Lukas 12:45 - Muna Southern Dialect

⁴⁵ Ampamo kaowu ane bhatua naꞌa nokoduku we lalono, ‘Ingka kafeompuꞌaku nandoo naompona maka nasumuli’, maka namepekimo bhatua sigaoꞌano namoꞌane nahobhine, naomaa bhe naohoꞌu sampe nalolanu.

Lukas 12:45 Iomraidhean Croise

Matius 22:6

Nandoo dua sigaoꞌano dohako bhatuano, dofodee-deeda maka dopongkoda.

Lukas 12:44

Amohatokoomu, kotu-kotuꞌu kafeompuꞌa naꞌa nasumangke bhatua aitu somo mandeꞌaono sabhaha fehebuaꞌano.

Lukas 12:46

Gahaꞌa kafeompuꞌano tambaꞌomo nahumato ne oleo tapa nepotu-potuluꞌao, ne tempo tapa nenamu-namu. Bhatua anaꞌa namehaakebhae, kahukumu napototoane bhe mie pata meangkano ne Lahataꞌala.

Lukas 21:34

“Dhagani wutomiu, bhahasaa totono lalomiu notahusuꞌao fekihiꞌano kahame bhe foho-fohoꞌu bhe kafaraluuno dhunia. Kapaꞌamo ane nada anaꞌa Oleono Ompu nakumahatokoomu kabeanga kabhahinta.

Yohanes 2:10

bhe nopugau ambano, “Kotika mehabuno kahame nefolimba deki angguru foliuno kambaka. Nobhahi kaowu dofohoꞌu humatono, kaneꞌomo defolimba tapa seaꞌe mombakaꞌano. Gahaꞌa hintu ini mehunsa-hunsa angguru foliuno kambaka, kaneꞌo folimbae aitu!”

Tula-tulando rasulu 2:18

Ne oleo anaꞌa mahingga ne bhatuaku namoꞌane nahobhine amosampu dua Rohiku, sampe dakosuaha nada anabii.

Roma 16:18

Kapaꞌamo mie pedando itu miina dameompu ne Kristus, Ompuntoomu, tamaka dofeompu kaowu ne iꞌino handado. Pugaundo nokesa, wambado nomeko, tamaka debhohe-bhoheꞌi kaowu mie kaangka-angkano.

2 Korintus 11:20

Ane dofobhatuakoomu mie bhaindo, pedamo dua dososopi kanandoomiu, doꞌakalaikoomu, dofekalangke diundo ne wisemiu, dobhantofakoomu, ingka tasabahamoomu.

1 Tesalonika 5:7

Kapaꞌamo moodono, doodo kohondoꞌa; mololanuno, dololanu dua kohondoꞌa.

2 Petrus 2:13

Kakadee-dee so neꞌawando naꞌa kanggetu dua ponambono habu modaindo fofodee-deeno. Dohabu pokahaku ole-oleo dokonaemo dua kataano namisindo. Ane dohumaa dopombali-mbali bhe hintimiu weo kahamendo umati, diundo notimolampi bhe notimoambanoꞌao mbaꞌinomo dololanuꞌao nafusuu modai.

2 Petrus 2:19

Mie andoa naꞌa dodhandianda kabebasi, gahaꞌaitumo wutondo mpahaguru-guruno maitu nofobhatuada kanea fofobinasano. Ingka dopandeꞌaane ane seemie manusia notalo, nembalimo bhatuano o ae maka dua tumaloe naꞌa.

Powoha 16:6

Kapaꞌamo andoamo maitu motuhuno heando umati mongkilono bhe ana-anabii. Aitu fefohoꞌutianda hea, daanumo nopantasimo so andoa.”

Powoha 18:24

Ne kotamo ini kapotuhuꞌano heando ana-anabii, umati mongkilo bhe sabhaha mie nepongko ne dhunia ini.