Lukas 1:26 - Muna Southern Dialect

²⁶ Nokapo nomo wula Elisabet nofowoowa, Lahataꞌala notudumo toha malaꞌekati Gabriel nakumala we Galilea ne seꞌonu kota koneaꞌano Nasaret.

Lukas 1:26 Iomraidhean Croise

Matius 2:23

Dohato we Galilea deatemo ne seꞌonu kota koneaꞌano Nasaret. Pedamo naꞌa nokoꞌulaꞌao bhoasaono Ompu nefosampendo ana-anabii mulaoꞌaono anaꞌi amaitu, “Anoa dakumonae miendo Nasaret.”

Lukas 1:19

Notobhoosimo malaꞌekati anaꞌa ambano, “Idimo ini Gabriel, palima-limano Lahataꞌala, notudu kanau apotula-tulaangko, amohatoangko bhihita metaa ini.

Lukas 2:39

Nopalusi doalaꞌi kosasawiꞌae tutuha maraluuꞌano peda pahintano Ompu, dosulimo we liwu kaeateꞌando, liwuno Nasaret we kadieno Galilea.

Lukas 2:4

Pedamo dua anaꞌa, Yusuf nomaiꞌao we Nasaret we kadieno Galilea nokala we kadieno Yudea, we Betlehem, kota kalenteꞌano omputo Daud, kapaꞌamo anoa lee walaka bhe sampuꞌano Daud.

Yohanes 7:41

Ambado dua sigaoꞌano, “Anoa ini Mesias Omputo Fosalamatino.” Tamaka ambado dua sigaoꞌano, “Kunaꞌemiu o Mesias namaiꞌao we Galilea gahaꞌa?