Ibrani 8:5 - Muna Southern Dialect

⁵ Kahadhaando dembali imamu maitu sakotuꞌuno mbali kaowu sandaha bhe kaꞌibahati ndumandooꞌano te surugaa. Aini noposahataa bhe bhoasaono Lahataꞌala ne anabii Musa endefiꞌini wakutuuno nefoehe tenda kaeateꞌano Lahataꞌala. Lahataꞌala nokobhoasao peda aini, “Tandaiꞌe! Bhahi-bhahiꞌae itu tetewei humabue angkafi sandaha nefotiwoha ne hintu te kabhawo.”

Ibrani 8:5 Iomraidhean Croise

Matius 2:12

Tamaka Lahataꞌala nofodhagada weo nifi keana dosuli we Herodes, dadiꞌanomo dosulimo we liwundo doangka ne kaangkaꞌa sigaoꞌano.

Tula-tulando rasulu 7:44

Nandoo tenda katandaino kaeateꞌano Lahataꞌala nehabundo awuaꞌintoomu we pandaso bhalano. Tenda anaꞌa dohabue doangkafi pahintano Lahataꞌala ne Musa, peda katuno tenda nefotiwohano Lahataꞌala ne Musa.

Kolose 2:17

Kosasawiꞌae naꞌa saneamo ondulano kumadhadhiaꞌano mada kaowu, gahaꞌa nokadhadhiamo nokoꞌulamo ne wutono Kristus.

Ibrani 10:1

Weo Kitabino anabii Musa notiwoha dandahano sabhaha metaaꞌano so humatono te wise, tamaka suanoꞌo kasalamati mpuuno. Dadiꞌanomo noangka ne kapopanga nefendu-fendua setaꞌu-setaꞌu, tubhono agama Yahudi pae bhe kapoolia namosangka totono lalondo mie maino sumambaheano maitu.

Ibrani 11:7

Hampano kaparasaeano, Nuh nofodhagae Lahataꞌala so kumadhadhiaꞌano te wise, tapaꞌo newohano. Nuh neangka ne Lahataꞌala sampe nefotoka bhangka bhalano, mbalimo mosalamatie bhe koseꞌonu polambuno. Noangka ne kaparasaeano naꞌa dhunia dohukumue, tamaka wutono Nuh notahimae Lahataꞌala peda seemie banara hampano kaparasaeano.

Ibrani 12:25

Dadiꞌanomo posiꞌondoomu, koe sampe mokiido metingkeomu kobhoasaono itu. Ane mie tapa metingkeno meowano bhihitano Lahataꞌala ne dhunia, miina damooli dalumapaa ne kahukumu, bhemo toha intaodiomu metingkeno kobhoasaono maiꞌaono te surugaa. Ane dokiido dametingkeeꞌomu, ingka tetewei paise dalumapaomu ne kahukumu.

Ibrani 13:10

Nandoo bhe medha kaefoampeꞌantoomu kapopanga, tamaka ⸤ imamundo Yahudi⸥ mepopangano weo tenda kaeateꞌano Lahataꞌala miina naembalia dohumaa oti ne medha anaꞌa.

Ibrani 9:9

Aini o kaꞌibahatinomo dhamani ampa aitu, maꞌanano sabhaha kawaꞌao bhe kapopanga nesumbele nefoampendo manusia miina namooliea nofosangka totono lalondo manusia meowano kapopanga maitu.

Powoha 15:5

Pada anaꞌa awohamo dolengka Boloku Mongkilo, tenda kaeateꞌano Lahataꞌala te surugaa.