Kolose 1:5 - Muna Southern Dialect

⁵ Katangkaꞌanomo kaparasaeamiu naꞌa bhe kanini kaasimiu ne mie bhaimiu, hampano kaposahunaꞌao umawaomu nefontaa-ntaano Lahataꞌala te surugaa. Kaposahunaꞌao ini ingka tokamo fetingkeeꞌomu wakutuuno dofohatoangkoomu bhoasao banarano, maꞌanano o Bhihita Metaa.

Kolose 1:5 Iomraidhean Croise

Lukas 12:33

Asopieꞌomu fehebuaꞌamiu maka dhoino waꞌandae mie mokae! Mehabuomu kadu-kaduno dhoi so tapa molusaꞌano, maꞌanano kahangkaea te surugaa tapa mowoowolono. Kahangkaea anaꞌa paise nahumatoe kasibu, paise dua naomaaꞌe faa.

Tula-tulando rasulu 10:36

Ingka pandeꞌaanemoomu bhihita nefosampeno Lahataꞌala ne miendo Israel. Bhihita metaa naꞌa nofofohatoꞌao pometaaꞌano manusia bhe Lahataꞌala neowano Yesus Kristus, Ompundo kosasawindo manusia.

Tula-tulando rasulu 13:26

Bhahitieꞌiku, naetaa sampuꞌano Abraham naetaa sigaoꞌano moteꞌino ne Lahataꞌala, bhihita kasalamatiꞌa ini padamo dofofohatoane.

Tula-tulando rasulu 23:6

Paulus nopandeꞌaane mie humatono maitu sigaꞌa miendo Saduki, sigaꞌa miendo Farisi. Dadiꞌanomo nopugaumo nofekabhala-bhalaꞌie ne wisendo Sahano Agama ambano, “Bhahitieꞌiku, idi ini o Farisi, sampuꞌando miendo Farisi, katibhitahakiꞌaku ne ini, mbaꞌinomo aposahunaꞌao mie mate sumuli dadumadi.”

Tula-tulando rasulu 24:15

Pedamo dua andoa ini, o idi aposahunaꞌao ne Lahataꞌala putae kosasawindo mie mate sumuli dadumadi, namie metaa, namie modai!

Roma 10:8

Tamaka ingka wambano Kitabi peda aini, “Bhoasaono Lahataꞌala nomaꞌo sepaliꞌa bhe hintimiu, neate ne wiwimiu bhe ne totono lalomiu.” Bhoasaomo aitu bhihitano kaparasaea nefosampe mani.

1 Korintus 13:13

Dadiꞌanomo tamo tolu hondano ini ⸤ so nefintahakintoomu⸥ : o kaparasaea, o posahunaꞌao, bhe kanini kaasi; tamaka fofoliuꞌano o kanini kaasi.

1 Korintus 15:19

Ane kaposahunaꞌaontoomu ne Kristus so kaowu dadintoomu te dhunia ini, maka nofoliu kadaino kolauntoomu bhe sabhaha manusia.

2 Korintus 5:19

Noangka ne Kristus Lahataꞌala nopometaaꞌao dhunia bhe Wutono, miinamo naelentu sabhaha kaꞌalando manusia. Insaodimo nefotakano tamolele bhihitano kapometaaꞌa ini.

2 Korintus 6:7

taefolele bhihitano kabanara, tafotiwoha kuasano Lahataꞌala, dadi banara mbalimo ewanga mani so tapopahisaꞌao bhe tapobentengiꞌao wuto mani;

Galatia 2:14

Awoha kaowu podiundo maitu miina napoangkafi bhe kabanarano Bhihita Metaa, apugaumo ne Petrus ne wisendo kosasawindo naꞌa ambaku, “Hintu itu mieno Yahudi, gahaꞌa dadi peda seemie suano Yahudi ⸤ ingka miinamo mangkafi tubhono agama Yahudi⸥ . Nada amai dua mosuhu bhahitieꞌi suano Yahudi damangkafi atorano agama Yahudi?”

Galatia 2:5

Tamaka bhe naseendai miina tasumowoandaa, neanomo Bhihita Metaa netahimamiu itu sadaa-daaꞌe nobanara, pae nakosalo-saloa.

Galatia 5:5

Tamaka insaodi, bhe katulumino Rohino Lahataꞌala, taantagi neposahunaꞌao mani putae Lahataꞌala natumahima kainsami peda mie banara hampano kaparasaea mani ne Kristus.

Efesus 1:13

Hintimiu dua membalimoomu umatino Lahataꞌala, wakutuuno fetingkeomu bhihitano kabanara, maꞌanano Bhihita Metaa meowaangkoomu kasalamati. Hampano kaparasaeamiu ne Kristus, Lahataꞌala nowaꞌangkomoomu Rohino toka nedhandiꞌaono. Rohino naꞌa katandainomo membalimoomu fehebuaꞌano Lahataꞌala.

Efesus 4:21

Kapaꞌamo ingka fetingkemoomu bhihitano Kristus bhe peda mie mangkafie tahimaemoomu dua kafoinaꞌu banara, koꞌulaꞌano ne wutono Yesus.

Kolose 1:23

Tamaka tabeano mpuu-mpuunieꞌomu kaparasaeamiu, fekamatangkae kofindamiu. Koise nomagoeaꞌa, koise dua nogampi posahunaꞌao neꞌawamiu wakutuuno fetingkeomu Bhihita Metaa. Bhihita Metaa ainimo nefolele ne sabhaha manusia we towawano lani ini. Idimo dua ini, Paulus, katudu mefoleleno Bhihita Metaa naꞌa.

Kolose 1:27

Ne umatinomo ini, gaono Lahataꞌala namotiwohae kabhalano kabarakatino bhe kakalabhiano rahasia aitu so sabhaha bansano liwu te dhunia ini. Rahasia anaꞌa peda aini: Kristus neate weo totono lalondo umatino, Anoamo puuno kaposahunaꞌaomiu so menamisiꞌaoꞌomu dua kakalabhiano Lahataꞌala.

Kolose 3:16

Naetaa bhoasaono Kristus bhe sabhaha kabarakatino nakumabhinti totono lalomiu, neanomo naembali pofoi-foinaꞌu bhe potanga-tangahiomu maiꞌao ne totono lalo kotimbangi. Pudhiomu Lahataꞌala, mepakeomu lagu mazmur ne Kitabino Daud, lagu-laguno kapudhi bhe lagu-lagu lumebeno. Melaguomu bhe mefoampeomu katumpuno lalo ne Lahataꞌala.

1 Tesalonika 2:13

Dadiꞌanomo, miina bhe katiehea taefoampe katumpuno lalo ne Lahataꞌala, mbaꞌinomo wakutuuno tafohatoangkoomu Bhihitano Lahataꞌala, fetingkeeꞌomu bhe tahimaeꞌomu. Bhihita aini miina mabhieꞌomu wamba maiꞌao ne manusia, tamaka mpuu-mpuuno bhoasaono Lahataꞌala. Ingka daanumo peda anaꞌa. Lahataꞌalamo ini kumahadhaano weo totono lalomiu marasaeano ne Kristus.

2 Tesalonika 2:16

Sio-siomo wutono Ompuntoomu Yesus Kristus bhe Lahataꞌala Amantoomu nalumawesi bhe namekatangka lalomiu, neanomo so nehabumiu bhe so nepugauꞌaomiu sanea metaaꞌano. Kapaꞌamo Lahataꞌala nofomoasiꞌao; weo kataano lalo nofowaꞌao kaposahunaꞌao metaa bhe kalawesino lalo suhue dhamani.

1 Timotius 1:15

Nokotuꞌu mpuu bhoasao aini, dadiꞌanomo nopantasi mpuu datumahimae bhe damarasaeaꞌe: “Kristus Yesus nomai we dhunia ini nofosalamati mie kodhosa”, maka mie fofoliuno kabhahino dhosa ingka o idimo ini.

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

Titus 1:2

Kafoinaꞌu aini nengkoha ne posahunaꞌaontoomu daeꞌawa dadi suhue dhamani. Dadi anaꞌa padamo nofodhandiane Lahataꞌala mpini miinaꞌo natifokonandoo dhunia. Ingka Lahataꞌala miina bhe kapooli nakopahaa.

Ibrani 7:19

Tubhono agama Yahudi naꞌa miina naeowa dadi sumangka ne laꞌae maka dua, kanandooꞌanomo dowaꞌa kaita posahunaꞌao sedhuluꞌano kataa. Hampano posahunaꞌao anaꞌa nembalimo domaꞌotiomu Lahataꞌala.

1 Petrus 2:2

Naetaa membaliomu toha nada anaꞌi kaneꞌo lumenteno, gaono sadhia natumiti. Nadamo anaꞌa hintimiu sadhia meꞌondofiomu so otino alusumiu, neanomo dhulu kamatangka kaparasaeamiu maka sumalamatiomu.

1 Petrus 3:15

Fosibhalaomu Kristus weo totono lalomiu, ampamo Anoa so Ompu weo dadimiu. Sadhia mantaa-ntaaꞌomu tumobhoosiomu mie meenaꞌaono kaposahunaꞌao nefintahakimiu itu. Tamaka tobhoosiandaomu kamaluno lalo bhe adhatidaomu.

2 Petrus 1:12

Kanandooꞌanomo patudhuku sadhia ameꞌulaiangkoeꞌomu bhahi-bhahiꞌae ini, mahingga pandeꞌaanemoomu bhe nomatangkamo koehemiu weo kabanara toka netahimamiu.

1 Yohanes 3:3

Sasuka mie posahunaꞌaono ne Kristus peda anaꞌa, namekangkilo dadino maiꞌao ne sabhaha dhosa, pedamo wutono Kristus nongkilo.