Kolose 2:13 - Muna Southern Dialect

¹³ Hintimiu endefiꞌini momateomu hampano sabhaha kaꞌalamiu pakade mbadhamiu miina natisunaa. Tamaka ampa aitu Lahataꞌala nofodadikomoomu poowa-owaomu bhe Kristus. Lahataꞌala noꞌamponiemo sabhaha kaꞌalantoomu.

Kolose 2:13 Iomraidhean Croise

Lukas 15:24

Kapaꞌamo anaku ini kanggetu nomatemo, gahaꞌa sulimo nodadi. Nomiinae, sulimo apoꞌawaane.’ Pada aitu dohame-hamemo.

Lukas 15:32

Nopantasi mpuu daoꞌiaꞌomu bhe dahumame-hameomu kapaꞌamo aimu kanggetu nomatemo, gahaꞌa sulimo nodadi, nomiinae sulimo apoꞌawaane.’ ”

Lukas 9:60

Tamaka Yesus nopugaumo ambano, “Hunsaꞌanomo mie mate dakumobuhu mie mate bhaindo, tamaka hintu kala folele bhihita Kafopahintaꞌano Lahataꞌala.”

Yohanes 5:21

Amano nefowanu mie komate-mateno bhe nofodadida, pedamo dua anaꞌa Anano nefodadi dua ampa nepoindalono.

Yohanes 6:63

Fowaꞌaono dadi buꞌou ingka Rohino Lahataꞌala, kaꞌosano mbadhano manusia miina sepaliꞌa nakofahalaa. Sabhaha wamba nefosampeku ne hintimiu, wambano Rohino Lahataꞌala, meowanomo dadi.

Roma 4:17

Weo Kitabi notibuhi, “Hintu asangkeko so amando bansano liwu bhahi.” ⸤ Pedamo naꞌa Abraham nembalimo amantoomu⸥ ne wiseno Lahataꞌala neparasaeano. Anoamo Lahataꞌala mefodadino mie mate, Anoamo dua tanokobhoasaomo maka tapa ndumandooꞌano tanosinandooꞌamo.

Roma 6:13

Koemo owaomu katokano mbadhamiu ne dhosa, namakee so patudhu modai. Tamaka owa wutomiu ne Lahataꞌala peda mie madano mateno suli dodadi. Owaomu dua katokano mbadhamiu ne Lahataꞌala, neanomo namakee so dhumalangiꞌaoꞌomu kapoindalono.

Roma 8:11

Ane Rohino Lahataꞌala madano mowanuno Yesus maiꞌao ne mate neate weo totono lalomiu, maka Anoa mowanuno Kristus Yesus maiꞌao ne mate naꞌa, teteweimo dua namodadi mbadha kasaramiu itu, namangka ne Rohino meateno weo totono lalomiu.

1 Korintus 15:36

Kabhohemiu! Ingka ane meꞌewiomu wine, tantumo miina natumumbu bhe nadumadi ane miina namate kadeki.

1 Korintus 15:45

Nandoo tibuhino weo Kitabi, “Manusia kabhao-bhaono, nekonando Adam, bhe inawano dumadino,” tamaka Adam mbuhumaino ⸤ patudhuno Kristus⸥ , bhe Rohino fofodadino.

2 Korintus 3:6

Ingka Anoamo maꞌa kainsami kapooli taembali mie umondofaono Podhandiꞌa Buꞌou. Podhandiꞌa aini miina naengkoha ne tubho tibuhino, tamaka nengkoha ne Rohino Lahataꞌala, kapaꞌamo tubho tibuhino neowa mate, tamaka Rohino Lahataꞌala neowa dadi.

2 Korintus 5:19

Noangka ne Kristus Lahataꞌala nopometaaꞌao dhunia bhe Wutono, miinamo naelentu sabhaha kaꞌalando manusia. Insaodimo nefotakano tamolele bhihitano kapometaaꞌa ini.

Efesus 2:1

Endefiꞌini hintimiu kao-kaomo momateomu hampano kodhosaomu bhe kangkalaꞌiomu pahintano Lahataꞌala.

Efesus 2:11

Dadiꞌanomo bhahitieꞌiku, feꞌulaiꞌeomu koeatemiu endefiꞌini. Miendo Yahudi dokona hintimiu suano miendo Yahudi “o mie tapa nesuna”, ⸤ kapaꞌamo miendo Yahudi maitu doabhi wutondo andoamo kaowu umatino Lahataꞌala hampano padamo desuna.⸥ Gahaꞌaitumo kasuna naꞌa ingka dohabue kaowu mie ne mbadhano manusia.

Efesus 5:14

Kapaꞌamo bhahi-bhahiꞌae tiwohaꞌano, tantumo nentalea. Kanandooꞌanomo dokowambaane peda aini, “Wanumo hintu moodono, wanumo maiꞌao ne mate, maka naꞌumulawiko tilangano Kristus.”

Kolose 2:12

Kapaꞌamo wakutuuno dokadiu saranikoomu, ⸤ membaliomu peda mie mate maka⸥ dokobuhukoomu bhe Kristus. Weo kakadiu saranimo dua anaꞌa, hintimiu itu suli dofodadikoomu bhe Kristus, hampano parasaeaꞌomu ne kuasano Lahataꞌala toka mowanuno Kristus maiꞌao ne mate.

1 Timotius 5:6

Tamaka ane seemie bhihinanda gaono nadumadi namangkafi namisino, ingka nomatemo wawo mahingga nandoo nodadi.

1 Timotius 6:13

Aitu, ne wiseno Lahataꞌala maꞌaono dadi ne sabhaha ndumandoono, ne wiseno dua Kristus Yesus mada sumakusiiꞌaono kabanara ne Pontius Pilatus, aefeꞌulaiangko:

Ibrani 6:1

Dadiꞌanomo dohunsaeꞌanaomu kadeki kafoinaꞌu kabhao-bhaono pokaiꞌano bhe Kristus, maka damopansuhueꞌomu dapoguhuꞌao so dadi motangka peda mie marasaeano. Koemo tadofendu-fenduaꞌomu kafoinaꞌu kabhao-bhaono, putae manusia tetewei nametompaꞌao podiu meowano mate, maka damarasaea ne Lahataꞌala.

Ibrani 9:14

bhemo toha heano Kristus! Weo kuasano Rohino Lahataꞌala dumadino suhue dhamani, Kristus nofoampe Wutono mbali kapopanga pata kodengono ne Lahataꞌala. Dadiꞌanomo heano tetewei namekangkilo totono lalontoomu maiꞌao ne sabhaha podiu meowano mate, neanomo naembali dameompuomu ne Lahataꞌala dumadino.

Yakobus 2:17

Pedamo dua anaꞌa o kaparasaea, ane pae damotiwohae weo habunto, ingka miina nakofahalaaꞌa. Naembali dakumonae nomatemo kaparasaea anaꞌa.

Yakobus 2:20

Ingka mobhoheomu gahaꞌa! Gaomiu bhahaa amaꞌangkoomu bukutii putae kaparasaea tapa seowaꞌano bhe habu ingka nosia-sia?

Yakobus 2:26

Ane o mbadha miinamo nakoinawa, ingka nomatemo. Pedamo dua aitu o kaparasaea, ane miina naseowaꞌa bhe habu, ingka nomatemo.

1 Yohanes 2:12

Hintimiu membalino anaꞌi, aebuhiangkoomu peda aini kapaꞌamo dhosamiu notiꞌamponimo hampano Kristus.