Lukas 1:35 - Muna Southern Dialect

³⁵ Notobhoosimo malaꞌekati, “Rohino Lahataꞌala nasumampu ne hintu bhe kuasano Lahataꞌala foliuno kalangke nakumaputiko, dadiꞌanomo anaꞌi so lumenteꞌano naꞌa dakumonae Mie mongkilo, Anano Lahataꞌala.

Lukas 1:35 Iomraidhean Croise

Matius 1:18

Kalenteꞌano Yesus Kristus pedamo aini. Maria, inano Yesus, nopopohae bhe Yusuf. Miinaꞌo dagumaaꞌa, gahaꞌa nofowoowamo hampano Rohino Lahataꞌala.

Matius 1:20

Gahaꞌa tangasano notimba-timbangi patudhuno maitu, malaꞌekatino Ompu nofotiwohamo wutono weo nifi. Ambano malaꞌekati maitu, “Yusuf, sampuꞌano Daud, koe moteꞌia mala Maria so mieno lambumu, kapaꞌamo anaꞌi newoowano itu nomaiꞌao ne Rohino Lahataꞌala.

Matius 14:33

Mie weo bhangka dotaohao sombado bhe dopugau, “Kotu-kotuꞌu Hintu ini Anano Lahataꞌala.”

Matius 27:54

Neangkando tantara bhe tantara dhumaganino Yesus doteꞌi sepaliꞌa dowoha lualino wite bhe sabhaha kumadhadhiaꞌano sampe dopugau ambado, “Kotu-kotuꞌu mie aini Anano Lahataꞌala.”

Matius 4:3

Gahaꞌa nomaimo Fosobano maitu bhe nopugau ambano, “Ane hintu ini Anano Lahataꞌala, soba tududa kontu ini daembali roti.”

Markus 1:1

Ainimo Bhihita Metaa metula-tulaꞌaono Yesus Kristus, Anano Lahataꞌala.

Markus 1:24

“O Yesus miendo Nasaret, o ae patudhumu ne insaodi ini? Mai mobinasa kainsami gahaꞌa? Apandeꞌaangko, Hintu itu mie mongkilono katuduno Lahataꞌala.”

Lukas 1:27

Ne itu nakumala ne seemie kalambe koneaꞌano Maria. Kalambe aini nopopohae bhe Yusuf sampuꞌano omputo Daud.

Lukas 1:34

Ambano Maria ne malaꞌekati anaꞌa, “Nada amai nakumadhadhia bhahaa, ingka idi ini miinaꞌo akomoꞌanea?”

Lukas 1:36

Amohatoko bhahitiemu Elisabet tangasano dua nofowoowa, mahinggamo nokamungkulamo, ampa aini nomo wulamo. Mie nekonando noꞌafa naꞌa nakoanaꞌao seemie moꞌane.

Yohanes 1:34

Idi awohaꞌaomo wuntano mataku, dadiꞌanomo asakusiiane Anoamo ini Anano Lahataꞌala.”

Yohanes 1:49

Ambano Natanael, “Guru, Hintu Anano Lahataꞌala, Hintumo Omputono Israel.”

Yohanes 20:31

Ampamo kaowu kosasawiꞌae ini padamo dobuhie neanomo hintimiu ⸤ mebasano bhe metingkeno⸥ marasaeaꞌomu putae Yesus maitu Omputo Fosalamatino, Anano Lahataꞌala; neanomo dua hampano kaparasaeamiu ne Anoa meꞌawaomu dadi.

Tula-tulando rasulu 8:36

Andoa dokala kansuhu, gahaꞌa dehatomo koꞌoeꞌano. Ambano kabhala maitu, “Ingka inia o oe, nandoo bhahaa nekaemiku ane dakumadiu kanaumoa?”

Roma 1:4

Tamaka Rohino Lahataꞌala nofotiwohae putae Anoa Anano Lahataꞌala, nokokuasa hampano nowanu maiꞌao ne mate.

Galatia 2:20

Tamaka ampa aitu adadimo. Ampamo kaowu suanomo dadiku wutokua, tamaka Kristus dumadino we laloku ini. Dadi nedambaꞌaoku ini, ingka o dadi weo kaparasaea ne Anano Lahataꞌala. Anoa noasi kanaumo sampe nofotawakala wutono dopongkoe so idi.

Efesus 2:3

Sakotuꞌuno endefiꞌini kosasawintoomu nopototo dua bhe andoa; dodadi doangkafi nafusuu bhe kapoindalono mbadha bhe fekihi modai. Sakotuꞌuno nopantasi mpuu Lahataꞌala nafoꞌamahaki, peda dua andoa maitu.

Ibrani 4:15

Imamuntoomu, o Imamu Bhalano numamisino dua sabhaha kanalentoomu. Anoa nopototo bhe intaodiomu ini, padamo nonamisie sabhaha kasoba, ampamo kaowu miina nakodhosaa.