Lukas 11:13 - Muna Southern Dialect

¹³ Dadiꞌanomo sanginomo hintimiu mie modai pandemoomu waꞌaoꞌomu metaaꞌano ne anamiu, bhemo toha Amamiu te surugaa! Anoa namaꞌao Rohino ne laꞌae maka dua mesaloiꞌe.”

Lukas 11:13 Iomraidhean Croise

Matius 5:16

Pedamo aitu dua tilangamiu tabeano naentalea ne wisendo mie bhaimiu, dowohaꞌao podiumiu metaaꞌano so damudhiꞌao Amamiu te surugaa.”

Matius 5:45

Kapaꞌamo nadamo aini so membaliꞌaoꞌomu anaꞌino Amamiu te surugaa. Anoa nofofoni oleono so mie modai bhe so mie metaa, nofosampu useno so mie banara bhe so mie pata banara.

Matius 6:14

Ane maꞌafuꞌaoꞌomu mie kokaꞌalano ne hintimiu, Amamiu te surugaa naꞌumamponikoomu dua.

Matius 6:30

Kahoku tumumbuꞌano we pada oleo itu, namentae datumawuemo. Sanginomo kahoku maitu nolegasiemo Lahataꞌala, bhemo toha dua hintimiu! Kakuhano dua kaparasaeamiu!

Matius 6:32

Kosasawiꞌae naꞌa nefosibhalandomo sabhaha bansano liwu tapa mandeꞌaono Lahataꞌala. Amamiu te surugaa nopandeꞌaane kosasawiꞌae maitu faraluuꞌeomu.

Matius 7:11

Sanginomo hintimiu mie modai pandemoomu waꞌaoꞌomu metaaꞌano ne anamiu, bhemo toha Amamiu te surugaa! Anoa namaꞌao metaaꞌano ne mie mesalono.”

Lukas 11:12

Tawa ane nesalo unteli tanowaꞌao waꞌati-atikoho?

Lukas 11:2

Notobhoosidamo Yesus ambano, “Ane sumambaheaꞌomu, pugauꞌomu nada ini: Ama, notifosibhalaꞌo toha neamu, nohatoꞌo toha Kafopahintaꞌamu.

Lukas 18:7

Bhahaa Lahataꞌala pae napotunduꞌao umati tipilino metondalano ne Anoa mentae mohondo? Bhahaa Lahataꞌala naefodhulu-dhulu tempo maka natumulumida?

Yohanes 4:10

Ambano Yesus, “Ane mandeꞌaane kadawuno Lahataꞌala bhe laꞌae sakotuꞌuno mesalono ne hintu, ‘Bhe idi oemu aohoꞌu’, tetewei hintumo so mesalono ne Anoa, maka Anoa namaꞌangko oe meowano dadi.”

Tula-tulando rasulu 2:38

Ambano Petrus, “Fetompaaneomu dhosamiu maka mefekadiuꞌomu seemie-seemie weo neano Yesus Kristus, so natiꞌamponiꞌao dhosamiu. Mada aitu damaꞌangkoomu kawaꞌaono Rohino Lahataꞌala.

Roma 5:17

Hampano dhosano mie seemie, o mate nokokuasa ne manusia dhohono pokaiꞌano bhe mie aitu. Ingka nopobhansule sepaliꞌa losano nehabuno manusia seemieno, Yesus Kristus. Kapaꞌamo noangka ne Yesus Kristus, dotahimamoomu rahamatino Lahataꞌala pontalabhi-labhino bhe kawaꞌaono notahima kaita peda mie banara sampe dadumadi bhe dakokuasa ne dhunia ini.

Roma 7:18

Kapaꞌamo apandeꞌaane ne idi ini miina sepaliꞌa bhe metaaꞌano, patudhuku ne mbadha kamanusiaku ini. Nandoo kapoindalo metaa weo totono laloku, tamaka miina amoolie adhalangiea.

Roma 8:32

Sanginomo Anano wutono ingka miina naooloanea noowae dopongkoe so kasalamatiꞌantoomu, bhemo toha bhahi-bhahiꞌae sigaoꞌano, bhahaa pae nafowaꞌanea?

Titus 3:3

Endefiꞌini intaodiomu dobhoheomu dua, miina daeangkaa bhe nokolilino totono lalontoomu, dembaliomu bhatuano nafusuu bhe sabhaha kapoindalono mbadha. Dadintoomu noponoꞌao podiu modai bhe kakonduano lalo, o mie dofobansi bhe intaodiomu dobansi dua mie bhainto.