Lukas 12:48 - Muna Southern Dialect

⁴⁸ Tamaka seemie bhatua tapa mandeꞌaono kapoindalono kafeompuꞌano maka nehabu kaꞌala sampe nopantasimo dabhebhee, seendai naeꞌawa kabhebhe. Kapaꞌamo mie metahimano nobhahi, naobhahi dua datumuntue; mie neposahunaꞌaono nobhahi, naobhahi dua so nesonso ne anoa.”

Lukas 12:48 Iomraidhean Croise

Matius 13:12

Kapaꞌamo kokanandoono datumubhahiane ampa napontalabhi-labhi, tamaka tapa kokanandoono, o ae maka dua kanandoono damadae damalaꞌie.

Matius 23:14

[Balaamoomu, pande-pande Kitabi bhe miendo Farisi, hintimiu mie mehaaꞌulano, kapaꞌamo mebhohe-bhoheꞌiomu bhihinanda maka rampasiomu lambudo. Sambaheamiu fekawanta-wantaeꞌomu mbali kaowu powohando mie. Dadiꞌanomo nasedhuluꞌa dua kabhie kahukumu so neꞌawamiu.]

Lukas 12:41

Nopugaumo Petrus ambano, “Ompu, patudhuno kapalenda naꞌa so insaodi kaa so kosasawindo manusia?”

Lukas 12:49

“Hatoku ini aeꞌoho efi we dhunia ini; gaoku mpuu efi aini nohendemo!

Lukas 16:2

Nofetingke peda maitu, mintahano kahangkaea naꞌa nobhasiemo maka nofeenae ambano, ‘Peda ae bhahaa pofetingkeku ini, ingka dopulaoꞌao hintu? Soba buhi kanaꞌe bhahi-bhahiꞌae nehabumu kaomponano intaha kahangkaeaku ini, kapaꞌamo paemo membalia so mintahano kahangkaeaku.’

Yohanes 15:22

Ane pae ahumato bhe apugau bhe andoa, teteweimo pae dakodhosaa. Tamaka aitu miinamo dakotingkua dabheleꞌao dhosando.

Tula-tulando rasulu 17:30

Ampa aitu Lahataꞌala miinamo napolentua bhe dhamanino kakabhohe-bhohendo manusia, sampe nofohatodamo kosasawindo manusia kosedhuniaꞌae ini dametompaꞌaomo podiu modaindo.

1 Timotius 1:11

Kafoinaꞌu anaꞌa nopoangkafi bhe Bhihita Metaa maiꞌaono ne Lahataꞌala, kumalabhiano bhe mantasiꞌano damosibhalae. Bhihita Metaa ainimo nefoposahunaꞌaono Lahataꞌala ne idi so amolele.

1 Timotius 1:13

Gahaꞌaitumo endefiꞌini idi ini mie mekaꞌaebuno Lahataꞌala, mie fofodee-deeno, o mie kaꞌosa lalo. Tamaka Lahataꞌala nobhela kanau lalo, kapaꞌamo wakutuuno ahabu kosasawiꞌae naꞌa miinaꞌo amarasaeaꞌa, dadiꞌanomo miina amandeꞌaane nehabukua.

1 Timotius 6:20

Hintu, Timotius, dhagani metaaꞌe kafoinaꞌu toka neposahunaꞌao ne hintu. Fekakodoꞌo wutomu ne sabhaha pugau tapa kofahalaa bhe tapa mongkilo. Fekakodoꞌoe dua wutomu ne mie potaga-tagaliꞌaono nekonando kapande, gahaꞌa suano.

Titus 1:3

Ne wakutuu toka nefotantuno, Lahataꞌala nofekakoꞌulaemo dhandino naꞌa weo bhoasaono, ⸤ o Bhihita Metaa⸥ . Foleleꞌano Bhihita Metaa aini noposahunaꞌa kanaꞌemo idi, nopoangkafi bhe pahintano Lahataꞌala Mosalamati kaita.

Yakobus 3:1

Bhahitieꞌiku, koise dobhahia kopatudhuno membalino guruno agama. Ingka pandeꞌaaneomu, nahumato nafobhitahaki Lahataꞌala, tubho nepake so intaodiomu membalino guru, nalumiuꞌe kabhieno bhe tubho nepake so mie sigaoꞌano.