Ibrani 7:21 - Muna Southern Dialect

²¹ Tamaka Yesus dosangkee mbali imamu bhe fematano Lahataꞌala. Wakutuu aitu Lahataꞌala nokobhoasao ne Anoa, “Ompu nofemata maka pae natibhaliia patudhuno, Hintumo imamu ampa suhue dhamani.”

Ibrani 7:21 Iomraidhean Croise

Roma 11:29

Kapaꞌamo ane Lahataꞌala padamo nepili mie bhe nowaꞌanda kadawuno, pae bhe kapoolia nasumuli nabhalii kabhotusino.

Ibrani 5:6

Bhoasaono dua Lahataꞌala ne aeati sigaoꞌano peda aini, “Hintumo Imamu ampa suhue dhamani, peda Imamu Melkisedek.”

Ibrani 7:17

Kapaꞌamo ⸤ weo Kitabi⸥ dokowambaane peda aini, “Hintumo imamu ampa suhue dhamani, peda imamu Melkisedek.”

Ibrani 7:20

Pakade bhahi-bhahiꞌae ini noangkafiane fematano Lahataꞌala, nopoꞌala bhe desangke imamu sigaoꞌano, ingka miina bhe fematanoa.

Ibrani 7:23

Imamu sigaoꞌano naꞌa dobhahi sepaliꞌa hampano andoa noꞌontoda mate sampe miina daembali kansuhu imamu.

Ibrani 7:28

Tubhono agama Yahudi nesangke mie monale dembali Imamu Bhalano. Tamaka nopalusi tubhono agama amaitu, Lahataꞌala nehabu dhandi bhe nofemata nosangke Anano mbali Imamu Bhalano, nefosangka ampa suhue dhamani.