Kolose 3:15 - Muna Southern Dialect

¹⁵ Naetaa katohopono dadi maiꞌao ne Kristus nakumuasai fekihimiu bhe totono lalomiu. Kapaꞌamo patudhuno katibhasiꞌamiu sembadha bhe Kristus ingka so menamisiꞌaoꞌomu katohopono dadi naꞌa. Koe molimpuomu mefoampeomu katumpuno lalo.

Kolose 3:15 Iomraidhean Croise

Yohanes 14:27

Ahumunsaangkoomu katohopono dadi; amaꞌangkoomu katohopono dadiku. Ampamo kaowu dhalano afowaꞌao nopoꞌala bhe kofowaꞌaono dhunia. Koemo nosabha bhe nekenda-kenda handamiu.

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

Roma 1:21

Mahingga manusia dopandeꞌao Lahataꞌala, miina damosibhalae peda Lahataꞌala bhe miina dua natumumpua lalondo ne Anoa. Bhahamoa tadofekihi sumia-siaꞌano sampe totono lalondo kumabhohe-bhoheno nohohondomo.

Roma 14:17

Kapaꞌamo ane dopugauꞌao Kafopahintaꞌano Lahataꞌala, ingka miina damugauꞌao oti nehumaa bhe nefohoꞌu. Maraluuꞌano mpuu weo Kafopahintaꞌano Lahataꞌala o manusia damangkafi kapoindalono Lahataꞌala, katohopono dadi bhe kawulano lalo maiꞌao ne Rohino Lahataꞌala.

Roma 15:13

Sio-siomo Lahataꞌala kaengkohaꞌano posahunaꞌaomiu, nakumabhintiangkoomu kawulano lalo bhe katohopono dadi hampano kaparasaeamiu, neanomo weo kuasano Rohino Lahataꞌala nasedhuluꞌa dua kabhalano posahunaꞌaomiu.

Roma 5:1

Dadiꞌanomo, hampano Lahataꞌala notahima kaitaomu peda mie banara mbaꞌinomo kaparasaeantoomu, maka ampa aitu intaodiomu dopometaamoomu bhe Lahataꞌala, noangka ne Yesus Kristus Ompuntoomu.

1 Korintus 10:17

Mbaꞌinomo o roti seꞌonu kaowu bhe kosasawintoomu dopombali-mbaliꞌao roti seꞌonuno naꞌa, maka intaodiomu bhahino ini dosembadhamoomu.

1 Korintus 7:15

Ampamo kaowu ane mie pata marasaeano naꞌa gaono nahumunsa hobhineno tawa moꞌaneno, koise eleꞌaaneomua. Kapaꞌamo hintimiu moꞌane tawa hobhineno miina titapuomu. Lahataꞌala ingka nobhasikoomu so dumadiꞌaoꞌomu weo katohopono lalo.

2 Korintus 4:15

Bhahi-bhahiꞌae kasabha ini nokadhadhia so hintimiu. Kapaꞌamo dhulu kabhahindo mie nekapotino kabarakatino Lahataꞌala, dhulu kabhahindo mie so mefoampeno katumpuno lalo, somo kakalabhiano Lahataꞌala.

2 Korintus 9:11

Hintimiu namekahangkaeakoomu ne ae maka dua sampe sadhia nalalesa lalomiu fowaꞌaoꞌomu. Kawaꞌaomiu so neowa mani naꞌa somo tingkuno mie bhahi daefoampe katumpuno lalo ne Lahataꞌala.

Efesus 4:16

Ane Anoa nofefotu kaita, kosasawiꞌae katokano mbadha dopotudu-tudumiane doangkafi losuano dembali sembadha. Ane sehonda-sehonda katokano mbadha nadhumalangi takano meteetaa, o mbadha aini tetewei sadhulu kabhala bhe kamatangka weo pomoni-moniniꞌa.

Efesus 4:4

Kapaꞌamo intaodiomu ini sembadha kaowu; Rohino Lahataꞌala, Kaseemie-mieꞌano. Pedamo dua kaposahunaꞌaondo mie nebhasino Lahataꞌala, ingka sehonda kaowu.

Efesus 5:1

Hintimiu anaꞌino Lahataꞌala nemoasiꞌaono. Dadiꞌanomo weo dadimiu angkafiomu sandaha nefotiwohano Lahataꞌala.

Efesus 5:20

Sadhia mefoampeomu katumpuno lalo ne Lahataꞌala Amantoomu weo neano Omputo Yesus Kristus, o ae maka dua neꞌawamiu.

Kolose 1:12

Sadhia dua naowula lalomiu mefoampeomu katumpuno lalo ne Amantoomu. Anoamo mekapantasikoomu umawaomu dawu nefontaa-ntaa so umatino mongkilono weo kafopahintaꞌano mentaleaꞌano.

Kolose 2:7

Kaparasaeamiu ne Anoa tabeano nakopahaka, bhe wutono Kristus naembalimo kaengkohaꞌano dadimiu. Kaparasaeamiu tabeano dhulu kamatangka, noposahataa bhe kafoinaꞌu netahimamiu. Totono lalomiu nakaꞌende-ende mefoampeomu katumpuno lalo.

Kolose 3:17

O ae maka dua nehabu bhe nepugauꞌaomiu, habueꞌomu tawa pugauaneomu peda mantasiꞌano so mie mangkafino Ompu Yesus. Habuomu bhahi-bhahiꞌae naꞌa poowa mefoampeomu katumpuno lalo ne Lahataꞌala Amantoomu hampano sabhaha nedhalangino Yesus so hintimiu.

1 Tesalonika 5:18

Ne sabhaha waweno dadi mefoampeomu katumpuno lalo, kapaꞌamo anaꞌa kapoindalono Lahataꞌala so hintimiu seꞌiseno bhe Kristus Yesus.

1 Timotius 2:1

Kabhao-bhaono aesalo mpuu: foampe kamesalomu, sambaheamu, katondalamu so mie bhaimu bhe katumpuno lalo ne Lahataꞌala so kosasawindo manusia.

1 Timotius 6:12

Uleiꞌe lalomu weo dadimu peda seemie sarani metaano, tapedamo pogolono, neanomo moolie dadi sakotuꞌuno ampa suhue dhamani. Ingka ainimo katibhasiꞌamu ne Lahataꞌala, wakutuuno kosuahaane ne wiseno umati putae parasaeamo mpuu ne Kristus bhe dobhahi sumakusiiangko.

Ibrani 13:15

Dadiꞌanomo sadhia foampe kaitaomu kapudhi ne Lahataꞌala namangka ne Kristus, anaꞌaemo kapopanga nefoampentoomu, noangka ne wiwinto mekakalabhiano neano.

Powoha 7:12

Dopugau ambado, “Amin! Sabhaha kapudhi, kakalabhia, kapande, katumpuno lalo, kafosibhala, kuasa bhe kaꞌosa so Lahataꞌalantoomu ampa suhue dhamani. Amin!”