Kolose 1:12 - Muna Southern Dialect

¹² Sadhia dua naowula lalomiu mefoampeomu katumpuno lalo ne Amantoomu. Anoamo mekapantasikoomu umawaomu dawu nefontaa-ntaa so umatino mongkilono weo kafopahintaꞌano mentaleaꞌano.

Kolose 1:12 Iomraidhean Croise

Matius 25:34

Omputo anaꞌa napugau ne mie we suanano ambano, ‘Maimoomu, hintimiu nebarakatino Amaku, tahimamoomu Kafopahintaꞌa toka nefontaa-ntaano so hintimiu mpini pakatifokonandoono dhunia.

Yohanes 14:6

Ambano Yesus, “Idimo ini o kaangkaꞌa, meowano kabanara bhe fowaꞌaono dadi. Bhe naseemie paise bhe so humatono ne Amaku ane paise namangka ne Idi.

Yohanes 20:17

Ambano dua Yesus, “Koise dampasi kanaua, kapaꞌamo miinaꞌo akumala te Amaku. Aitu sulimo se bhahitieꞌiku, fohatoda Idi akumalamo te Amaku bhe Amamiu dua, Lahataꞌalaku bhe Lahataꞌalamiu dua.”

Yohanes 4:23

Tamaka nahumato tempono, aitu ingka nohatomo, mie kotu-kotuꞌu sumombano ne Amaku Lahataꞌala dasumombaiꞌe maiꞌao ne totono lalondo bhe kasombaindo nabanara, kapaꞌamo Amaku nopoindaloda mie medano maitu.

Tula-tulando rasulu 20:32

Aitu afopuliemo ne Ompu somo dumambaꞌaangkoomu, neanomo sadaa-daa mintahakieꞌomu bhihitano rahamatino. Lahataꞌala nokokuasa namekatangka kaparasaeamiu bhe nadumawuangkoomu sabhaha kadawu nefotantuno so mie nefekangkilono.

Tula-tulando rasulu 26:18

so molosaꞌao matando, neanomo dahumunsamo kahohondo maka damesua we mentaleaꞌano, damaiꞌao ne kuasano Kafeompuꞌando seetani dadumoli ne Lahataꞌala. Neanomo dua dhosando natiꞌamponi hampano kaparasaeando ne Idi, pakade daeꞌawa dawua nefotantuno Lahataꞌala so mie mongkilo.’

Roma 11:17

Haꞌano puꞌuno zaitun sigaꞌa dolobhisiemo ⸤ aini apulaoꞌao miendo Yahudi⸥ , maka defopikaane tunano puꞌuno zaitun ngkahoku, aini apulaoꞌao hintimiu ⸤ mie suano Yahudi⸥ . Hintimiu tunano zaitun ngkahoku itu, ingka mepehapimoomu dua dadi menowu maiꞌao ne pahakano zaitun sakotuꞌuno.

Roma 15:27

Andoa dosekabhotumo weo kahelasino lalondo, ingka daanumo nopantasimo datumulumi mie mokae we Yerusalem. Kapaꞌamo ane pae miendo Yahudi, mie suano Yahudi paise daeala dawu ne sabhaha kabarakatino Lahataꞌala. Dadiꞌanomo ingka nopantasimo dua mie suano Yahudi daꞌumondofao miendo Yahudi weo kafaraluuno dadi we dhunia ini.

Roma 8:17

Ane intaodiomu dembalimo anaꞌino Lahataꞌala, nokomaꞌana dokohakumo dua daꞌumawa sabhaha kabarakati nefontaa-ntaano Lahataꞌala so anaꞌino. Kabarakati nefontaa-ntaa naꞌa datumahimaeꞌomu dapoowa-owa bhe Kristus. Kapaꞌamo ane dokadee-deeꞌomu poowa bhe Kristus, teteweimo dua dafofekalabhia poowa bhe Kristus.

Roma 9:23

Kahabuꞌano peda anaꞌa Lahataꞌala, neanomo namotipandeꞌao kakalabhiano pontalabhi-labhino ne mie nemobhelaꞌaono lalono, mie toka nefontaa-ntaano wawo so tumahimano kakalabhiano.

1 Korintus 8:6

tamaka so intaodiomu ampamo Lahataꞌala Kaseemie-mieꞌano, Amantoomu. Anoamo mokonandoono bhahi-bhahiꞌae, dadintoomu somo dua Anoa. So intaodiomu Ompu seemie-mieno dua, Yesus Kristus. Noangka ne Anoa bhahi-bhahiꞌae dofokonandooꞌe, hampanomo dua Anoa kadadiꞌantomoomu.

1 Korintus 9:23

Bhahi-bhahiꞌae ini ahabue hampano Bhihita Metaa so aealaꞌao dua dawu weo kabarakatino.

2 Korintus 11:14

Pae damentea, kapaꞌamo mahingga Kafeompuꞌando seetani nesahangkamo ne malaꞌekatino tilanga.

2 Korintus 5:5

Tamaka ingka wutono Lahataꞌala montaa-ntaa kaitaomu so patudhu anaꞌa, Anoamo dua maꞌa kaita Rohino somo kafekantoono dhandino ⸤ putae tetewei mada kaowu daꞌumawae kosasawiꞌae nedhandiꞌaono⸥ .

Efesus 1:11

Lahataꞌala nofokonandoo bhahi-bhahiꞌae noposahataa bhe kapoindalono bhe patudhuno Wutono. Mpini kabhao-bhaono nofopilimo bhe tokamo nofotantue daembali umatino hampano kaseꞌisentoomu bhe Kristus.

Efesus 1:18

Aesalo dua sio-siomo natilengka totono lalomiu, neanomo lumosangieꞌomu kakesano posahunaꞌao so neꞌawamiu maiꞌao ne Lahataꞌala bhasikoomu; neanomo mandeꞌaaneomu dua kapontalabhi-labhino kabarakati nefontaa-ntaano Lahataꞌala so umatino mongkilono.

Efesus 2:18

Hampano nehabuno Kristus, intaodiomu naetaa miendo Yahudi naetaa suano, deꞌawamoomu kaangkaꞌa kapesuaꞌa damewise ne Lahataꞌala, saneamo weo katulumino Rohino Lahataꞌala seꞌise-isemo.

Efesus 3:6

Rahasia anaꞌa peda aini: noangka ne foleleꞌano Bhihita Metaa mie suano Yahudi deꞌawamo dua dawu ne kabarakati nefontaa-ntaano Lahataꞌala so miendo Yahudi. Mie suano Yahudi dembalimo dua katokano mbadha dosembadhamo bhe miendo Yahudi. Andoa dotahimamo dua dhandino Lahataꞌala weo kaseꞌisendo bhe Kristus Yesus.

Efesus 4:6

Lahataꞌala Kaseemie-mieꞌano, Amandomo kosasawindo manusia. Anoamo kumabubungino alamu bhalano, nokahadhaa ne kosasawintoomu bhe neate ne kosasawintoomu.

Efesus 5:11

Koise kaangka-angkaomu ne habundo mie meateno weo kahohondo, kapaꞌamo habundo miina nakofahalaaꞌa. Tamaka podiu modaindo itu fekantaleaꞌieꞌomu te wisendo mie bhahi.

Efesus 5:20

Sadhia mefoampeomu katumpuno lalo ne Lahataꞌala Amantoomu weo neano Omputo Yesus Kristus, o ae maka dua neꞌawamiu.

Efesus 5:4

Pedamo dua wamba hamesa, wamba ngkabhohe-bhohe, tawa wamba pokahaku, miina namantasia pugauaneomu, tamaka mefoampeomu katumpuno lalo ne Lahataꞌala.

Efesus 5:8

Daanumo endefiꞌini hintimiu meateomu weo kahohondo, tamaka ampa aitu pesuamoomu we mentaleaꞌano, seꞌisemoomu bhe Ompu. Dadiꞌanomo dadiomu peda mie meateno ne mentaleaꞌano.

Kolose 2:2

Bhahi-bhahiꞌae ini ahabue so naotangkaꞌao lalondo umati bhe daseꞌise weo kanini kaasi. Ane nada naꞌa andoa daeꞌawa kabarakati bhalano, maꞌanano kotu-kotuꞌu dalumosangie kabanara, paemo dapoibhahaanea. Damandeꞌaane dua rahasiano Lahataꞌala, ingka wutono Kristus.

Kolose 3:15

Naetaa katohopono dadi maiꞌao ne Kristus nakumuasai fekihimiu bhe totono lalomiu. Kapaꞌamo patudhuno katibhasiꞌamiu sembadha bhe Kristus ingka so menamisiꞌaoꞌomu katohopono dadi naꞌa. Koe molimpuomu mefoampeomu katumpuno lalo.

Kolose 3:17

O ae maka dua nehabu bhe nepugauꞌaomiu, habueꞌomu tawa pugauaneomu peda mantasiꞌano so mie mangkafino Ompu Yesus. Habuomu bhahi-bhahiꞌae naꞌa poowa mefoampeomu katumpuno lalo ne Lahataꞌala Amantoomu hampano sabhaha nedhalangino Yesus so hintimiu.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

Ibrani 12:23

Hintimiu mai meangkafiomu hompuꞌa mohame, hompuꞌando umati sanea anaꞌi titiisano Lahataꞌala, toka tibuhino nea te surugaa. Hintimiu mai fewiseomu ne Lahataꞌala, bhitahakino kosasawindo manusia. Hintimiu powiseomu bhe rohindo mie banara toka mosangkano dadi.

Ibrani 3:1

Dadiꞌanomo bhahitieꞌiku mongkilono toka nebhasino Lahataꞌala so menamisino surugaa! Fekihi kaitaomu nehabuno Yesus, Rasulu bhe Imamu Bhalano neparasaeantoomu.

Ibrani 3:14

Kapaꞌamo intaodiomu ini dembalimo posabhangkaꞌano Kristus, sumanomo ampa kapuliaono namatangka fintahantoomu ne kaparasaea mpini kabhao-bhaono.

Yakobus 3:9

O lelantoomu nembali dopakee dopudhiane Lahataꞌala Amantoomu, tamaka nembali dua dopakee debhatataꞌiane manusia nefokonandoono Lahataꞌala nosekatu bhe Wutono.

1 Petrus 5:1

Nandoo kamesaloku ne kamungkulaꞌi neangkando umati. Kaebuhiꞌaku peda aini, ingka idi ini seemie dua kamungkulaꞌindo umati peda hintimiu, pakade awohaꞌao wuntano mataku kakadee-deeno Kristus. Nahumato tempono natiwoha kakalabhiano Kristus, ingka aeꞌawa dua dawu weo kakalabhiano naꞌa.

1 Yohanes 1:3

Madano newoha bhe nefetingke mani maitu, aituꞌaemo dua nefosampe mani ne hintimiu. Patudhu mani neanomo hintimiu seꞌiseomu bhe insaodi. Kaseꞌisentoomu naꞌa o dadi dua weo kaseꞌise bhe Lahataꞌala bhe Yesus Kristus, Anano.

Powoha 21:23

Kota amaitu miina naefaraluua wula bhe oleo so mekantaleaꞌe, kapaꞌamo nofekantaleaꞌe kakalabhiano Lahataꞌala, Anano Dhumba nembalimo kantaleano.

Powoha 22:14

Dokodawua mpuu mie tumofano dhubando. Andoamo kohakuno daomaa bhakeno sau meowano dadi bhe dokohaku dua damesua damangka ne kagualino kota amaitu.

Powoha 22:5

Ne itu paemo bhe kohondoꞌa, paemo dua daefaraluu kantalea bhe tilangano oleo, kapaꞌamo Ompu Lahataꞌala somo mekantaleada. Andoa damahinta nada omputo ampa suhue dhamani.