Lukas 1:78 - Muna Southern Dialect

⁷⁸ Kosasawiꞌae ini hampano kanini kaasi bhe kabhelano lalono Lahataꞌalantoomu, Anoa nofodongawi nafotulumi, tapedamo tilangano oleo bheteno te melangkeꞌano

Lukas 1:78 Iomraidhean Croise

Yohanes 3:16

Hampano kabhalano kanini kaasino Lahataꞌala ne dhunia ini, sampe nofowaꞌaomo Anano Kaenseemie, neanomo sasuka marasaeano ne Anoa pae nabinasaa, tamaka naeꞌawa dadi suhue dhamani.

Efesus 5:14

Kapaꞌamo bhahi-bhahiꞌae tiwohaꞌano, tantumo nentalea. Kanandooꞌanomo dokowambaane peda aini, “Wanumo hintu moodono, wanumo maiꞌao ne mate, maka naꞌumulawiko tilangano Kristus.”

Filipi 1:8

Wutono Lahataꞌala sakusiino pugauku ini: nokamba mpuu laloku apoꞌawa bhe hintimiu, kapaꞌamo aoasiangkoomu tapedamo kanini kaasino wutono Yesus Kristus.

Filipi 2:1

Ingka notangkamo lalomiu mbaꞌinomo seꞌisemoomu bhe Kristus. Ingka notilawesi dua lalomiu mbaꞌinomo noniniangkoomu Kristus. Ingka pobhahi-bhahitieꞌomu weo kaseꞌise bhe Rohino Lahataꞌala. Ingka pomoa-moasiꞌaoꞌomu, pomoni-moniniꞌaoꞌomu.

Kolose 3:12

Hintimiu umatino Lahataꞌala timoasiꞌaono, padamo nopilikoomu mbali fehebuaꞌano mongkilono. Dadiꞌanomo fotiwohaeꞌomu kabhelano lalo bhe kataano lalomiu ne mie bhaimu, fekapandae diumu, fekamalu lalomu bhe kosabaha.

2 Petrus 1:19

Dadiꞌanomo sedhuluꞌa kamatangkano tafintahaki putae bhoasaono Lahataꞌala nekosuahaꞌaondo ana-anabii daanumo nentoo. Naetaa mpuu umondofaaneomu bhoasao anaꞌaa, kapaꞌamo nokotilanga pedamo kantalea we mohohondoꞌano. Tilanga aitu ondo-ondoeꞌomu kansuhu, ampa nahumaha kamentae maka o kowine nakotilanga weo totono lalomiu.

1 Yohanes 3:17

Ane seemie dumadino weo kanandoo, nowoha bhahitieno nokae tamaka notiꞌonto totono lalono, nokiido natumulumie, nada amai gahaꞌa kanini kaasino Lahataꞌala naeate weo totono lalono?

Powoha 22:16

Idi Yesus, padamo atudu malaꞌekatiku ne hintimiu namohatoangkoomu kaowili aini so tombu-tombudo umati marasaeano. Idi ini tunasi bhalano omputo Daud, Kowine mentaleano.”