌa bhe nopugau ne bhatuano, ‘Fekahimba kalaomu ne sabhaha kaangkaꞌa bhe kampuna weo kota maka bhasidaomu kosasawindo mie mokae, tapa maiwuluno, kabunto bhe kakempa maka owadaomu se ini.’

Lukas 14:21 Iomraidhean Croise

Matius 11:28

Maiꞌomu ne idi, hintimiu mowuleno bhe kowowoꞌo mobhieno, maka amaꞌangkoomu kalalesano lalo.

Matius 11:5

Kabunto suli dofowoha, mie kalu dekala-kala, kokuli modaino donggela, kapongke dofofetingke, mie mate suli dodadi bhe mie ngkumaasi-asi defebhihitaianda Bhihita Metaa.

Matius 15:12

Kaowu domaiꞌiemo anaguhuꞌino maka dofeena ambado, “Pandeꞌaane bhahaa wambamu saꞌituinia noleaꞌane lalondo miendo Farisi?”

Matius 18:31

Dowoha peda maitu sabhangkaꞌino sigaoꞌano nokompeaha sepaliꞌa lalondo sampe dokala dofohato kafeompuꞌando.

Matius 20:7

Dotobhoosimo ambado, ‘Ingka miina bhe monambo kainsamia.’ Ambano dua, ‘Kalaomu dua bhe hintimiu te kaampono angguruku bahangka.’

Lukas 14:13

Tamaka ane mehabu kahame mebhasi mie mokae, tapa maiwuluno, kakempa bhe kabunto.

Lukas 14:20

Seemieno dua nopugau ambano, ‘Idi kaneꞌo agaa, dadiꞌanomo pae naembalia amai.’

Lukas 14:22

Palusi anaꞌa nohatomo bhatua nopolele ambano, ‘Pahinta waompu padamo adhalangie, tamaka nandoo dua kaengkohaꞌa.’

Lukas 14:24

Amohatokoomu, mie kabhao-bhaono nebhasi bhe naseemie paise bhe so menamisino otino hameku.’ ”

Lukas 24:47

Nandoo dua notibuhi: weo neano Omputo Fosalamatino daefolele bhihita ne sabhaha bansano liwu putae dametompaꞌao dhosando maka Lahataꞌala naꞌumamponida. Bhihita anaꞌa damolelee natumanda we Yerusalem.

Lukas 9:10

Dosuli kaowu ne Yesus, rasulu detula-tulaanemo kosasawiꞌae nehabundo. Yesus nowowoꞌodamo dagumampi ne seꞌonu liwu, patudhuno tadamoisa. Neano liwu anaꞌa Betsaida.

Yohanes 9:39

Ambano Yesus, “Kahatoꞌaku we dhunia ini so afobhotusiꞌao, neanomo sasuka tapa mohano nafowoha, sasuka fowohano naobunto.”

Ibrani 13:17

Meangkaomu ne meangkamiu bhe tuhuomu ne andoa, kapaꞌamo andoa dhumaganino alusumiu maka dapowiseꞌao takando naꞌa ne Lahataꞌala. Meangkaomu, neanomo dakumahadhaa weo kawulano lalo, keana bhe fedeea, hampano fedeendo pae nakofahalaa so hintimiu.

Ibrani 2:3

⸤ Ane pedamo anaꞌa endefiꞌini, bhemo toha haꞌoleo ini.⸥ Nada amai dalumapa ne kahukumu gahaꞌa ane pae dapokihaꞌiao kasalamati bhalano maitu? Kapaꞌamo kasalamati amaitu kabhao-bhaono nofolelee wutono Ompu, maka mie metingkee padamo dosakusiiane kakotuꞌuno ne intaodiomu.

Yakobus 2:5

Bhahitieꞌiku timoasiꞌaono, fetingke kanauꞌomu! Mie mokae ne pomatano dhunia ingka nofepilida Lahataꞌala, dembali mie hangkaea weo kaparasaeando. Andoamo dua so kohakuꞌaono metahimano kadawu weo Kafopahintaꞌano Lahataꞌala, peda nedhandiꞌaono Lahataꞌala ne mie moasiane.

Powoha 19:15

Nomaiꞌao ne olotano wiwino nolimba semata kampue mohoko so natumaloꞌao sabhaha bansano liwu, maka namahintangida naepake katuko uti. Andoa nameoda nada angguru ne kantobha bhalano kaefeoꞌa angguru, kaꞌibahatinomo kapontalabhi-labhino amahano Lahataꞌala Fofoliuno Kuasa.

Powoha 22:17

Rohino Lahataꞌala bhe loꞌia buꞌou hobhine maitu dopugau ambado, “Maimo!” Sasuka metingkeno naetaa napugau, “Maimo!” Sasuka mokekeleno wuꞌu naetaa namai, sasuka moindalono naetaa tanaealamo oe meowano dadi, pae nakoꞌolia.