Lukas 11:39 - Muna Southern Dialect

³⁹ Tamaka Ompu nopugaumo ambano, “Hintimiu miendo Farisi fewaniuꞌomu kundono kampomaaꞌa bhe kampohoꞌuꞌa tamaka we totono lalomiu noponoꞌao kasaohi buku bhe podiu modai.

Lukas 11:39 Iomraidhean Croise

Matius 15:19

Kapaꞌamo nomaiꞌao we totono lalo nolimba sabhaha fekihi modai, dofopongko, domonsule, dopokawite-wite, dosibu, degau-gau bhe dofoꞌumbu.

Matius 7:15

“Posiꞌondoomu ne mie mpahaana-anabiino. Andoa damai daesahangka ne dhumba momaluno lalo, gahaꞌaitu andoa itu daꞌu ngkahoku fohumaano.

Lukas 16:15

Nopugaumo Yesus ne andoa ambano, “Hintimiu ini fotiwoha wutomiu ne wisendo manusia peda mie banara, tamaka Lahataꞌala nopandeꞌaane totono lalomiu. Kapaꞌamo diu nekonando manusia foliunomo kakesa, nobansie Lahataꞌala.

Lukas 7:13

Nowoha bhihinanda aitu, Ompu Yesus nobhelaanemo lalono maka nopugau ambano, “Koise moꞌaea.”

Lukas 7:19

Nesaliꞌimo dohodua maka notududa dakumala dameena Ompu Yesus nada aini, “Hintumo bhahaa so humatono peda nedhandiꞌaono Lahataꞌala maitu, kaa taeantagi dua mie sigaoꞌano?”

Yohanes 12:6

Kapugauꞌano peda naꞌa suano mbaꞌinomo noniniꞌao mie mokae, tamaka mbaꞌinomo anoa maitu seemie kasoꞌo, nentelamo nohumaa dhoi weo kaenteiꞌa dhoi neintahano.

Yohanes 13:2

Yesus bhe anaguhuꞌino nandoo dohumaa. Kafeompuꞌando seetani padamo nokamuntui Yudas anano Simon Iskariot, nowaꞌane patudhu modai weo totono lalono so namowaꞌao Yesus ne limando kaewa.

Tula-tulando rasulu 5:3

Tamaka Petrus nopugaumo ne Ananias ambano, “Ananias, noafa gahaꞌa totono lalomu nokuasaiane Kafeompuꞌando seetani, sampe gau-gaumo Rohino Lahataꞌala? Ingka olino witemu sedawu hunsae so wutomu?

Galatia 1:14

Weo dhalangiꞌano agama Yahudi, dobhahi tapiꞌaku aliuda. Nokampuu-mpuu laloku bhe akokoso sepaliꞌa adambaꞌao adhati kahunsaꞌaondo awuaꞌiku.

2 Timotius 3:5

Wohaꞌano ingka dodhalangie agamando, tamaka sakotuꞌuꞌano miina damarasaea o sambahea maitu nokokuasa. Fekakodoꞌo wutomu ne mie medando naꞌa.

Titus 1:15

Mbali mie mongkilono totono lalo, o ae maka dua nepake sanea nongkilo ⸤ nohalala⸥ , tamaka mbali mie mohakuno fekihi bhe tapa marasaeano ne Kristus, nepakeno miina bhe mongkiloꞌanoa ⸤ sanea noharamu⸥ , kapaꞌamo naetaa fekihindo naetaa totono lalondo kumatanga-tangano saneamo mohakuꞌano.

Yakobus 4:8

Fekamaꞌo wutomiu ne Lahataꞌala, maka Anoa namaꞌotikoomu dua. Hintimiu mie kodhosa, fekangkilo dadimiu. Hintimiu kohaꞌano totono lalo, fekamoinda totono lalomiu.