Lukas 11:22 - Muna Southern Dialect

²² Ampamo kaowu nahumato seemie lumiuꞌe kaꞌosa maka napoewangiane bhe natumaloe, tetewei sabhaha katokano ewangano netangkaꞌaono narumampasie maka sabhaha fehebuaꞌano nerampasino nadumawu-dawue.

Lukas 11:22 Iomraidhean Croise

Lukas 11:21

Ane mie moꞌosa nosangka bhe ewangano nodhagani lambuno wutono, teteweimo sabhaha fehebuaꞌano natohopo.

Lukas 11:23

Laꞌae tapa pobhaino bhe Idi noewangi kanau. Laꞌae tapa humamba kanau taefohompu mie, mie aitu mehabuno pogasa-gasaꞌando mie.”

Efesus 6:11

Fokanaomu sabhaha katokano ewanga newaꞌaono Lahataꞌala, so naotangkaꞌao ehemiu poewangiꞌaoꞌomu bhe akala ngkowawe maiꞌao ne Kafeompuꞌando seetani.

Efesus 6:13

Dadiꞌanomo fokanaeꞌomu sabhaha katokano ewanga newaꞌaono Lahataꞌala, neanomo nahumato oleo modai naꞌa mooli poewangiomu. Neanomo dua sampe namalusi popahisaꞌa, hintimiu sadaa-daa naotangka koehemiu.

Kolose 2:15

Maiꞌao te sau salipu Kristus notalodamo sabhaha rohi mahintano bhe kokuasano. Kafotalono Kristus dowohae sabhaha mie; rohi mahintano bhe kokuasano naꞌa kanggetumo katohongku dotapuda weo hame-hameno kafotalono Kristus.

1 Yohanes 3:8

Tamaka mie mehabuno kansuhu dhosa anaꞌinomo Kafeompuꞌando seetani, kapaꞌamo ingka Kafeompuꞌando seetani nokodhosa mpini kabhao-bhaono. Ainimo patudhuno Anano Lahataꞌala nomai, so namobinasaꞌao sabhaha habuno Kafeompuꞌando seetani.

1 Yohanes 4:4

Anaꞌiku! Hintimiu fehebuaꞌano Lahataꞌala, talodamoomu mpahaana-anabiino, hampano Rohino Lahataꞌala weo totono lalomiu nofoliuꞌe kuasano rohi weo totono lalondo miendo dhunia ini.