Kolose 3:19 - Muna Southern Dialect

¹⁹ Hintimiu membalino moꞌane, moasianeomu hobhinemiu, koise noꞌosa lalomiu.

Kolose 3:19 Iomraidhean Croise

Lukas 14:26

“Ane seemie namai ne Idi, tabeano nakumukundo amano bhe inano, hobhineno bhe anaꞌino, kakutaꞌano moꞌane bhe hobhine bhahamoa nabansi inawano wutono. Ane paise, pae naembalia so anaguhuku.

Roma 3:14

Wobhando sabhata-bhatata fodai-daino.

Efesus 4:31

Ohoeꞌomu sabhaha kaleano lalo, ponanti-nantiꞌao bhe amaha. Ohoeꞌomu dua pokei-keisiꞌao amaha, bhe pofeka-fekaꞌaebu. Fekakodoꞌoeꞌomu bhahi-bhahiꞌae naꞌa bhe sabhaha podiu modai.

Efesus 5:25

Hintimiu moꞌane, moasianeomu hobhinemiu pedamo Kristus noasiꞌao umatino, nofotawakalaanda Wutono sampe nomateanda.

Efesus 5:33

Mahinggamo nada amai, hintimiu moꞌane seemie-seemie tetewei moasiane hobhinemu nameda kaasimu ne wutomu; hintimiu hobhine fosibhalaeꞌomu moꞌanemiu.

Kolose 3:21

Hintimiu membalino ama, koise fekalea lalondo anaꞌimu sampe nasikuhu lalondo.

Yakobus 3:14

Tamaka ane nakondua lalomiu ne mie bhaimu bhe sadhia ondofao kaowu kafaraluuno wutomiu, koise sangke-sangke wutomiu putae kotimbangiomu, kapaꞌamo ane nada aitu ingka bhansuleemoomu kabanarano Lahataꞌala.

1 Petrus 3:7

Hintimiu dua moꞌaneꞌi, fosibhalaeꞌomu namisino hobhinemiu weo dadino polambu. Tandaiꞌeomu andoa maitu miina napototo kaꞌosando bhe hintimiu. Fosibhaladaomu, kapaꞌamo andoa dapoowa-owa bhe hintimiu saneamo so umawano kadawuno Lahataꞌala, maꞌanano dadi suhue dhamani. Dhalangieꞌomu bhahi-bhahiꞌae ini, keana notitee sambaheamiu.