Ibrani 8:2 - Muna Southern Dialect

² Anoa nofodhala takano mbali Imamu Bhalano weo Boloku Mongkilo, weo tenda kaeateꞌano Lahataꞌala sakotuꞌuno, kafoeheno wutono Ompu, suano kafoehendo manusia.

Ibrani 8:2 Iomraidhean Croise

Lukas 24:44

Ambano dua, “Pedamo ini patudhuno pugauku wakutuuno apobhaiangkoomu endefiꞌini. Ingka afohatokoomu kosasawiꞌae tibuhino weo Kitabino Musa, Kitabindo ana-anabii bhe Kitabino Laguno Daud tetewei nakoꞌula.”

Roma 15:8

Amohatokoomu, Kristus padamo nembali mie umondofaono miendo Yahudi, so notiwohaꞌao kabanarano Lahataꞌala putae dhandino ne awuaꞌintoomu tetewei nakoꞌula.

2 Korintus 5:1

Kapaꞌamo tapandeꞌaane, mada kaowu dahumungga kadempo kaeateꞌantoomu ne dhunia ini ⸤ maꞌanano mbadha kasarantoomu⸥ , Lahataꞌala nofofontaa-ntaaꞌao lambu te surugaa so kaeateꞌa suhue dhamani. Kaeateꞌa anaꞌa miina dahumabue limando manusia.

Kolose 2:11

Weo kaseꞌisemiu bhe Kristus, hintimiu padamo dosunakoomu. Ampamo kaowu suano kasuna nekahadhaando limando manusia, tamaka kasuna nekahadhaano Kristus weo totono lalomiu, maꞌanano noaliangkoomu kuasano dhosa we lalomiu.

Ibrani 10:11

Seemie-seemie imamuno agama Yahudi nodhalangi takano seꞌo-seꞌoleo bhe tanofendu-fenduamo nefoampe kapopanga. Tamaka kapopanga naꞌa pae bhe kapoolia naetolosi dhosa.

Ibrani 10:21

Ampa aitu intaodiomu bhe Imamuntoomu Bhalano mandeꞌaonomo Lambuno Lahataꞌala ⸤ te surugaa⸥ .

Ibrani 11:10

Kapaꞌamo Abraham neanta-antagi naeate ne seꞌonu kota kosandi motangkano, kota anaꞌa noꞌide-idee bhe nofoehee wutono Lahataꞌala.

Ibrani 9:1

Podhandiꞌa kabhao-bhaono nandoo bhe atorano dosambahea, nonandoo dua bhe lambu kasambaheaꞌano we dhunia ini.

Powoha 21:3

Pada aitu afetingkemo suaha mohaaꞌi nomaiꞌao ne kaengkohaꞌano omputo ambano “Ondo kaitaomu! Aitu tenda kaeateꞌano Lahataꞌala nohatomo ne wunta-wuntando manusia, Anoa naeate napobhaianda. Manusia daembali umatino Lahataꞌala, wutono Lahataꞌala napobhaianda somo Lahataꞌalando.