Lukas 13:15 - Muna Southern Dialect

¹⁵ Tamaka Ompu Yesus notobhoosiemo ambano, “Hintimiu mie mehaaꞌulano! Ingka kosasawimiu ini sadhia lenseomu sapi tawa keledaimiu maka tondaeꞌomu we simbali fefohoꞌutieꞌomu, mahingga ne oleono Sabat.

Lukas 13:15 Iomraidhean Croise

Matius 15:14

Koemo heruandaomua. Andoa itu kabunto metondano dua kabunto. Ane kabunto netonda kabunto, kohoduando tetewei daondawu weo ola.”

Matius 15:7

Mie mehaaꞌulano! Nokotuꞌumo nekosuahaꞌaono anabii Yesaya nopulaoꞌao hintimiu,

Matius 23:13

Balaamoomu, pande-pande Kitabi bhe miendo Farisi, hintimiu mie mehaaꞌulano, kapaꞌamo songkoemoomu fointono Kafopahintaꞌano Lahataꞌala ne wisendo mie bhaimu. Hintimiu mokiidoomu mesuaꞌomu pakade meꞌontomiomu mie so mesuano.

Matius 23:28

Pedamo dua hintimiu itu, ne pomatando mie wohaꞌamiu mie banara, gahaꞌaitumo we lalomiu sanea fekihi mehaaꞌulano bhe isikadhi modai.

Matius 7:5

Hintu mehaaꞌulano! Alimo kadeki kakebhano sau weo matamu itu, so nentaleaꞌao umondo maka mali kanenano habha weo matano bhahitiemu.”

Lukas 12:1

Wakutuu anaꞌa nehewundo mie dopohato-hatomo tadopogua-guamo. Yesus netandakimo nofofoinaꞌu, kabhao-bhaono nopugaumo ne anaguhuꞌino ambano, “Posiꞌondoomu bhe kodhagaomu ne ragindo miendo Farisi, maꞌanano kafehaaꞌulando.

Lukas 14:5

Pada peda maitu nopugaumo ne andoa ambano, “Ane ibahano ne olotamiu itu nandoo seemie nondawu anano tawa o sapino weo sumu ne oleono Sabat, pae nahumelae bhahaa?”

Lukas 6:42

Peda ae dua pugauꞌao ne bhahitiemu, ‘Bhahitie, mai amaliangko kanenano habha weo matamu itu’, gahaꞌaitu kakebhano sau weo matamu miina mohaea. Hintu mie mehaaꞌulano! Alimo kadeki kakebhano sau weo matamu itu, so nentaleaꞌao umondo maka mali kanenano habha weo matano bhahitiemu.”

Lukas 7:13

Nowoha bhihinanda aitu, Ompu Yesus nobhelaanemo lalono maka nopugau ambano, “Koise moꞌaea.”

Lukas 7:19

Nesaliꞌimo dohodua maka notududa dakumala dameena Ompu Yesus nada aini, “Hintumo bhahaa so humatono peda nedhandiꞌaono Lahataꞌala maitu, kaa taeantagi dua mie sigaoꞌano?”