Lukas 11:29 - Muna Southern Dialect

²⁹ Tangasano dolibu-libue mie bhahi maitu Yesus nopugaumo ambano, “Mie dhamani aini nodai diundo. Andoa desalo seꞌise tanda tapa mentela tamaka paise damaꞌanda ampamo kaowu tandano kumadhadhiano ne anabii Yunus.

Lukas 11:29 Iomraidhean Croise

Matius 3:7

Dobhahi dua miendo Farisi bhe miendo Saduki mefekadiuno. Sanowohada, Yohanes nopugaumo ambano, “Hintimiu ini sampuꞌano ule modai. Ambamo laꞌae bhahaa lumapaomu ne amahano Lahataꞌala so humatoꞌano?

Markus 8:38

Ane doambano doangkafi kanau bhahaꞌi doambano doangkafi kafoinaꞌuku ne olotando mie modai bhe mie kodhosa dhamani aini, Anano Manusia - Idimo ini - naoambanoane dua mie aitu ane namai weo kakalabhiano Amano, dalumibu-libue malaꞌekati mongkilono.”

Lukas 11:16

Nandoo dua mesalono ne Yesus namotiwohaanda tanda tapa mentela so katandaino kuasano nomaiꞌao ne Lahataꞌala, tamaka patudhundo damansoꞌalaiꞌe.

Lukas 11:50

Kanandooꞌano peda anaꞌa neanomo mie dhamani aini damotongkuanda kaꞌala defolimba heando kosasawindo anabii mpini pakatifokonandoono dhunia.

Lukas 12:1

Wakutuu anaꞌa nehewundo mie dopohato-hatomo tadopogua-guamo. Yesus netandakimo nofofoinaꞌu, kabhao-bhaono nopugaumo ne anaguhuꞌino ambano, “Posiꞌondoomu bhe kodhagaomu ne ragindo miendo Farisi, maꞌanano kafehaaꞌulando.

Lukas 9:41

Ambano Yesus, “Pahasili hintimiu, mie tapa marasaeano bhe kolilinono totono lalo! Tana seꞌae gahaꞌa beano so kaomponanoa aeate bhe hintimiu? Tana seꞌae bhahaa so sabahaku? Owa kanaꞌe se ini anamu itu!”

Yohanes 2:18

Miendo Yahudi dofoewa Yesus ambado, “Motiwoha kainsami tanda timenteꞌaono medano ae bhahaa so katandaino hakumu mehabu peda itu?”

Yohanes 6:30

Maka ambado toha, “Mehabu kainsami tanda ae bhahaa, tamohaꞌao bhe tamarasaeaꞌao ne hintu? Kahadhaa ae bhahaa so nehabumu?

Yohanes 8:44

Amamiu Kafeompuꞌando seetani, sadhia gaomiu mangkafiomu kapoindalono amamiu naꞌa. Anoamo itu mongkono manusia mpini kabhao-bhaono, miina natumai ne kabanara, kapaꞌamo weo totono lalono miina bhe kabanarano. Ane nakopaha, nopantasimo, kahabuaonomo. Anoa itu pande gau-gau, amandomo sabhaha paha.

1 Korintus 1:22

Miendo Yahudi desalo tanda timenteꞌaono ⸤ so bukutiino⸥ , bhe miendo Yunani deꞌondofi kapande.