Kolose 2:11 - Muna Southern Dialect

¹¹ Weo kaseꞌisemiu bhe Kristus, hintimiu padamo dosunakoomu. Ampamo kaowu suano kasuna nekahadhaando limando manusia, tamaka kasuna nekahadhaano Kristus weo totono lalomiu, maꞌanano noaliangkoomu kuasano dhosa we lalomiu.

Kolose 2:11 Iomraidhean Croise

Markus 14:58

“Insaodi padamo tafetingkee nopugau, ‘Ahumunggae lambuno Lahataꞌala kahabuꞌando manusia ini, maka natolu oleo aefoehemo sigaoꞌano, suano kahabuꞌando manusia.’ ”

Lukas 2:21

Nokapo alu oleo, anaꞌi anaꞌa dosunaemo, neano dokonae Yesus. Neamo aini nefohatoꞌaono malaꞌekati wakutuuno miinaꞌo nawoowae inano.

Tula-tulando rasulu 17:24

Lahataꞌala mokonandoono dhunia bhe kosasawiꞌae iꞌino, Anoamo ompuno lani bhe dhunia. Anoa miina naeatea ne lambu kaesombaiꞌa kahabuꞌando manusia.

Tula-tulando rasulu 7:48

Ampamo Lahataꞌala Foliuno Kuasa miina naeate ne lambu kahabundo manusia, peda tibuhiꞌano weo Kitabindo anabii,

Roma 2:29

Tamaka miendo Yahudi sakotuꞌuno, miina natiwoha ne mbadhano, tamaka ne totono lalono. Pedamo dua kasuna sakotuꞌuno, suano kasunano mbadha doangkafi tubho tibuhino, tamaka kasunano totono lalo nehabuno Rohino Lahataꞌala. Mie pedando aitu naetahima kapudhi maiꞌao ne Lahataꞌala, suano maiꞌao ne manusia.

Roma 6:6

Ingka dopandeꞌaanemo, kamanusianto ngkodauꞌano dopongkoemo te sau salipu poowa bhe Kristus, neanomo kuasano dhosa ne mbadhanto nahumansurumo. Dadiꞌanomo paemo namobhatua kaita dhosa.

Roma 7:24

Kadaino maka kolauku idi ini! Laꞌae bhahaa so mosalamati kanau maiꞌao ne mbadha meowano mate ini?

2 Korintus 5:1

Kapaꞌamo tapandeꞌaane, mada kaowu dahumungga kadempo kaeateꞌantoomu ne dhunia ini ⸤ maꞌanano mbadha kasarantoomu⸥ , Lahataꞌala nofofontaa-ntaaꞌao lambu te surugaa so kaeateꞌa suhue dhamani. Kaeateꞌa anaꞌa miina dahumabue limando manusia.

2 Korintus 5:17

Sasuka seꞌiseno bhe Kristus ingka nembalimo manusia buꞌou, ngkodauꞌano nolalomo, nohatomo buꞌouꞌano.

Galatia 2:20

Tamaka ampa aitu adadimo. Ampamo kaowu suanomo dadiku wutokua, tamaka Kristus dumadino we laloku ini. Dadi nedambaꞌaoku ini, ingka o dadi weo kaparasaea ne Anano Lahataꞌala. Anoa noasi kanaumo sampe nofotawakala wutono dopongkoe so idi.

Galatia 5:24

Mie membalino fehebuaꞌano Kristus Yesus, kapoindalono mbadhano padamo dofekamatee te sau salipu, maꞌanano sabhaha nafusuu bhe kapoindalono kamanusiano dosobuemo.

Efesus 4:22

Ingka padamo dofoinaꞌukoomu peda aini: hunsaeꞌomu toha kodadimiu ngkodauꞌano, kapaꞌamo dadimiu ngkodauꞌano naꞌa nodai-daiꞌe sabhaha kapoindalo fofekakolilinono.

Filipi 3:3

Gahaꞌaitumo sakotuꞌuno intaodiomu ini metahimano kasuna mpuu. Maꞌanano intaodiomu ini nofoato Rohino Lahataꞌala dosombaomu ne Anoa, nowose bhakentoomu hampano nehabuno Kristus Yesus. Pakade miina daposahunaꞌaoꞌomu ne kaengkohaꞌano kamanusia bhe habu metaantoomu.

Kolose 3:5

Dadiꞌanomo fekamateeꞌomu weo totono lalomiu sabhaha fekihino dhunia: podiu tampahasa bhe pokahaku, o nafusuu bhe kapoindalo modai bhe kakadau-dau, kapaꞌamo o kakadau-dau ini ingka nopototo bhe desombai barahala.

Ibrani 9:11

Tamaka Kristus padamo nomai peda seemie Imamu Bhalano meowano sabhaha metaaꞌano toka ndumandoono. Padamo nolempagie Tenda kaeateꞌano Lahataꞌala, noliuꞌe kasangkano bhe kakalabhiano ⸤ bhe tenda we dhunia ini⸥ . Tenda amaitu ingka suano kahabundo manusia, maꞌanano miina natilentu ne dhunia nefokonandoono ini.

Ibrani 9:24

Kapaꞌamo Kristus miina namesua weo Boloku Foliuno Kangkilo nehabundo manusia, membalino kaowu sandahano Boloku Foliuno Kangkilo sakotuꞌuno ⸤ te surugaa⸥ , tamaka Kristus nopesuamo te puuno surugaa, ampa aitu nofewise ne Lahataꞌala so sabhaha kafaraluuntoomu.