Kolose 2:5 - Muna Southern Dialect

⁵ Kapaꞌamo mahingga mbadhaku nokodoꞌo bhe hintimiu, totono laloku nopobhaiangkoomu. Nowula sepaliꞌa laloku awoha kaꞌosano kaseꞌisemiu bhe kamatangkano kaparasaeamiu ne Kristus.

Kolose 2:5 Iomraidhean Croise

Tula-tulando rasulu 2:42

Andoa sadhia dokampuu-mpuu dofintahaki kafoinaꞌundo rasulu, dopohompu-hompu bhe dosekakolalo. Andoa sadhia dua dopoharoa bhe dosambahea.

Tula-tulando rasulu 20:21

Namiendo Yahudi namiendo liwu sigaoꞌano sadhia afodhagada, bhahaꞌi kaowu dametompaꞌao dhosando, dadumoli ne Lahataꞌala bhe damarasaea ne Ompu Yesus Kristus.

1 Korintus 11:34

Ane bhe moꞌahono, naetaa naomaa kadeki se lambuno, neanomo poꞌawa-awamiu paise naeowaangkoomu kahukumu. Kafoinaꞌu sigaoꞌano madaꞌo aꞌumatoroangkoeꞌomu humato amai.

1 Korintus 14:40

Ampamo kaowu kosasawiꞌae ini tabeano namantasi dhalano bhe naeangkafi atora.

1 Korintus 15:58

Dadiꞌanomo, bhahitieꞌiku timoasiꞌaono, fekatangka kofindamiu, koise meando-andoa, sadhia foma-fomaiꞌomu lalomiu weo kahadhaano Ompu! Ingka pandeꞌaaneomu weo kaseꞌisemiu bhe Ompu kawulemiu pae nasumia-siaꞌa.

1 Korintus 16:13

Kodhagaomu! Fekamatangka kofindamiu weo kaparasaeamiu! Membaliomu moꞌane! Fekaꞌosa totono lalomiu!

Kolose 2:1

Gaoku mpuu mandeꞌaaneomu kabhieno apoewangi weo totono laloku so hintimiu bhe umati we Laodikia bhe kosasawindo mie tapaꞌo mohano ulaku.

1 Tesalonika 2:17

Mahingga peda naꞌa, bhahitieꞌi, notanda dofofosuhu dopogaatiomu endefiꞌini, taꞌuleiꞌe mpuu lalo mani tamendua tapoꞌawaangkoomu, hampano sadhulu-dhulu kakambano lalo mani ne hintimiu. Pogaatintoomu sebantaha ini ne mata kaowu, weo totono lalo miina.

1 Tesalonika 3:8

Aitu nodadimo toha lalo mani, sumanomo notangka koehemiu weo Ompu.

Ibrani 3:14

Kapaꞌamo intaodiomu ini dembalimo posabhangkaꞌano Kristus, sumanomo ampa kapuliaono namatangka fintahantoomu ne kaparasaea mpini kabhao-bhaono.

Ibrani 6:19

Kaposahunaꞌaontoomu maitu tapedamo matano kai ⸤ labuno kapala⸥ , nembali kafintahaꞌa motangka bhe tumohopono so alusuntoomu. Kaposahunaꞌao maitu nohato ampa we sembalino kai bhalano kahondomino Boloku Foliuno Kangkilo ⸤ we Lambuno Lahataꞌala te surugaa⸥ .

1 Petrus 5:9

Ewangieꞌomu, ewangianeomu kaparasaea motangka. Ingka pandeꞌaaneomu kosasawindo bhahitiemiu marasaeano ne Kristus te dhunia ini, saneamo dua kumadee-deeno peda hintimiu.