Lukas 1:32 - Muna Southern Dialect

³² Anaꞌi anaꞌa naembali kabhala bhe dakumonae Anano Lahataꞌala Foliuno Kuasa. Ompu Lahataꞌala nasumangkee so omputo nameda omputo Daud awuano.

Lukas 1:32 Iomraidhean Croise

Matius 1:1

Pedamo aini siwulu kamaiꞌaoꞌano Yesus Kristus sampuꞌano Daud, sampuꞌano Abraham.

Matius 12:42

Nahumato Oleono Kiama, omputo hobhine maiꞌaono we liwuno Sheba nasiwanuꞌa bhe mie dhamani aini maka namoꞌalada. Kapaꞌamo omputo hobhine aini nomaiꞌao we tompano dhunia nametingke kafoinaꞌu kotimbangino omputo Salomo. Sakotuꞌuno humatono ini noliuꞌe omputo Salomo.”

Matius 28:18

Yesus nomaꞌotidamo bhe nopugau ambano, “Sabhaha kuasa te surugaa bhe we dhunia ini nowaꞌa kanaꞌe Amaku.

Matius 3:11

Idi akadiuangkoomu oe mbali katandaino fetompaꞌao dhosamiu, tamaka so humatono mada kaowu nofoliu kanau kuasa. Mahingga alumense katapuno kaampinino pae amantasia. Anoa naꞌa nakumadiuangkoomu Rohino Lahataꞌala bhe efino.

Markus 14:61

Tamaka Yesus miina nakodiua, miina sepaliꞌa natumobhoosia. Imamu Bhalano maitu nofendua nofeenae ambano, “Nokotuꞌu hintumo ini Mesias, anano Lahataꞌala tipudhino?”

Markus 5:7

Mie aitu nokei nofekabhala-bhala, “Yesus Anano Lahataꞌala kokuasano! O ae patudhumu ne idi ini? Weo neano Lahataꞌala, koise fodee-dee kanau!”

Lukas 1:15

Anaꞌi anaꞌa naembali kabhala ne pomatano Ompu, paise naohoꞌu angguru tawa kafohoꞌu kaololanuꞌa sigaoꞌano. Rohino Lahataꞌala nakumabhintie mpini weo haebu.

Lukas 1:35

Notobhoosimo malaꞌekati, “Rohino Lahataꞌala nasumampu ne hintu bhe kuasano Lahataꞌala foliuno kalangke nakumaputiko, dadiꞌanomo anaꞌi so lumenteꞌano naꞌa dakumonae Mie mongkilo, Anano Lahataꞌala.

Lukas 1:76

Hintu anaku dakumonako seemie anabiino Lahataꞌala Kokuasano, kapaꞌamo hintu maꞌinduluki Ompu mebhongkaane kaangkaꞌa,

Lukas 3:16

Dadiꞌanomo Yohanes nopugaumo ne mie bhahi maitu ambano, “Idi ini akadiuangkoomu oe, tamaka so humatono mada kaowu nofoliu kanau kuasa, mahinggamo alumense katapuno kaampinino pae amantasia. Anoa naꞌa nakumadiuangkoomu Rohino Lahataꞌala bhe efino.

Lukas 6:35

Tamaka hintimiu, moasianda kaewamu, habu metaa ne andoa. Fofoada tamaka koe posahunaꞌao sumuli umawae, maka meꞌawa ponambo bhahi. Hintimiu membaliomu anaꞌino Lahataꞌala foliuno kuasa, kapaꞌamo Lahataꞌala netaa dua lalono ne mie tapa mepandeꞌaono katumpuno lalo bhe mie modai.

Yohanes 12:34

Dotobhoosimo mie bhahi ambado, “Padamo tafetingke maiꞌao ne Kitabi, ingka Mesias Omputo Fosalamatino nadumadi ampa suhue dhamani. Noafaꞌao dua pugau Anano Manusia dasumangkee te melangkeꞌano? Laꞌae bhahaa Anano Manusia maitu?”

Yohanes 6:69

Insaodi taparasaeamo bhe tapandeꞌaanemo Hintumo mie mongkilo Katuduno Lahataꞌala.”

Tula-tulando rasulu 16:17

Anoa nokaangka Paulus bhe insaodi, bhe nokei ambano, “Andoa ini katudunomo Lahataꞌala Foliuno Kuasa. Andoa dofohatoangkoomu nada amai dhalano so sumalamatiꞌaoꞌomu.”

Tula-tulando rasulu 2:30

Lahataꞌala padamo nodhandie bhe nofemata putae namaiꞌao ne sampuꞌano nandumandoo naseemie so nesangkeno Lahataꞌala naembali Omputo. Daud ini nopandeꞌaane dhandino Lahataꞌala naꞌa. Anoa seemie dua anabii,

Tula-tulando rasulu 2:36

Dadiꞌanomo kosasawindo miendo Israel tabeano mandeꞌaaneomu kotu-kotuꞌu putae Yesus nosangkeemo Lahataꞌala nembali Ompu bhe Mesias, Omputo Fosalamatino. Yesus ini padamo kantaiꞌeomu te sau salipu.”

Tula-tulando rasulu 7:48

Ampamo Lahataꞌala Foliuno Kuasa miina naeate ne lambu kahabundo manusia, peda tibuhiꞌano weo Kitabindo anabii,

Roma 1:4

Tamaka Rohino Lahataꞌala nofotiwohae putae Anoa Anano Lahataꞌala, nokokuasa hampano nowanu maiꞌao ne mate.

Powoha 3:7

“Buhie dua so malaꞌekatino umati we Filadelfia: pedamo aini kaowili maiꞌao ne Mie Mongkilo, Mie Banara, mintahano kunsino Daud. Ane nelengka fointo, pae bhe so mooliea daꞌumontoe; pedamo dua ane neꞌonto fointo, pae bhe so mooliea dalumengkae.