Kolose 4:3 - Muna Southern Dialect

³ Sambahea kainsamiomu dua, sio-siomo Lahataꞌala naelengka kainsami fointo tamolele bhihitano Kristus tifebuniꞌano endefiꞌini. Kapaꞌamo katitohongkuꞌaku mbaꞌinomo aefolele bhihitano Kristus ini.

Kolose 4:3 Iomraidhean Croise

Matius 13:11

Notobhoosimo Yesus ambano, “Hintimiu nowaꞌangkoomu kadawu Lahataꞌala pandeꞌaanemoomu rahasiano Kafopahintaꞌano, tamaka mie sigaoꞌano miina.

Tula-tulando rasulu 14:27

Sahatondo ne itu dofohompumo umati marasaeano maka detula-tulaanda sabhaha nehabuno Lahataꞌala noangka ne limando, pakade Lahataꞌala nelengkamo kaangkaꞌa mbali mie suano Yahudi so damarasaeaꞌao ne Yesus.

Roma 16:25

Notifekakalabhia mpuu Lahataꞌala! Anoamo kokuasano namekatangka kaparasaeamiu, naposahataa bhe Bhihita Metaa nefoleleku, bhihitano Yesus Kristus. Bhihita anaꞌa ingka o bhihitano patudhuno Lahataꞌala tifebuniꞌano ntini moꞌo-moꞌonono taꞌu.

1 Korintus 16:9

kapaꞌamo we ini nobhahi kasalawa aehabu kahadhaa kofahalaa, mahinggamo dobhahi dua mewangi kanau.

1 Korintus 4:1

Naetaa dakumona kainsami palima-limano Kristus, mie neposahunaꞌao taefebhihitaiꞌao sabhaha rahasiano Lahataꞌala.

2 Korintus 2:12

Ahato we Troas, patudhuku aefolele Bhihita Metaano Kristus, gahaꞌa wutono Ompu padamo nelengka kanau kasalawa metaa so kahadhaa anaꞌa.

Efesus 3:1

Kanandooꞌanomo idi, Paulus asambaheaꞌangkoomu. Idi ini atitohongku hampano afeompu ne Kristus Yesus bhe aꞌondofao hintimiu mie suano Yahudi.

Efesus 3:3

Lahataꞌala nofekantaleaꞌi kanaꞌe rahasiano patudhuno, ingka padamo abuhiangkoeꞌomu, mahinggamo seendai kaowu.

Efesus 3:4

Ane basaeꞌomu, naembalimo dua mandeꞌaaneomu rahasiano Kristus peda nelosangiku.

Efesus 3:9

Nowaꞌa kanau dua taka amekantaleaꞌie ne kosasawindo manusia nada amai so nakoꞌulaꞌao patudhuno Lahataꞌala maitu. Patudhuno Lahataꞌala mokonandoono bhahi-bhahiꞌae ini, notifebuni mpini dhamani wawono.

Efesus 4:1

Dadiꞌanomo, idi mie netohongku hampano afeompu ne Kristus ini, aesalo mpuu ne hintimiu dadiomu naposahataa bhe kapoindalono Lahataꞌala, kapaꞌamo hintimiu mie toka nebhasino Lahataꞌala.

Filipi 1:19

kapaꞌamo apandeꞌaane mbaꞌinomo sambaheamiu bhe katulumino Rohino Yesus Kristus damolapa kanau.

Filipi 1:7

Daanumo nopantasimo akoponamisi peda aini ne kosasawimiu, kapaꞌamo meateomu weo totono laloku. Hintimiu mealaomu dua dawu ne taka kawaꞌaoku ne Lahataꞌala, naetaa atitohongkumo ini, naetaa nandoo abebasi apotunduꞌao bhe afotipandeꞌao kantoono Bhihita Metaa.

Kolose 1:26

Bhihita aini ntini moꞌo-moꞌono taꞌumo nofebunie Lahataꞌala ne sabhaha sampuꞌa pomantulu-ntuluno, tamaka ampa aitu rahasia maitu nofohatoandaemo umatino.

Kolose 4:18

Idi, Paulus apakatuangkoomu dua salam, abuhiane limaku wutoku. Koe molimpuꞌa kanauꞌomu ingka nandoo atitohongku. Sio-siomo napobhaiangkoomu kabarakatino Ompu.

1 Tesalonika 5:25

Bhahitieꞌi, sambahea kainsamiomu bhe insaodi.

2 Timotius 1:16

Sio-siomo Ompu namosampu rahamatino ne polambuno Onesiforus, hampano nentelamo nofekaꞌia laloku. Anoa miina naoambano kanaua, mahinggamo atitohongku.

2 Timotius 2:9

Kakadee-deeꞌaku ini ingka mbaꞌinomo foleleꞌano Bhihita Metaa, bhahamoa sampe dogogantu kanau hante peda mie modai. Gahaꞌaitu bhoasaono Lahataꞌala miina natitaangia.

2 Timotius 4:2

mefebhihitaiꞌao bhoasaono Ompu, fopahataaꞌe lalomu, dametingkeko bhe paise, naetaa bhe pae naetaa wakutuuno, feꞌulaiandae kaꞌalando, foꞌalada bhe fekatangkae lalondo. Kosabaha tangahida bhe foinaꞌuda.

Filemon 1:22

Tadua sehonda kamesaloku: mefontaa-ntaa kanau so kabutuꞌaku, kapaꞌamo aposahunaꞌao hampano sambaheamu, dapikifosuli kanau we hintimiu.