Kolose 4:10 - Muna Southern Dialect

¹⁰ Aristarkus titohongkuno bhe idi nopakatuangkoomu dua salam. Pedamo dua aitu Markus pisano Barnabas. (Ingka padamo defebhitaiangkoomu, ane nahumato we itu tahima metaaꞌeomu.)

Kolose 4:10 Iomraidhean Croise

Tula-tulando rasulu 12:12

Pada nofekihi sebantaha nokalamo se lambuno Maria, inano Yohanes nekonando dua Markus. Ne itu dobhahi mie dopohompu-hompu dosambahea.

Tula-tulando rasulu 12:25

Palusi dodhalangi takando doꞌondofao umati we Yerusalem, Barnabas bhe Saulus dosulimo we Antiokia. Dowowoꞌo dua bhe Yohanes, nekonando Markus.

Tula-tulando rasulu 13:13

Paulus bhe sabhangkaꞌino dohela domaiꞌao we Pafos dohope we Perga kadieno Pamfilia. Tamaka Yohanes nohunsadamo nosuli we Yerusalem.

Tula-tulando rasulu 13:5

Sahatondo we kotano Salamis, defolelemo bhoasaono Lahataꞌala ne lambu kasambaheaꞌando miendo Yahudi. Yohanes nosabhangkada mbali kahambado.

Tula-tulando rasulu 19:29

Koseꞌonu kotaꞌae tadohialelemo, dosihope-hopeꞌa we stadion. Dobulumo dua Gayus bhe Aristarkus, miendo Makedonia posabhangkaꞌaono Paulus we sala.

Tula-tulando rasulu 20:4

Dopobhaiane Sopater anano Pirus mieno Berea, Aristarkus bhe Sekundus, kohoduando miendo Tesalonika, Gayus mieno Derbe, Timotius, Tikikus bhe Trofimus miendo Asia.

Tula-tulando rasulu 27:2

Tasawimo ne kapala maiꞌaono we kotano Adramitium. Bhangka aini namangkai kota-kota kalabuꞌano bhangka ne kadieno Asia. Aristarkus miendo Makedonia maiꞌaono we kotano Tesalonika nopobhai kainsami dua.

Tula-tulando rasulu 4:36

Pedamo dua aitu Yusuf, seemie sampuꞌano Lewi nomaiꞌao we witeno Siprus; o rasulu dokonae dua Barnabas (maꞌanano nea anaꞌa Folawesino lalo).

Roma 16:2

Tahima metaaꞌeomu weo neano Ompu, hampano ingka pedamo aitu mantasiꞌano mie marasaeano dopotahi-tahima. Tulumieꞌomu ane nefaraluu katulumi o ae maka dua, kapaꞌamo anoa itu nobhahimo netulumi mie, bhemo dua idi.

Roma 16:7

Salam so Andronikus bhe Yunias, miendo Yahudi medano dua idi. Padamo dua dotitohongku poowa bhe idi. Dotilentu rasuluꞌi tiangkano, dopaꞌindulu doparasaea andoa ne Kristus bhe idi.

2 Timotius 4:11

Tamo Lukas pobhai kanau. Uleiꞌe bhe Markus maka wowoꞌoe we ini, kapaꞌamo nokofahalaa sepaliꞌa so kaꞌondofaoku.

Filemon 1:23

Epafras nofosampeangko salam. Anoa ini sabhangkaku weo katohongku ini hampano kaparasaea ne Kristus Yesus.

Filemon 1:24

Salam nomaiꞌao dua ne Markus, Aristarkus, Demas bhe Lukas, andoa sanea sabhangkaꞌiku weo kahadhaano Ompu we ini.

1 Petrus 5:13

Umati bhaimiu nepilino dua Lahataꞌala te kotano Babilon bhe anaku Markus, dopakatuangkoomu dua salam.