Kolose 2:16 - Muna Southern Dialect

¹⁶ Dadiꞌanomo koise undaomua mie bhaimiu damoꞌalakoomu hampano nehumaa bhe nefohoꞌumiu. Koemo dua damosuhukoomu meangkafiomu oleo hohaeaꞌano agama tawa hohaeaꞌano wula mohangku bhahaꞌi oleono Sabat.

Kolose 2:16 Iomraidhean Croise

Matius 15:11

“Fetingke bhe tandaiꞌeomu! Suano mesuaꞌano ne wobhano manusia fofekaharamuno, tamaka lumimbaꞌano ne wobhano aituꞌaemo fofekaharamuno.”

Markus 7:19

mbaꞌinomo miina namesuaꞌa weo totono lalo, tamaka nekansuhu weo handado maka doꞌohoe toha we dhamba.” Pugauno Yesus naꞌa nokomaꞌanaꞌao sabhaha oti nehumaa nembali dohumaaꞌea.

Tula-tulando rasulu 15:20

Ampamo kaowu, tetewei daebuhianda suha keana dohumaa oti nepopanga ne barahala, koe domonsulea, koe dua dohumaa kamateno kadadi pata nesumbele bhe koe dohumaa hea.

Roma 14:10

Tamaka hintu itu, noafa bhahaa foꞌalaꞌao bhahitiemu? Noafa pisakiꞌao bhahitiemu? Kapaꞌamo kosasawintoomu saneamo damewise ne kaengkohaꞌa kafobhitahakiꞌano Lahataꞌala.

Galatia 4:10

Hintimiu dambaꞌaaneomu kansuhu oleo, o wula, o wakutuu bhe taꞌuno hohaeaꞌa ⸤ toka nefotantuno weo tubhono agama Yahudi⸥ .

Kolose 2:20

Ingka momatemoomu poowa bhe Kristus maka mobebasimoomu maiꞌao ne rohi kumuasaino dhunia ini. Noafaꞌao dua gahaꞌa nandoo dadiꞌaoꞌomu peda mie nekuasaino dhunia ini? Noafa gahaꞌa taꞌotuhumoomu ne sabhaha atorano dhunia?

Ibrani 13:9

Koise namekakolilinokoomu sabhaha kafoinaꞌu sumempa mengkahatono. Naetaa totono lalontoomu namekamatangkae rahamatino Lahataꞌala, koise namekamatangkae sabhaha atorano oti nehumaa. Mie meangkafino sabhaha atorano oti nehumaa naꞌa miina daeꞌawaa fahalaanoa.

Ibrani 9:10

Kapaꞌamo sabhaha kapopanga maitu nopokai kaowu bhe oti nehumaa bhe nefohoꞌu bhe sabhaha atorano kangkilono mbadha. Bhahi-bhahiꞌae maitu sanea kaowu atorano mbadha, nofaraluu kaowu ampa tempono Lahataꞌala namahabuꞌouni podhandiꞌa naꞌa.

Yakobus 4:11

Bhahitieꞌiku, koise poꞌumbu-umbuomua. Laꞌae moꞌalano tawa bhitahakino bhahitieno, ingka nofoꞌala bhe nobhitahaki pahintano Lahataꞌala. Maka ane foꞌalaomu pahintano Lahataꞌala, maꞌanano miina mangkafieꞌomu tamaka abhiomu wutomiu te wawono pahintano Lahataꞌala, tapeda seemie fobhitahakino.