Kolose 1:28 - Muna Southern Dialect

²⁸ Kristusmo ini nefebhihitaiꞌao mani ne sabhaha mie. Kosasawindo taefeꞌulaianda bhe tafoinaꞌuanda maiꞌao we totono lalo kotimbangino. Patudhu mani neanomo kosasawindo tamowada ne wiseno Lahataꞌala peda mie motangkano dadi weo totono lalondo, hampano doseꞌise bhe Kristus.

Kolose 1:28 Iomraidhean Croise

Matius 28:20

Foinaꞌudaomu damangkafi sabhaha pahinta nefohatoꞌaoku ne hintimiu. Maka tandaiꞌeomu, sadhia apobhaiangkoomu ampa kafetompaino dhamani.”

Matius 3:7

Dobhahi dua miendo Farisi bhe miendo Saduki mefekadiuno. Sanowohada, Yohanes nopugaumo ambano, “Hintimiu ini sampuꞌano ule modai. Ambamo laꞌae bhahaa lumapaomu ne amahano Lahataꞌala so humatoꞌano?

Matius 5:48

Dadiꞌanomo tabeano nasumangka totono lalomiu, peda Amamiu te surugaa.”

Markus 6:34

Nosampu nomaiꞌao ne bhangka, Yesus nowohamo kantawundo mie naꞌa. Nobhelaandamo lalono mbaꞌinomo andoa ini tapedamo gulumano dhumba pata kodhagano, sampe nobhahi toha nofoinaꞌuda.

Lukas 21:15

Kapaꞌamo wutoku so maꞌangkoomu pugau kotimbangi, sampe kosasawindo kaewamiu paise damondoiꞌea dapoewangiane tawa dagumagai pugaumiu.

Tula-tulando rasulu 10:36

Ingka pandeꞌaanemoomu bhihita nefosampeno Lahataꞌala ne miendo Israel. Bhihita metaa naꞌa nofofohatoꞌao pometaaꞌano manusia bhe Lahataꞌala neowano Yesus Kristus, Ompundo kosasawindo manusia.

Tula-tulando rasulu 11:20

Ne olotando andoa maitu nandoo dua miendo Siprus bhe miendo Kirene humatono we Antiokia. Andoa ini dopuga-pugau dua ne mie suano Yahudi dofohatoanda Bhihita Metaa putae Yesus maitu o Ompu.

Tula-tulando rasulu 13:38

Dadiꞌanomo bhahitieꞌiku tabeano mandeꞌaaneomu! Bhihita katiꞌamponiꞌano dhosa ini dofohatoangkoemoomu hampano Yesus ini.

Tula-tulando rasulu 17:18

Nandoo seemie hodua mie moꞌosano fekihi maiꞌaono ne walakando Epikuros bhe Stoa dopuga-pugau dua bhe anoa. Nandoo mugauno ambado, “Napugauꞌao ae bhahaa mie pande gau maitu, kabhahino wambano!” Tamaka ambado dua sigaoꞌano, “Kao-kaomo nehatoꞌao kafoguhuno dewando koliwuno.” Kapugauꞌando peda maitu mbaꞌinomo netula-tulaꞌao Yesus bhe kawanuꞌando mie mate.

Tula-tulando rasulu 17:3

Nomaiꞌao ne aeatino Kitabi naꞌa notalesaandae bhe nofotiwohaandae putae Mesias tetewei nakadee-dee bhe namanu namaiꞌao ne mate. Ambano, “Yesus nefohatoꞌaoku ini, Anoamo Mesias, Omputo Fosalamatino naꞌa.”

Tula-tulando rasulu 20:31

Dadiꞌanomo kodhagaomu! Tandaiꞌeomu tolu taꞌumo kaomponanoa, ole-oleono, koho-kohondoꞌano miina ameontoa atangahikoomu seemie-seemie, nopotuhu bhe luuku.

Tula-tulando rasulu 3:20

Ane nada naꞌa, Ompu namaꞌangkomoomu dua kalalesano lalo, maka natumuduangkoomu Yesus toka nefontaa-ntaaꞌaono mpini kabhao-bhaono so Omputo Mosalamatikoomu.

Tula-tulando rasulu 5:42

Andoa miina dametumpua dofofoguhu weo Lambuno Lahataꞌala bhe ne lambudo mie. Seꞌo-seꞌoleo defolele Bhihita Metaa putae Yesus maitu Omputo Fosalamatino.

Tula-tulando rasulu 8:35

Dadiꞌanomo Filipus nopugaumo. Notanda ne aeati saꞌituini nofohatoanemo Bhihita Metaa, bhihitano Yesus.

Tula-tulando rasulu 8:5

Filipus nokala ne seꞌonu kota we Samaria maka nefebhihitaianda Mesias, Omputo Fosalamatino.

Tula-tulando rasulu 9:20

Lasao dua nopesua weo lambu-lambu kasambaheaꞌa nefebhihitaiꞌao putae Yesus Anano Lahataꞌala.

Roma 16:25

Notifekakalabhia mpuu Lahataꞌala! Anoamo kokuasano namekatangka kaparasaeamiu, naposahataa bhe Bhihita Metaa nefoleleku, bhihitano Yesus Kristus. Bhihita anaꞌa ingka o bhihitano patudhuno Lahataꞌala tifebuniꞌano ntini moꞌo-moꞌonono taꞌu.

1 Korintus 1:23

Tamaka insaodi ini taefolele bhihitano Kristus mateno te sau salipu. Bhihita aini nodaiane lalondo miendo Yahudi, mie suano Yahudi dokonae tula-tula bhohe.

1 Korintus 1:30

Tamaka hampanomo Lahataꞌala, hintimiu seꞌisemoomu bhe Kristus Yesus. Anoa itu kaꞌonuꞌano kapandeno Lahataꞌala so intaodiomu, fopometaaꞌaono bhe Lahataꞌala, fofekangkilono dadi bhe fofobebasino maiꞌao ne dhosa.

1 Korintus 12:8

Seemie nowaꞌane kapooli nokotimbangi pugauno, o Rohi fowaꞌaono. Seemieno nowaꞌane kapooli nokokapande pugauno, o Rohimo dua anaꞌa fowaꞌaono.

1 Korintus 15:12

Ane taefebhihitaiꞌao putae Kristus dofowanue maiꞌao ne mate, nada amai bhahaa nandoo dua ne olotamiu itu mugauno putae miina bhe kawanuꞌando mie mate?

1 Korintus 2:15

Manusia tumahimano Rohino Lahataꞌala sadhia netiisangi bhahi-bhahiꞌae, tamaka wutono manusia naꞌa miina bhe kohakuno damoꞌalae.

1 Korintus 2:6

Mahinggamo peda naꞌa, ne olotando mie toka motangkano kaparasaea insaodi tapugauꞌao dua wambano kapande. Ampamo kaowu kapande aini suano kapandeno dhunia ini, suano dua kapandedo mintahano kuasa ne dhamani aini, kapaꞌamo kuasando andoa ini naosali.

1 Korintus 4:14

Abuhiangkoomu aini miina akopatudhu amekaambanokoomua, tamaka atangahikoomu peda anaꞌiku timoasiꞌaono.

2 Korintus 10:14

Kapaꞌamo weo foleleꞌano Bhihita Metaano Kristus tahatomo ampa we hintimiu itu, miina taelimbaki tidano kahadhaa mani, dadiꞌanomo ane tasangke-sangke wuto mani hampano hintimiu, miina natolabhia.

2 Korintus 11:2

Nokondua laloku ne hintimiu tapedamo wutono Lahataꞌala. Hintimiu tapedamo seemie kalambe mongkilo, padamo apodhandi amogaakoomu bhe seemie moꞌane, ingka wutono Kristus.

2 Korintus 4:5

Nefosampe mani ini suano bhihitano wuto mani, tamaka bhihitano Yesus Kristus, Anoamo Ompu. Insaodi taembali palima-limamiu hampano tafeompu ne Yesus.

Efesus 3:8

Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.

Efesus 5:27

Kahabuꞌano peda amaitu, neanomo namowa umatino te wiseno Wutono ⸤ peda loꞌia buꞌou hobhine⸥ , naombena ulano, pae nakotindu-tindua, pae nakongkuhu-ngkuhua tawa kadengo sigaoꞌano, tamaka umati daongkilo bhe pae dakodengo-dengoa.

Kolose 1:22

Tamaka ampa aitu hampano mateno Anano peda seemie manusia, Lahataꞌala nopometaaꞌangkomoomu. Nadamo anaꞌa Kristus namowakoomu ne wiseno Lahataꞌala, naongkilo bhe namoinda totono lalomiu, paemo kodengo-dengoomua.

Kolose 2:10

Weo kaseꞌisemiu bhe Anoa, dadimiu nosangkamo dua, kapaꞌamo Kristus mefotuꞌaonomo sabhaha rohi mahintano bhe kokuasano.

Kolose 2:3

Kapaꞌamo Kristusmo ini motiwohano kosasawiꞌae timbangi bhe kapandeno Lahataꞌala, tapedamo arataa tifebuniꞌano endefiꞌini, ampa aitu nentaleamo.

Kolose 3:16

Naetaa bhoasaono Kristus bhe sabhaha kabarakatino nakumabhinti totono lalomiu, neanomo naembali pofoi-foinaꞌu bhe potanga-tangahiomu maiꞌao ne totono lalo kotimbangi. Pudhiomu Lahataꞌala, mepakeomu lagu mazmur ne Kitabino Daud, lagu-laguno kapudhi bhe lagu-lagu lumebeno. Melaguomu bhe mefoampeomu katumpuno lalo ne Lahataꞌala.

Kolose 4:12

Saliwumiu Epafras nepakatuangkoomu dua salam. Anoa ini palima-limano Kristus Yesus, sadhia dua nosambaheaꞌangkoomu sampuu-mpuuno lalono. Nesalo ne Lahataꞌala so naotangkaꞌao kofindamiu weo kaparasaeamiu, membaliomu miendo sarani motangkano dadi tapa poibhahano, mie mangkafino kapoindalono Lahataꞌala.

1 Tesalonika 4:6

Weo diu nepulaoꞌaoku ini, koise dua kokaꞌalaomu ne bhahitiemiu tawa bhohe-bhoheꞌieꞌomu. Ingka endefiꞌini padamo tafodhagakoomu putae Ompu nahumukumu mehabuno kaꞌala medando naꞌa.

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

1 Timotius 3:2

Dadiꞌanomo neangkando umati tabeano mie tapa kodengo-dengono, seemie kaowu hobhineno, nopoolie nofewanaki totono lalono, nokotimbangi, nokoꞌadhati, nohelasi nefotiampe mie weo lambuno, bhe nopande nofofoinaꞌu.

Ibrani 10:14

Kapaꞌamo noangka ne kapopanga sehondano maitu, mie nefekangkilo maiꞌao ne dhosando nofosangkadamo ampa suhue dhamani.

Ibrani 13:21

Sio-siomo Lahataꞌala kamaiꞌaoꞌano katohopono dadi, namosangkaangkoomu sabhaha metaaꞌano so dhumalangiꞌaoꞌomu kapoindalono. Sio-siomo dua weo dadintoomu Lahataꞌala naehabu podiu mekaꞌiano lalono, namangka ne Yesus Kristus. Notifekakalabhia Kristus ampa suhue dhamani. Amin.

2 Petrus 3:15

Kakosabahano Lahataꞌala tabeano dakumonae mbali kasalawando manusia so dasumalamatiꞌao. Paulus, bhahitientoomu timoasiꞌaono, ingka padamo dua nobuhiangkoeꞌomu, noangkafi kapande neꞌawano.