Kolose 3:3 - Muna Southern Dialect

³ Kapaꞌamo momatemoomu maka dadi buꞌoumiu notifebunimo poowa bhe Kristus weo kaseꞌiseno bhe Lahataꞌala.

Kolose 3:3 Iomraidhean Croise

Matius 11:25

Wakutuu anaꞌa Yesus nosambaheamo ambano, “Notumpu laloku, Ama, Ompuno lani bhe dhunia, kapaꞌamo kosasawiꞌae ini febunie ne mie kotimbangi bhe mie mande, tamaka fotiwohae ne mie mepandano kaengkohaꞌa pata kokasikolano.

Yohanes 14:19

Tana sebantaha dhunia paemo damoha kanau, tamaka hintimiu sadaa-daa moha kanauꞌomu hampano Idi adumadi bhe hintimiu dumadiomu dua.

Yohanes 3:16

Hampano kabhalano kanini kaasino Lahataꞌala ne dhunia ini, sampe nofowaꞌaomo Anano Kaenseemie, neanomo sasuka marasaeano ne Anoa pae nabinasaa, tamaka naeꞌawa dadi suhue dhamani.

Yohanes 4:14

tamaka sasuka mohoꞌuno oe newaꞌaoku, paemo nakekele wuꞌuno ampa suhue dhamani. O oe so newaꞌaoku naembali matano oe we lalono, oeno napontalua-lua kansuhu naeowa dadi suhue dhamani.”

Yohanes 5:21

Amano nefowanu mie komate-mateno bhe nofodadida, pedamo dua anaꞌa Anano nefodadi dua ampa nepoindalono.

Yohanes 5:24

Amohatokoomu, kotu-kotuꞌu sasuka metingkeno wambaku bhe marasaeano ne Tumudu kanau, ingka neꞌawamo dadi suhue dhamani. Paise naeꞌawa kahukumu, kapaꞌamo nogampimo maiꞌao ne mate nopesuamo weo dadi.

Yohanes 5:40

Ampamo kaowu hintimiu mokiidoomu maiꞌomu ne Idi so meꞌawaꞌaoꞌomu dadi suhue dhamani maitu.

Roma 5:10

Wakutuuno nandoo dopomodaiꞌomu bhe Lahataꞌala, Anoa nopometaa kaita noangka ne mateno Anano, mangke-mangkemo aitu padamo dopometaaꞌomu, ingka teteweimo namosalamati kaita noangka ne dadino Anano.

Roma 5:21

Kuasano dhosa noangka ne mate, tamaka ampa aitu rahamatino Lahataꞌala kokuasano hampano nofotahimamo peda mie banara. Rahamatimo aini meowano dadi suhue dhamani namangka ne Yesus Kristus Ompuntoomu.

Roma 6:11

Dadiꞌanomo abhi wutomiu momatemoomu maiꞌao ne kuasano dhosa, tamaka dadimoomu so Lahataꞌala weo kaseꞌisemiu bhe Kristus Yesus.

Roma 6:2

Ingka teteweimo paise! Ingka o dhosa miinamo nafokuasaia, tapedamo mie mate ⸤ miinamo dakodhosaa⸥ . Dadiꞌanomo nada amai dua dadumadiomu kansuhu weo dhosa?

Roma 8:2

Kapaꞌamo noangka ne Kristus Yesus, tubhono Rohino Lahataꞌala meowano dadi padamo nofobebasikoomu maiꞌao ne tubhono dhosa bhe mate.

1 Korintus 15:45

Nandoo tibuhino weo Kitabi, “Manusia kabhao-bhaono, nekonando Adam, bhe inawano dumadino,” tamaka Adam mbuhumaino ⸤ patudhuno Kristus⸥ , bhe Rohino fofodadino.

1 Korintus 2:14

Mie tapa mandeꞌaono Lahataꞌala nokiido natumahima sabhaha maiꞌaono ne Rohino Lahataꞌala, nokonaemo sanea bhohe. Daanumo miina bhe kapoolinoa nalumosangie, hampano sabhaha maiꞌaono ne Rohino Lahataꞌala naꞌa kaneꞌo dolosangie fahalaano ane dotiisangie noangka ne Rohino Lahataꞌala.

2 Korintus 5:14

Kanini kaasino Kristus nowadhumpa kainsami, hampano tapandeꞌaanemo lalo mani ane seemie nomateꞌao mie bhahino, nokomaꞌana kosasawindo domatemo.

2 Korintus 5:7

Hampano dadi mani nengkoha ne kaparasaea, suano mbaꞌinomo tawohaꞌao wuntano mata mani.

Galatia 2:20

Tamaka ampa aitu adadimo. Ampamo kaowu suanomo dadiku wutokua, tamaka Kristus dumadino we laloku ini. Dadi nedambaꞌaoku ini, ingka o dadi weo kaparasaea ne Anano Lahataꞌala. Anoa noasi kanaumo sampe nofotawakala wutono dopongkoe so idi.

Efesus 3:9

Nowaꞌa kanau dua taka amekantaleaꞌie ne kosasawindo manusia nada amai so nakoꞌulaꞌao patudhuno Lahataꞌala maitu. Patudhuno Lahataꞌala mokonandoono bhahi-bhahiꞌae ini, notifebuni mpini dhamani wawono.

Filipi 4:7

Ane nada anaꞌa, katohopono lalo maiꞌao ne Lahataꞌala tapa nelosangindo manusia, nadhumagani totono lalo bhe fekihimiu toka seꞌiseno bhe Kristus Yesus.

Kolose 1:5

Katangkaꞌanomo kaparasaeamiu naꞌa bhe kanini kaasimiu ne mie bhaimiu, hampano kaposahunaꞌao umawaomu nefontaa-ntaano Lahataꞌala te surugaa. Kaposahunaꞌao ini ingka tokamo fetingkeeꞌomu wakutuuno dofohatoangkoomu bhoasao banarano, maꞌanano o Bhihita Metaa.

Kolose 2:20

Ingka momatemoomu poowa bhe Kristus maka mobebasimoomu maiꞌao ne rohi kumuasaino dhunia ini. Noafaꞌao dua gahaꞌa nandoo dadiꞌaoꞌomu peda mie nekuasaino dhunia ini? Noafa gahaꞌa taꞌotuhumoomu ne sabhaha atorano dhunia?

Kolose 2:3

Kapaꞌamo Kristusmo ini motiwohano kosasawiꞌae timbangi bhe kapandeno Lahataꞌala, tapedamo arataa tifebuniꞌano endefiꞌini, ampa aitu nentaleamo.

Kolose 3:4

Kristusmo ini kamaiꞌano dadintoomu; mada kaowu ane namotiwoha Wutono, hintimiu dua tetewei tiwohaomu bhe Anoa mesuaꞌomu weo kakalabhiano.

Ibrani 7:25

Dadiꞌanomo Yesus nopooli nofosangka mpuu kasalamatindo manusia maino ne Lahataꞌala doangka ne Anoa. Kapaꞌamo Anoa nodadi suhue dhamani mbalimo fosambaheaꞌaono ne Lahataꞌala.

1 Petrus 3:4

Tamaka kakesamiu tabeano namaiꞌao weo totono lalo, o kamalu bhe katohopono lalo. Aini saneamo lega pata mopoopulino, saneamo foliuno kaꞌali ne pomatano Lahataꞌala.

1 Petrus 4:2

Dadiꞌanomo katumpono dadimiu we dhunia ini pakeeꞌomu angkafiomu kapoindalono Lahataꞌala, koise angkafiomu kapoindalono manusia.

1 Yohanes 3:2

Bhahitieꞌiku timoasiꞌaono! Aitu intaodiomu ini anaꞌino Lahataꞌala, tamaka nada amai wutonto ini mada kaowu, miinaꞌo dafofohatoanea. Ampamo kaowu dopandeꞌaaneomu nahumato Kristus namotiwoha toha Wutono, dapototomoomu bhe Anoa, kapaꞌamo ne naꞌa damohaomu wutono Kristus peda katuno sakotu-kotuꞌuno.

Powoha 2:17

Kotingalano naetaa nametingke wambano Rohino Lahataꞌala ne tombudo umati. Sasuka fotalono amaꞌanda daomaa manna tifebuniꞌano; pakade amaꞌanda kontu kapute katibuhiꞌanomo nea buꞌou tapa nepandeꞌaondo mie sigaoꞌano, mpahinomo tumahimae.”