Kolose 3:22 - Muna Southern Dialect

²² Hintimiu membalino bhatua, sadhia meangkaomu ne kafeompuꞌamiu we dhunia ini. Koise meangkaomu ane doꞌondo-ondokoomu kaowu, so tipudhiꞌaoꞌomu, tamaka meangkaomu maiꞌao weo totono lalo mohelasi, hampano kafosibhalamiu ne Ompu.

Kolose 3:22 Iomraidhean Croise

Matius 6:22

O mata kantaleanomo mbadha. Ane netaa matamu, nentaleamo dua mbadhamu.

Matius 8:9

Kapaꞌamo idi ini bhe neangkaku dua maka nandoo dua tantara neowaku. Ane apugau ne seemie tantara, ‘Kala!’, lasao nokala. Pedamo dua apugau, ‘Mai!’ lasao nomai, bhahaꞌi apugau ne bhatuaku, ‘Kahadhaa aini!’, lasao nokahadhaaꞌe.”

Lukas 6:46

“Noafa kona kanauꞌomu, ‘Ompu, Ompu’, gahaꞌaitu miina mangkafieꞌomu pugauku?

Lukas 7:8

Kapaꞌamo idi ini bhe neangkaku dua, maka nandoo dua tantara neowaku. Ane apugau ne seemie tantara, ‘Kala!’ lasao nokala. Ane apugau ne seemieno dua, ‘Mai!’ lasao nomai. Pedamo dua aitu ane apugau ne bhatuaku, ‘Kahadhaa aini!’ lasao nokahadhaaꞌe.”

Tula-tulando rasulu 2:46

Andoa dokampuu-mpuu dosekakolalo, seꞌo-seꞌoleo dopohompu-hompu weo Lambuno Lahataꞌala. Andoa doꞌia bhe nohelasi lalondo dopoharoa ne lambudo seemie-seemie dopali-paliꞌaane.

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

Galatia 1:10

Dadiꞌanomo peda ae bhahaa itua? Aeꞌondofi kapudhindo mie bhahaa? Miina kaꞌasi, ingka aeꞌondofi kaowu kapudhino Lahataꞌala. Kunaꞌemiu aeala-ala lalondo manusia bhahaa? Ane ibahano aeala-ala lalondo manusia, ingka idi ini suanomo palima-limano Kristus.

Kolose 3:20

Hintimiu membalino anaꞌi, sadhia meangkaomu ne kamungkulamiu, kapaꞌamo podiu medano aitu mekaꞌiano lalono Ompu.

1 Tesalonika 2:4

Insaodi tapugau suano so tamekaꞌiaꞌao lalondo manusia, tamaka so tamekaꞌiaꞌao lalono Lahataꞌala, umudhinomo totono lalo mani. Kapaꞌamo Lahataꞌala noabhi kainsami nopantasi noposahunaꞌao kainsami Bhihita Metaa tamolelee.

Filemon 1:16

Aitu anoa suanomo seemie bhatua, tamaka nolaloiꞌemo, ingka nembalimo seemie bhahitiemu timoasiꞌaono. Sanginomo o idi aoasianemo, bhemo toha hintu. Tantumo moasiane, naetaa mbaꞌinomo mie bhaimu, naetaa mbaꞌinomo bhahitiemu weo Ompu.