Lukas 13:24 - Muna Southern Dialect

²⁴ Notobhoosimo Yesus ne mie bhahi ambano, “Uleiꞌomu lalomiu pesuaꞌomu ne fointo mosekeꞌano. Kapaꞌamo amohatokoomu dobhahi mie mesobano damesua, tamaka paise damoolia.

Lukas 13:24 Iomraidhean Croise

Matius 11:12

Notanda Yohanes notiumba taꞌampa aitu, Kafopahintaꞌano Lahataꞌala doewangie, mewangie naꞌa dokopatudhu dasumaohi bukue.

Lukas 13:23

Nandoo seemie meenano ambano, “Ompu, naseendai kaowu bhahaa so sumalamatino?”

Lukas 21:36

Kodha-kodhagaomu bhe sadhia sambaheaꞌomu, neanomo meꞌawaomu kaꞌosa lumapaꞌaoꞌomu ne sabhaha so kumadhadhiaꞌano naꞌa bhe naembali meehe-eheomu te wiseno Anano Manusia.”

Yohanes 13:33

Anaguhuꞌiku, ingka paemo naomponaa aeate bhe hintimiu. Hintimiu umondofi kanauꞌomu. Tamaka pedamo pugauku ne miendo Yahudi, aitu apugauanemo dua ne hintimiu: paise mooliomua maiꞌomu we kakalaꞌaku.

Yohanes 5:4

Kapaꞌamo sepaku-sepaku seemie malaꞌekatino Ompu nosampu maka noꞌendu oe aitu. Sasuka maꞌinduluno sumampuno weo oe nopalusi kaendono oe lasao noꞌosa, o ae maka dua sakino.]

Yohanes 6:27

Koise kahadhaaꞌomu so meꞌawaꞌaoꞌomu oti so mowoloꞌano, tamaka tabeano kahadhaaꞌomu so meꞌawaꞌaoꞌomu oti tumarano ampa suhue dhamani. Oti anaꞌa namaꞌangkoꞌeomu Anano Manusia - Idimo ini - hampano Anoamo nefopoolino Lahataꞌala Amano.”

Yohanes 7:34

Hintimiu umondofi kanauꞌomu, tamaka paise poꞌawa kanauꞌomu, kapaꞌamo pae mooliomua maiꞌomu we kaeateꞌaku.”

Yohanes 8:21

Yesus nopugaumo toha ne mie bhahi ambano, “Mada kaowu akumala, hintimiu umondofi kanauꞌomu tamaka tamomateomu weo dhosamiu, paise mooliomua maiꞌomu we kakalaꞌaku.”

Roma 10:3

Kapaꞌamo miina damandeꞌaanea peda amai dhalano Lahataꞌala nofotahima peda mie banara. Hampano gaondo damangkafi dhalando wutondo, sampe dokiido damangkafi kaangkaꞌa nelengkano Lahataꞌala so nafotahimaꞌao peda mie banara.

Kolose 1:29

Somo amooliꞌao anaꞌa, aꞌuleiꞌe laloku akahadhaa bhe apoewangi ampa kaꞌosano bukuku, hampano kuasano Kristus kumahadhaano weo totono laloku.

Ibrani 4:11

Dadiꞌanomo, ulei kaitaomu lalontoomu so damesuaꞌao we kafewuleꞌa nedhandiꞌaono Lahataꞌala naꞌa, keana bhe binasano hampano doangkafi sandahando mie pata meangkano endefiꞌini.

2 Petrus 1:10

Dadiꞌanomo bhahitieꞌiku, uleiꞌe mpuu lalomiu fotiwohaeꞌomu putae kotu-kotuꞌu hintimiu itu nobhasikoomu bhe nopilikoomu Lahataꞌala. Ane humabuomu nada anaꞌa, ingka paise mondawuomu weo dhosa tawa sumowoaneomu kaparasaeamiu.