Kolose 4:12 - Muna Southern Dialect

¹² Saliwumiu Epafras nepakatuangkoomu dua salam. Anoa ini palima-limano Kristus Yesus, sadhia dua nosambaheaꞌangkoomu sampuu-mpuuno lalono. Nesalo ne Lahataꞌala so naotangkaꞌao kofindamiu weo kaparasaeamiu, membaliomu miendo sarani motangkano dadi tapa poibhahano, mie mangkafino kapoindalono Lahataꞌala.

Kolose 4:12 Iomraidhean Croise

Matius 5:48

Dadiꞌanomo tabeano nasumangka totono lalomiu, peda Amamiu te surugaa.”

Lukas 1:1

Teofilus nefosibhalaku! Dobhahimo mie mebuhino bhihitano sabhaha kadhadhia ne olotantoomu.

Lukas 22:44

Yesus nomahasai sepaliꞌa lalono maka sadhulu-dhulu kakampuu-mpuu nosambahea. Antino tapedamo hea nobubuka nopotuhu ne wite.

Yohanes 12:26

Laꞌae so umondofa kanau, tetewei namangkafi kanau. Ne amai kahatoꞌaku, ne ituꞌaemo dua so kahatoꞌano anoa. Laꞌae so umondofa kanau namosibhalae Amaku.

Roma 15:14

Bhahitieꞌiku! Idi ini aparasaeakoomu mpuu nobhahi sepaliꞌa metaaꞌano ne hintimiu, sabhaha kapande nefaraluumiu nonandoomo dua sampe nembalimo potanga-tangahiomu.

Roma 15:30

Bhe Ompuntoomu Yesus Kristus, bhe kanini kaasino Rohino Lahataꞌala, aesalo mpuu ne hintimiu dapoowa-owaomu bhe idi dasumambaheaꞌomu sampuu-mpuuno lalo ne Lahataꞌala so idi.

1 Korintus 14:20

Bhahitieꞌiku, koise kofekihiomu peda anaꞌi. Ne modaiꞌano membaliomu peda kaana-anaꞌi, tamaka weo fekihimiu membaliomu mie ngkolalo.

1 Korintus 2:6

Mahinggamo peda naꞌa, ne olotando mie toka motangkano kaparasaea insaodi tapugauꞌao dua wambano kapande. Ampamo kaowu kapande aini suano kapandeno dhunia ini, suano dua kapandedo mintahano kuasa ne dhamani aini, kapaꞌamo kuasando andoa ini naosali.

2 Korintus 13:11

Panda-pandano, bhahitieꞌiku, fowulae lalomiu, fosangkae dadimiu! Tahimaeꞌomu sabhaha katangahi nefohatoꞌaoku ini. Sekakolaloomu, dadiomu weo kapometaa, maka Lahataꞌala kamaiꞌaoꞌano kanini kaasi bhe katohopono dadi sadhia napobhaiangkoomu!

Galatia 1:10

Dadiꞌanomo peda ae bhahaa itua? Aeꞌondofi kapudhindo mie bhahaa? Miina kaꞌasi, ingka aeꞌondofi kaowu kapudhino Lahataꞌala. Kunaꞌemiu aeala-ala lalondo manusia bhahaa? Ane ibahano aeala-ala lalondo manusia, ingka idi ini suanomo palima-limano Kristus.

Galatia 4:19

Anaꞌiku kamoasiꞌaoku, ampa aitu akadee-dee toha mbaꞌinomo hintimiu, tapedamo kaleano seemie ina so koanano. Kakadee-deeku ini nalumagi, sampe feꞌilino Kristus kotu-kotuꞌu natiwoha weo dadimiu.

Kolose 1:22

Tamaka ampa aitu hampano mateno Anano peda seemie manusia, Lahataꞌala nopometaaꞌangkomoomu. Nadamo anaꞌa Kristus namowakoomu ne wiseno Lahataꞌala, naongkilo bhe namoinda totono lalomiu, paemo kodengo-dengoomua.

Kolose 1:28

Kristusmo ini nefebhihitaiꞌao mani ne sabhaha mie. Kosasawindo taefeꞌulaianda bhe tafoinaꞌuanda maiꞌao we totono lalo kotimbangino. Patudhu mani neanomo kosasawindo tamowada ne wiseno Lahataꞌala peda mie motangkano dadi weo totono lalondo, hampano doseꞌise bhe Kristus.

Kolose 1:29

Somo amooliꞌao anaꞌa, aꞌuleiꞌe laloku akahadhaa bhe apoewangi ampa kaꞌosano bukuku, hampano kuasano Kristus kumahadhaano weo totono laloku.

Kolose 1:7

Bhahi-bhahiꞌae naꞌa ingka pandeꞌaanemoomu maiꞌao ne Epafras, bhahitie mani timoasiꞌaono, sabhangka mani weo kahadhaano Ompu. Anoa ini nokampuu-mpuu weo kaꞌondofao ne Kristus so hintimiu.

Kolose 1:9

Dadiꞌanomo notanda tafetingke peda naꞌa, miina bhe fengaasia tasambaheaꞌangkoomu. Taesalo sio-siomo Rohino Lahataꞌala namaꞌangkoomu timbangi bhe pomaꞌana metaa, neanomo lumosangieꞌomu mpuu kapoindalono Lahataꞌala.

Kolose 4:9

Anoa napobhaiane Onesimus saliwumiu. Anoa ini bhahitientoomu dua timoasiꞌaono bhe kumampuu-mpuuno lalo. Kohoduando damohatoangkoomu sabhaha kumadhadhiaꞌano we ini.

1 Tesalonika 5:23

Sio-siomo wutono Lahataꞌala fowaꞌaono katohopono dadi, namekangkilo lalomiu ampa naongkilo mpuu. Sio-siomo rohi, alusu bhe mbadhamiu nadhumaganie mpuu Lahataꞌala keana nokodengo-dengo ne oleo kahatoꞌano Yesus Kristus Ompuntoomu.

Filemon 1:23

Epafras nofosampeangko salam. Anoa ini sabhangkaku weo katohongku ini hampano kaparasaea ne Kristus Yesus.

Ibrani 5:14

Tamaka oti motuꞌa so mie motangkano dadi, andoa dokaneamo wutondo dopake matando, tingalando bhe siitondo, sampe nembalimo dopofelesaane metaaꞌano bhe modaiꞌano.

Ibrani 5:7

Weo dadino peda seemie manusia, Yesus padamo nefoampe sambahea bhe kamesalo ne Lahataꞌala poowa nokei nopontuhufi bhe luuno, ingka Lahataꞌala kokuasano mosalamatie maiꞌao ne mate. Hampano kalebeno dadino, Lahataꞌala nofetingkee.

Yakobus 1:1

Salam maiꞌao ne idi, Yakobus, palima-limano Lahataꞌala bhe Ompu Yesus Kristus. Suha aini apakatue so miendo Yahudi ompulu haa sampuꞌano meateno we koliwuno.

Yakobus 1:4

Dhaganie mpuu kakosabaha potaamiomu itu neanomo sadhulu kamatangka, sampe nasumangkamo kamie metaamiu, paemo konimokaeꞌomua.

Yakobus 5:16

Dadiꞌanomo lengkaomu totono lalomiu mangakuꞌao kaꞌalamiu seemieno bhe seemieno bhe posamba-sambaheaꞌaoꞌomu so totomataꞌaoꞌomu. Kapaꞌamo sambaheando mie banara nobhala mpuu kuasano.

2 Petrus 1:1

Suha aini nomaiꞌao ne Simon Petrus, palima-lima bhe rasuluno Yesus Kristus, so bhahitieꞌi pototoꞌano kaparasaea bhe insaodi. Nepulaoꞌaoku kaparasaeantoomu ne Yesus Kristus, Lahataꞌalantoomu mosalamati kaita bhe meowano kaꞌadhili.

Yudas 1:24

Fekakalabhia kaitaomu Lahataꞌala kokuasano! Anoa nokokuasa nodhaganikoomu keana titunoomu, keana dua bhe kadengono dhosa, bhe nosangkaꞌao kawulano lalomiu nahumato namowakoomu ne wiseno Wutono kumalabhiano.