Lukas 13:13 - Muna Southern Dialect

¹³ Pada aitu noteimo limano ne hobhine anaꞌa. Hobhine aitu lasao noehe nofekalaa maka nofekakalabhia Lahataꞌala.

Lukas 13:13 Iomraidhean Croise

Matius 9:8

Mie bhahi mohano kadhadhia aitu doteꞌi bhe dopudhi Lahataꞌala maꞌaono kuasa bhalano pedando aitu ne manusia.

Markus 16:18

Ane daeintaha ule bhahaꞌi daohoꞌu hasu, pae daeꞌawa balaa. Ane datumei limando te wawono mie mosaki, mosakino aitu naoꞌosa.”

Markus 5:23

bhe nesalo mpuu ambano, “Anaku hobhine nosaohi sepaliꞌa sakino, ane naembali mai teiane limamu te wawono, noꞌosaꞌao, keana nomate.”

Markus 6:5

Ne liwuno naꞌa Yesus miina naembalia nehabu giu timenteꞌaono, mpahinomo notei limano te wawondo seemie hodua mosakino lasao doꞌosa.

Markus 8:25

Yesus nofedampa toha matano mie aitu, maka matano notilengka, netaamo kofowohanoa. Sabhaha newohano nentaleamo bhe notindamo.

Lukas 13:12

Nowoha hobhine amaitu Yesus noloꞌoiꞌemo bhe nopugau ambano, “Waꞌina moꞌosaanemo sakimu itu.”

Lukas 18:43

Mie anaꞌa lasao nofowoha maka noangkafi Yesus poowa nofekakalabhia Lahataꞌala. Kosasawindo mie mohano kadhadhia amaitu, dopudhimo dua Lahataꞌala.

Lukas 4:40

Nosoo kaowu oleo, kosasawindo miendo liwu deowaꞌianemo mie mosakino; saki nenamisindo tanofegiu. Yesus noteimo limano te wawondo seemie-seemie maka nofekaꞌosada.

Tula-tulando rasulu 9:17

Pada aitu Ananias nokalamo maka nopesua weo lambu anaꞌa. Noteimo limano te wawono Saulus bhe nopugau ambano, “Saulus, bhahitieku, Ompu notudu kanau amai ne ini, Anoamo Ompu Yesus motiwohano Wutono we sala kaangkaꞌamu. Kahatoꞌaku neanomo sumuli toha fowoha bhe nakumabhintiko Rohino Lahataꞌala.”