Ibrani 9:24 - Muna Southern Dialect

²⁴ Kapaꞌamo Kristus miina namesua weo Boloku Foliuno Kangkilo nehabundo manusia, membalino kaowu sandahano Boloku Foliuno Kangkilo sakotuꞌuno ⸤ te surugaa⸥ , tamaka Kristus nopesuamo te puuno surugaa, ampa aitu nofewise ne Lahataꞌala so sabhaha kafaraluuntoomu.

Ibrani 9:24 Iomraidhean Croise

Matius 18:10

Tandaiꞌeomu, koe pisakidaa mie mohobu pedando ini, kapaꞌamo malaꞌekati dhumaganida sadhia dopowise bhe Amaku te surugaa.

Markus 14:58

“Insaodi padamo tafetingkee nopugau, ‘Ahumunggae lambuno Lahataꞌala kahabuꞌando manusia ini, maka natolu oleo aefoehemo sigaoꞌano, suano kahabuꞌando manusia.’ ”

Markus 16:19

Pada nopugau peda anaꞌa, Ompu Yesus notisangkemo te surugaa maka nengkoha ne suanano Lahataꞌala.

Lukas 24:51

Tangasano nobarakatida, Yesus nogaatidamo notisangke te surugaa.

Yohanes 16:28

Idi ahato we dhunia amaiꞌao ne Amaku, aitu ahumunsamo dhunia asumuli te Amaku.”

Yohanes 6:62

Kaowu nada amai bhahaa fekihimiu ane mohaomu Anano Manusia sumuli namoni te kaeateꞌano wawo?

Tula-tulando rasulu 3:21

Anoa maitu tetewei naeate te surugaa ampa oleono so katipahabuꞌouniꞌano bhahi-bhahiꞌae, peda nekobhoasaꞌaono Lahataꞌala nefosampendo ana-anabii mongkilono ne dhamani wawono.

Roma 8:33

Nandoo bhahaa so mobhieꞌaono mie nepilino Lahataꞌala? Ingka miina, kapaꞌamo wutono Lahataꞌala padamo nofotahima peda mie banara.

2 Korintus 5:1

Kapaꞌamo tapandeꞌaane, mada kaowu dahumungga kadempo kaeateꞌantoomu ne dhunia ini ⸤ maꞌanano mbadha kasarantoomu⸥ , Lahataꞌala nofofontaa-ntaaꞌao lambu te surugaa so kaeateꞌa suhue dhamani. Kaeateꞌa anaꞌa miina dahumabue limando manusia.

Kolose 3:2

Sadhia fekihiomu sabhaha ndumandooꞌano te surugaa, koise sadhia fekihiomu ndumandooꞌano we dhunia ini.

Ibrani 1:3

Anoa nofotiwoha tilangano kakalabhiano Lahataꞌala, katuno bhe sifatino pasae wutono Lahataꞌala. Anoamo dua tumukono alamu bhalano ini nopake bhoasaono foliuno kuasa. Nopalusi nofekangkilo manusia maiꞌao ne dhosando, Anoa nengkohamo ne suanano Lahataꞌala fofoliuno kakalabhia te wawono wawo.

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

Ibrani 4:14

Kanandooꞌanomo tetewei damintahakieꞌomu mpuu kaparasaea neꞌakuintoomu, kapaꞌamo bhe imamuntoomu, Imamu Bhalano kumalabhiano toka mangkano surugaa ampa te wiseno Lahataꞌala. Anoamo itu ingka Yesus, Anano Lahataꞌala.

Ibrani 6:20

Yesus nopaꞌindulumo nopesua te naꞌa nofomelengkaꞌao kaangkaꞌa, nembalimo Imamu Bhalano ampa suhue dhamani peda imamu Melkisedek.

Ibrani 8:2

Anoa nofodhala takano mbali Imamu Bhalano weo Boloku Mongkilo, weo tenda kaeateꞌano Lahataꞌala sakotuꞌuno, kafoeheno wutono Ompu, suano kafoehendo manusia.

Ibrani 8:5

Kahadhaando dembali imamu maitu sakotuꞌuno mbali kaowu sandaha bhe kaꞌibahati ndumandooꞌano te surugaa. Aini noposahataa bhe bhoasaono Lahataꞌala ne anabii Musa endefiꞌini wakutuuno nefoehe tenda kaeateꞌano Lahataꞌala. Lahataꞌala nokobhoasao peda aini, “Tandaiꞌe! Bhahi-bhahiꞌae itu tetewei humabue angkafi sandaha nefotiwoha ne hintu te kabhawo.”

Ibrani 9:1

Podhandiꞌa kabhao-bhaono nandoo bhe atorano dosambahea, nonandoo dua bhe lambu kasambaheaꞌano we dhunia ini.

Ibrani 9:23

Bhahi-bhahiꞌae ndumandooꞌano ⸤ weo tenda naꞌa⸥ , kaꞌibahatino ndumandooꞌano te surugaa, tabeano dofekangkiloe peda anaꞌa. Tamaka bhahi-bhahiꞌae kanandoo sakotuꞌuno te surugaa nofaraluu damekangkiloane kapopanga sedhuluꞌano kataa.

Ibrani 9:9

Aini o kaꞌibahatinomo dhamani ampa aitu, maꞌanano sabhaha kawaꞌao bhe kapopanga nesumbele nefoampendo manusia miina namooliea nofosangka totono lalondo manusia meowano kapopanga maitu.

1 Petrus 3:22

Ampa aitu Kristus nofonimo te surugaa, nengkoha ne suanano Lahataꞌala. Kosasawindo malaꞌekati bhe sabhaha mintahano kuasa bhe kafeompuꞌa dotuhumo ne Anoa.

Powoha 8:3

Tanohatomo dua seemie malaꞌekati neehe-ehe ne wiseno medha kaetunuꞌa dupa neintaha kaenteiꞌano dupa maiꞌao ne bulawa. Anoa dowaꞌane dupa nobhahi sepaliꞌa so namoampe naposaloane bhe sambaheando kosasawindo umati mongkilono. Bhahi-bhahiꞌae naꞌa namoampee te wawono medha bulawa ne wiseno kaengkohaꞌa kumalabhiano.