Ibrani 9:3 - Muna Southern Dialect

³ Nandoo dua seꞌonu boloku we sewetano anaꞌa, dohondomiane dua kai bhalano; boloku aini dokonae Boloku Foliuno Kangkilo.

Ibrani 9:3 Iomraidhean Croise

Matius 27:51

Gahaꞌa tambaꞌomo kai bhalano mbali kahondomi weo Lambuno Lahataꞌala nopobhensi maiꞌao te wawo ampa we panda. Tanonandoomo dua lualino wite, nokosaka-saka bhe kabhawondo kontu.

Ibrani 6:19

Kaposahunaꞌaontoomu maitu tapedamo matano kai ⸤ labuno kapala⸥ , nembali kafintahaꞌa motangka bhe tumohopono so alusuntoomu. Kaposahunaꞌao maitu nohato ampa we sembalino kai bhalano kahondomino Boloku Foliuno Kangkilo ⸤ we Lambuno Lahataꞌala te surugaa⸥ .

Ibrani 9:7

Tamaka membalino mesuano weo boloku we sewetano naꞌa ⸤ Boloku Foliuno Kangkilo⸥ mpahinomo Imamu Bhalano, sepaku kaowu setaꞌu. Wakutuuno nopesua ne itu Imamu Bhalano tetewei newowoꞌo bhe heano mbali kapopanga so katiꞌamponiꞌano dhosano wutono bhe dhosando tapa nefepuundo nehabundo umati bhahino.

Ibrani 9:8

Noangka ne atora aini Rohino Lahataꞌala nofekantaleaꞌiemo putae ane Boloku Mongkilo sadaa-daaꞌe, ingka kaangkaꞌa damesua weo Boloku Foliuno Kangkilo miinaꞌo natilengkaa.