Lukas 1:17 - Muna Southern Dialect

¹⁷ Anoa namaꞌinduluki Ompu, rohino bhe kuasano napototo bhe anabii Elia. Namodoli lalondo kamungkula ne anaꞌindo bhe namodoli totono lalondo mie pata meangkano ne fekihindo mie banara. Nadamo naꞌa naefontaa-ntaa umati mantasiꞌano so tumahimano Ompu.”

Lukas 1:17 Iomraidhean Croise

Matius 11:14

Maka ane tumahimaeꞌomu, Yohanesmo ini anabii Elia so humatono itu.

Matius 14:4

Yohanes nefeꞌulaiane ambano, “Ingka o falia mala Herodias so mieno lambumua.”

Matius 3:3

Yohanesmo ini nepulaoꞌaono anabii Yesaya ambano, “Nandoo suaha mekei-keino we pandaso bhalano, ‘Mebhongkaomu kaangkaꞌa so Ompu fekalaaꞌeomu so kaangkaꞌano.’ ”

Matius 3:4

Pakeano Yohanes wuluno unta, kagegeno o kuli. Nehumaano kapunda bhe golano kainiua.

Lukas 1:16

Naobhahi miendo Israel namodolida dasumuli ne Ompu Lahataꞌalando.

Lukas 1:76

Hintu anaku dakumonako seemie anabiino Lahataꞌala Kokuasano, kapaꞌamo hintu maꞌinduluki Ompu mebhongkaane kaangkaꞌa,

Yohanes 1:13

Dembali anaꞌino Lahataꞌala, maꞌanano miina peda lentendo manusia, nomaiꞌao ne kapoindalono mbadha tawa kapoindalono moꞌane, tamaka dadi buꞌou naꞌa nomaiꞌao ne Lahataꞌala.

Yohanes 1:34

Idi awohaꞌaomo wuntano mataku, dadiꞌanomo asakusiiane Anoamo ini Anano Lahataꞌala.”

Yohanes 3:28

Ingka fetingkeꞌao wutomiu apugau, ‘Idi ini suano Mesias Omputo Fosalamatino, tamaka notudu kanau Lahataꞌala amaꞌinduluane.’

Tula-tulando rasulu 10:33

Dadiꞌanomo lasao aetudu mie daꞌumuleiko, hampano kataano lalomu ingka hatomo itua. Aitu tapohompu-hompumo ne wiseno Lahataꞌala tametingkeꞌao kaowilino Lahataꞌala so nefosampemu itu.”

Roma 9:23

Kahabuꞌano peda anaꞌa Lahataꞌala, neanomo namotipandeꞌao kakalabhiano pontalabhi-labhino ne mie nemobhelaꞌaono lalono, mie toka nefontaa-ntaano wawo so tumahimano kakalabhiano.

Kolose 1:12

Sadhia dua naowula lalomiu mefoampeomu katumpuno lalo ne Amantoomu. Anoamo mekapantasikoomu umawaomu dawu nefontaa-ntaa so umatino mongkilono weo kafopahintaꞌano mentaleaꞌano.

2 Timotius 2:21

Ane seemie nofekangkilo wutono ne sabhaha modaiꞌano, anoa itu tapedamo kaenteiꞌa so kafaraluuno hame bhalano saꞌituini, ingka padamo dofekangkiloe. Anoa nokofahalaa so kafeompuꞌano, nomantaa-ntaamo so sabhaha kahadhaa metaa.

1 Petrus 2:9

Tamaka hintimiu bansano liwu tipilino, imamu meompuno ne Omputo, bansano liwu mongkilono, umati fehebuaꞌano wutono Lahataꞌala. Lahataꞌala nopilikoomu bhe nobhasikoomu maiꞌao weo kahohondo pesuaꞌomu weo kantalea kumalabhiano, neanomo moleleeꞌomu sabhaha habuno timenteꞌaono.

1 Yohanes 2:28

Dadiꞌanomo anaꞌiku, dadi seꞌiseomu bhe Kristus neanomo humato namotiwoha toha Wutono, daokado dapoꞌawaane, paise daꞌumukoꞌao kaambano ne oleo kahatoꞌano.

Powoha 20:4

Pada anaꞌa awohamo nobhahi kaengkohaꞌano omputo bhe mie mengkohafie; andoa dowaꞌanda kuasa so dafobhotusiꞌao. Awohamo dua alusundo mie titompeꞌano wuꞌu hampano dosakusiiꞌao kaparasaendo ne Yesus bhe dofintahaki bhoasaono Lahataꞌala. Mie andoa ini miina dua dasumombai kadadi anaꞌa bhe patungno, bhe miina dua daetahima katandano ne kondaꞌindo bhe ne limando. Andoa ini suli dodadi bhe dopahinta peda omputo dopoowa-owa bhe Kristus sehewu taꞌu kaomponano.