Lukas 11:19 - Muna Southern Dialect

¹⁹ Dadiꞌanomo ane aefolimba seetani apake kuasano Beelsebul, anaguhuꞌimiu depake kuasa laꞌae defolimba seetani? Dadiꞌanomo nehabundo maitu katandainomo kaꞌalano fekihimiu.

Lukas 11:19 Iomraidhean Croise

Matius 10:25

Naetaamo seemie anaguhu napototo bhe guruno, bhe seemie bhatua napototo bhe kafeompuꞌano. Ane kolambuno dakumonaemo Beelsebul ⸤ maꞌanano Kafeompuꞌando seetani⸥ , bhemo toha mie weo lambuno; ingka dawambakianda sabhaha modaiꞌano.

Matius 4:24

Bhihitano Yesus ini nokolelemo ne kosekaꞌewaꞌae kadieno Siria, sampe deowaꞌianemo mie menamisino sabhaha saki, kakadee-dee bhe kadaino namisi, mie nepesuakino seetani, mate manuno bhe mokaluno. Kosasawindo naꞌa nofekaꞌosada.

Lukas 19:22

Ambano kafeompuꞌa naꞌa, ‘Bhatua modai, abhotusiko naposahataa bhe pugaumu itu. Ingka pandeꞌa kanaumo mie moꞌosano lalo, aeala tapa nehunsaku, akape ne kaampo tapa kamontisaꞌaku.

Lukas 9:49

Nopugaumo Yohanes ambano, “Guru, tawoha seemie nefolimba seetani nopake neamu, lasao taꞌeleꞌaane hampano suano mie mangkafino intaodiomu ini.”

Tula-tulando rasulu 19:13

Nandoo dua seemie hodua bhisa miendo Yahudi dolili weo kota aitu. Andoa desoba-soba dua dosambili neano Yesus ne mie nepesuakino seetani. Ambado, “Abhatataꞌiangko weo neano Yesus nefoguhuꞌaono Paulus, limbaꞌo toha.”

Roma 3:19

Tamaka dopandeꞌaaneomu bhahi-bhahiꞌae tibuhino weo Kitabino tubhono agama Yahudi mbali mie dumadino weo tubhono agama naꞌa. Pedamo anaꞌa kosasawindo manusia paemo dakowobhaa ⸤ dapotunduꞌao wutondo ne wiseno Lahataꞌala⸥ , kapaꞌamo kosedhuniaꞌae ini nabhotusie Lahataꞌala.