Kolose 3:23 - Muna Southern Dialect

²³ O ae maka nehabumiu, kahadhaaꞌeomu weo kakampuu-mpuuno lalo kao-kaomo neꞌondofaomiu Ompu, suano manusiaꞌa.

Kolose 3:23 Iomraidhean Croise

Matius 6:16

“Ane moasaomu koe mengkuru-ngkuruomua peda mie mehaaꞌulano. Andoa maitu dohabu-habue ulando, defewoha ne mie putae dopoasa. Amohatokoomu, kotu-kotuꞌu andoa dotahimaemo ponambodoa.

Roma 14:6

Mie mefosibhalano oleo peta nahumabua hampano somo dua namosibhalaꞌao Ompu. Pedamo dua momaano sabhahadamo, ingka nohabu peda anaꞌa somo namosibhalaꞌao Ompu, hampano nefoampe katumpuno lalo ne Lahataꞌala. Mie momaano kaowu hunsau, peta nahumabua hampano so namosibhalaꞌao dua Ompu, kapaꞌamo nefoampe dua katumpuno lalo ne Lahataꞌala.

Roma 14:8

Ane dodadi ingka dodadiomu so Ompu, ane domate ingka domateomu so Ompu. Dadiꞌanomo dodadi tawa domate intaodiomu fehebuaꞌano Ompu.

Efesus 5:22

Hintimiu hobhine, tuhupieꞌomu moꞌanemiu peda katuhumiu ne Ompu.

Kolose 3:17

O ae maka dua nehabu bhe nepugauꞌaomiu, habueꞌomu tawa pugauaneomu peda mantasiꞌano so mie mangkafino Ompu Yesus. Habuomu bhahi-bhahiꞌae naꞌa poowa mefoampeomu katumpuno lalo ne Lahataꞌala Amantoomu hampano sabhaha nedhalangino Yesus so hintimiu.

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.

1 Petrus 2:13

Hampano kafosibhalamiu ne Lahataꞌala, tuhuomu ne sabhaha mintahano kuasa ne olotano manusia. Tuhuomu ne Omputo Kaisar, mintahanomo pahinta foliuno kalangke.

1 Petrus 2:15

Kapaꞌamo patudhuno Lahataꞌala habu metaamiu nadumampu wobhando mie kabhohe-bhohe bhe mohohobuno fekihi.