Kolose 3:12 - Muna Southern Dialect

¹² Hintimiu umatino Lahataꞌala timoasiꞌaono, padamo nopilikoomu mbali fehebuaꞌano mongkilono. Dadiꞌanomo fotiwohaeꞌomu kabhelano lalo bhe kataano lalomiu ne mie bhaimu, fekapandae diumu, fekamalu lalomu bhe kosabaha.

Kolose 3:12 Iomraidhean Croise

Matius 24:22

Ane ibahano Ompu pae nakumuhangi tempono, kotika dumadino pae bhe so sumalamatino. Tamaka mbaꞌinomo nandoo umati tipilino, Ompu nakumuhangi tempono.

Matius 24:24

Kapaꞌamo dabhahimo mabhino wutono Mesias, gahaꞌaitu suano. Dabhahi dua mpahaana-anabiino. Andoa naꞌa daehabu tanda-tanda tapa mentela bhe giu timenteꞌaono, patudhundo ane naembali damokolilino dua totono lalondo umati tipilino.

Matius 24:31

Duhulele bhalano nakondii. Anano Manusia natumudumo malaꞌekatino dalumimba dahumompunao umati tipilino namaiꞌao ne kofatowalaꞌae alamu, maiꞌao we tompano lani sewetano ampa we sewetano.

Markus 13:20

Ane ibahano Ompu pae nakumuhangi tempono, kotika dumadino pae bhe so sumalamatino. Tamaka mbaꞌinomo nandoo umati tipilino, Ompu Lahataꞌala nakumuhangi tempono.

Markus 13:22

Kapaꞌamo dabhahimo mabhino wutono Mesias, gahaꞌaitu suano. Dabhahi dua mpahaana-anabiino. Andoa naꞌa daehabu tanda-tanda tapa mentela bhe giu timenteꞌaono, patudhundo ane naembali damokolilino dua totono lalondo umati tipilino.

Markus 13:27

Natumudu malaꞌekatino damoꞌonu umatino tipilino, damaiꞌao ne kofatowalaꞌae alamu, damaiꞌao te bheteꞌano oleo ampa we sooꞌano.”

Lukas 1:78

Kosasawiꞌae ini hampano kanini kaasi bhe kabhelano lalono Lahataꞌalantoomu, Anoa nofodongawi nafotulumi, tapedamo tilangano oleo bheteno te melangkeꞌano

Lukas 18:7

Bhahaa Lahataꞌala pae napotunduꞌao umati tipilino metondalano ne Anoa mentae mohondo? Bhahaa Lahataꞌala naefodhulu-dhulu tempo maka natumulumida?

Roma 1:7

Suha aini so hintimiu meateno we Roma, nemoasiꞌaono Lahataꞌala, toka nebhasino membaliomu umatino mongkilono. Sio-siomo sadhia napobhaiangkoomu kabarakati bhe katohopono dadi maiꞌao ne Lahataꞌala Amantoomu bhe Ompu Yesus Kristus.

Roma 13:14

Fokanaomu Ompu Yesus Kristus ne ulumiu tapedamo pakea buꞌou ⸤ maꞌanano membaliomu peda wutono Kristus⸥ , koe folalesaea mbadhamiu so namangkafiꞌao sabhaha kapoindalono.

Roma 9:11

Miinaꞌo dalumentea anaꞌi hoduano maitu, miinaꞌo dua daehabu metaaꞌano bhe modaiꞌano, Lahataꞌala padamo nokobhoasao ne Ribka, “Titiisa nameompu ne aino.” Katibhoasaoꞌano peda anaꞌa, so nentaleaꞌao putae kapilino Lahataꞌala miina naengkoha ne habundo manusia, tamaka nengkoha ne kapoindalono wutono Lahataꞌala fobhasino.

1 Korintus 13:4

O kanini kaasi maitu nokosabaha, netaa lalono; o kanini kaasi maitu miina nakondua lalono. Kanini kaasi miina nasumangke-sangke wutono bhe miina naelangke diuno.

2 Korintus 6:6

nongkilo totono lalo mani, takotimbangi, takosabaha, netaa lalo mani, bhe katulumino Rohino Lahataꞌala, bhe kanini kaasi kumampuu-mpuuno;

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Efesus 1:4

Mpini miinaꞌo natifokonandoo dhunia, Lahataꞌala nofopilimo noangka ne Kristus, neanomo daembali mie mongkilo bhe pata kodengono ne wiseno.

Efesus 4:2

Naetaa sadhia mekapanda wutomiu, naomalu lalomiu bhe kosabahaomu. Fotiwohaeꞌomu kanini kaasimiu weo potulu-tulumiꞌa.

Efesus 4:24

Dadiꞌoomu toha peda manusia buꞌou nefokonandoono Lahataꞌala peda katuno Wutono, maꞌanano manusia kotu-kotuꞌu banarano, kotu-kotuꞌu mongkilono.

Efesus 4:32

Tamaka tabeano naetaa lalomiu seemieno bhe seemieno, pomobhe-mobhelaꞌao lalo, pomaꞌa-maꞌafuꞌaoꞌomu peda wutono Lahataꞌala noꞌamponikoomu noangka ne Kristus.

Filipi 1:8

Wutono Lahataꞌala sakusiino pugauku ini: nokamba mpuu laloku apoꞌawa bhe hintimiu, kapaꞌamo aoasiangkoomu tapedamo kanini kaasino wutono Yesus Kristus.

Kolose 3:10

Ampa aitu dowaꞌangkomoomu dadi buꞌou, hintimiu membalimoomu manusia buꞌou. Mokonandoono dadi buꞌou naꞌa nopahabuꞌounikoomu kansuhu ampa sifatimiu napototo bhe Wutono. Patudhuno neanomo mandeꞌaaneomu mpuu wutono Lahataꞌala maitu.

1 Tesalonika 5:15

Posiꞌondoomu, habu modai koise dobhoosiane dua habu modai, tamaka sadhia uleiꞌomu lalomiu habu metaaꞌomu, sapada-pada hintimiu bhe ne sabhaha mie.

2 Timotius 1:9

Anoamo mosalamati kaita, Anoamo dua bhasi kaita so dadumadi mongkiloꞌao. Katifosalamatiꞌantoomu suano mbaꞌinomo habu metaantoomu, tamaka nengkoha ne patudhu bhe rahamatino Wutono. Rahamati aini nowaꞌa kaitae noangka ne Kristus Yesus, mpini miinaꞌo natifokonandoo dhunia.

2 Timotius 2:10

Kanandooꞌanomo taꞌasabahamo apotaamiꞌao bhahi-bhahiꞌae ini so kaetaaꞌando mie nepilino Lahataꞌala. Patudhuku sio-siomo andoa daeꞌawa dua kasalamati neowano Kristus Yesus bhe kakalabhia suhue dhamani.

Titus 1:1

Titus anaku, suha aini nomaiꞌao ne idi Paulus, palima-limano Lahataꞌala bhe rasuluno Yesus Kristus. Idi ini dopili bhe dotudu kanau amekamatangka kaparasaeando mie nepilino Lahataꞌala, bhe tetewei dua atumulumida dalumosangi kafoinaꞌu banara posahataano bhe kafoinaꞌuno agamantoomu.

1 Petrus 1:2

Hintimiu dopilikoomu mbali umatino nopoangkafi bhe patudhuno Lahataꞌala Amantoomu mpini kabhao-bhaono. Hampano kahadhaano Rohino Lahataꞌala, membalimoomu umatino mongkilono, neanomo meangkaomu ne Yesus Kristus bhe dhosamiu natiꞌamponi mbaꞌinomo tuhuno heano Kristus. Sio-siomo sadhia namaꞌangkoomu kabarakati bhe katohopono dadi pontalabhi-labhino.

2 Petrus 1:10

Dadiꞌanomo bhahitieꞌiku, uleiꞌe mpuu lalomiu fotiwohaeꞌomu putae kotu-kotuꞌu hintimiu itu nobhasikoomu bhe nopilikoomu Lahataꞌala. Ane humabuomu nada anaꞌa, ingka paise mondawuomu weo dhosa tawa sumowoaneomu kaparasaeamiu.

1 Yohanes 4:19

Intaodiomu ini dofomoasiꞌao, hampano Lahataꞌala paꞌindulumo nofomoasiꞌao.

2 Yohanes 1:13

Nandoo dua kapakatuno salam maiꞌao ne anaꞌino bhahitiemu nepilino Lahataꞌala.

Powoha 17:14

Andoa dapopahisa bhe Anano Dhumba, tamaka Anano Dhumba natumaloda hampano Anoa Kafeompuꞌandomo sabhaha kafeompuꞌa bhe Omputo sabhaha omputo. Anano Dhumba naꞌa daposabhangkaane mie nesaliꞌino, nepilino bhe tiparasaeano.”