Lukas 10:27 - Muna Southern Dialect

²⁷ Ambano mie anaꞌa, “Moasiane Ompu Lahataꞌalamu sampuu-mpuuno lalomu, sampuu-mpuuno alusumu, sampuu-mpuuno kaꞌosamu, sampuu-mpuuno fekihimu, bhe moasianda mie bhaimu peda kaasimu ne wutomu.”

Lukas 10:27 Iomraidhean Croise

Matius 19:19

fosibhala inamu bhe amamu bhe moasiꞌao mie bhaimu nameda wutomu.”

Lukas 10:26

Yesus notobhoosimo ambano, “O ae tibuhiꞌano weo Kitabino Musa? O ae nebasamu weo Kitabi naꞌa?”

Roma 13:9

Kapaꞌamo bhahi-bhahiꞌae pahinta weo tubhono agama Yahudi: koe monsule, koe fopongko, koe mosibu, koe mekapoindalo pata membalino hakumu, bhe sabhaha pahinta sigaoꞌano, ingka noꞌonumo ne bhoasao sehondano ini, “Moasiꞌao mie bhaimu peda kaasimu ne wutomu.”

Galatia 5:13

Bhahitieꞌiku, daanumo nobhasikoomu Lahataꞌala so bebasiꞌaoꞌomu, ampamo kaowu kabebasi aitu koise pakeeꞌomu so tingkuno mangkafiomu sabhaha kapoindalono wuto, tamaka poꞌondo-ondofaoꞌomu pomoni-moniniꞌaoꞌomu.

Ibrani 8:10

Tamaka ainiꞌaemo podhandiꞌa so nehabuku bhe miendo Israel we oleo mbuhumai, bhoasaono Ompu: pahintaku atumeiꞌe weo fekihindo, tubhoku abuhie weo totono lalondo. Idi somo Lahataꞌalando, andoa somo umatiku.

Yakobus 2:8

Ampamo kaowu, ane dhumalangiomu pahintano Omputo tibuhino weo Kitabino Musa, “Moasianda mie bhaimu peda kaasimu ne wutomu!”, ingka habu metaamoomu.

1 Yohanes 3:18

Anaꞌiku! Koise dofomoasiꞌao ne pugaunto tawa ne wiwinto kaowu, tamaka tabeano kotu-kotuꞌu nakoꞌula ne habunto.