Ibrani 7:19 - Muna Southern Dialect

¹⁹ Tubhono agama Yahudi naꞌa miina naeowa dadi sumangka ne laꞌae maka dua, kanandooꞌanomo dowaꞌa kaita posahunaꞌao sedhuluꞌano kataa. Hampano posahunaꞌao anaꞌa nembalimo domaꞌotiomu Lahataꞌala.

Ibrani 7:19 Iomraidhean Croise

Yohanes 1:17

Tubhono agama Yahudi dotahimaeꞌomu ne anabii Musa, tamaka kanini kaasi bhe kabanara notiwoha ne Yesus Kristus.

Yohanes 14:6

Ambano Yesus, “Idimo ini o kaangkaꞌa, meowano kabanara bhe fowaꞌaono dadi. Bhe naseemie paise bhe so humatono ne Amaku ane paise namangka ne Idi.

Tula-tulando rasulu 13:39

Tabeano mandeꞌaaneomu dua weo neano Yesus ini kosasawindo marasaeano ne Anoa natiꞌamponi dhosando maka natumahimada Lahataꞌala peda mie banara. Aini suano nepoolino tubhono agama Yahudi.

Roma 5:2

Noangka ne kaparasaeantoomu ne Yesus Kristus ini, intaodiomu deꞌawamoomu dua kaangkaꞌa dopesua weo kalibuno rahamatino Lahataꞌala, kaeateꞌantomo ampa aitu. Nowula lalontoomu weo posahunaꞌao daeala dawu weo kakalabhiano Lahataꞌala.

Roma 7:7

Kaowu damugauꞌomu nada amai? Bhahaa nokomaꞌana tubhono agama Yahudi maitu nopototo bhe dhosa? Tantumo miina. Ane pae bhe tubhonomo agama Yahudi, ingka pae amandeꞌaane medando ae nekonando dhosa. Miina dua amandeꞌaanea medando ae nekonando kapoindalo modai, ane pae nofohato kanau tubhono agama Yahudi, “Koise mekapoindalo tapa membalino hakumu!”

Roma 8:3

O ae pata nepoolino tubhono agama Yahudi, hampano kanaleno mbadha kamanusia, padamo nohabue Lahataꞌala. Lahataꞌala notudu Anano wutono ⸤ nomai we dhunia ini⸥ nokatu mbadha kodhosa nembali kapopanga metolosino dhosa. Pedamo anaꞌa Lahataꞌala nohukumu dhosa nepake mbadha kamanusia.

Galatia 2:16

Mahinggamo peda anaꞌa, tapandeꞌaanemo o manusia notahimae Lahataꞌala peda mie banara mpahinomo hampano noparasaea ne Yesus Kristus, suano mbaꞌinomo nodhalangi tubhono agama Yahudi. Dadiꞌanomo insaodi dua taparasaeamo ne Yesus Kristus, neanomo weo kaparasaea mani maitu naembali natumahima kainsami Lahataꞌala peda mie banara, suano mbaꞌinomo taangkafi tubhono agama. Kapaꞌamo bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi.

Galatia 3:21

Ane peda naꞌa nopotagali bhahaa tubhono agama Yahudi bhe dhandino Lahataꞌala? Ingka miina sepaliꞌa. Kapaꞌamo ane ibahano tubhono agama Yahudi dowaꞌandae manusia so daeꞌawaꞌao dadi, tantumo manusia naembali natumahimada Lahataꞌala peda mie banara namangka ne tubhono agama maitu.

Galatia 3:24

Dadiꞌanomo tubhono agama Yahudi naembali dapototoane bhe seemie dhaga tumonda kaita ampa kahatoꞌano Kristus, neanomo Lahataꞌala nafotahima peda mie banara hampano doparasaeamoomu ne Kristus.

Efesus 3:12

Weo kaseꞌisentoomu bhe Anoa, dokadomoomu domaꞌoti wiseno Lahataꞌala hampano kaparasaeanto, lalonto miinamo napoibhahaa.

Kolose 1:27

Ne umatinomo ini, gaono Lahataꞌala namotiwohae kabhalano kabarakatino bhe kakalabhiano rahasia aitu so sabhaha bansano liwu te dhunia ini. Rahasia anaꞌa peda aini: Kristus neate weo totono lalondo umatino, Anoamo puuno kaposahunaꞌaomiu so menamisiꞌaoꞌomu dua kakalabhiano Lahataꞌala.

1 Timotius 1:1

Timotius, nekoanaꞌaoku mpuu weo kaparasaea ne Ompu! Suha aini nomaiꞌao ne Paulus. Idimo ini rasuluno Kristus Yesus hampano pahintano Lahataꞌala mosalamati kaita bhe pahintano Kristus Yesus, kaengkohaꞌano posahunaꞌaontoomu ⸤ so daeꞌawaꞌao dadi suhue dhamani⸥ . Sio-siomo Lahataꞌala Amantoomu bhe Kristus Yesus Ompuntoomu sadhia napobhaiangko kabarakatino, rahamatino bhe katohopono dadi.

Ibrani 10:1

Weo Kitabino anabii Musa notiwoha dandahano sabhaha metaaꞌano so humatono te wise, tamaka suanoꞌo kasalamati mpuuno. Dadiꞌanomo noangka ne kapopanga nefendu-fendua setaꞌu-setaꞌu, tubhono agama Yahudi pae bhe kapoolia namosangka totono lalondo mie maino sumambaheano maitu.

Ibrani 11:40

Kapaꞌamo Lahataꞌala nandoo bhe patudhuno sedhuluꞌano dua kataa so intaodiomu. Patudhuno Lahataꞌala andoa maitu kaneꞌo daeꞌawa kasangkano dadi dapoowa-owa bhe intaodiomu.

Ibrani 11:6

Ane pae bhe kaparasaea, manusia pae bhe kapoolia namekaꞌia lalono Lahataꞌala. Kapaꞌamo laꞌae maꞌotino Lahataꞌala tabeano noparasaea mpuu nandoo bhe Lahataꞌala, bhe noparasaea dua Lahataꞌala nefontaa-ntaa ponambo so mie umondofie.

Ibrani 3:6

Tamaka Kristus notuhu lalono peda Anano Lahataꞌala mandeꞌaono polambuno Amano. Polambuno Lahataꞌala ingka intaodiomu ini, sumanomo sadaa-daa pae dakamihi-mihia bhe damintahaki mpuu kaposahunaꞌao bhe so neꞌawantoomu, kaowoseꞌanomo bhakentoomu.

Ibrani 4:16

Dadiꞌanomo ⸤ weo sambaheantoomu⸥ fekakado kaitaomu damaꞌotiomu kaengkohaꞌano Lahataꞌala kumalabhiano fowaꞌaono rahamati, neanomo daeꞌawa rahamati bhe daetahima kabarakati sampe natumulumi kaita ne wakutuuno dofaraluuꞌe.

Ibrani 6:18

Haa hondano ini paise natibhaliia, kapaꞌamo Lahataꞌala pae bhe kapoolia nagumau-gau podhandino bhe fematano naꞌa. Kanandooꞌanomo intaodiomu meoluno ne Lahataꞌala daeꞌawa katangkano lalo so damintahakiꞌao kaposahunaꞌao kumantaa-ntaano te wisentoomu.

Ibrani 7:11

Tubhono agama Yahudi ingka dofosampee ne miendo Israel nengkoha ne kaꞌimamuꞌano Lewi. Ane ibahano takano imamu naꞌa neowamo dadi sumangka, noafa bhahaa nofaraluuꞌao desangke dua seemie imamu sigaoꞌano, imamu peda Melkisedek, suano maiꞌao ne sampuꞌano imamu Harun?

Ibrani 7:20

Pakade bhahi-bhahiꞌae ini noangkafiane fematano Lahataꞌala, nopoꞌala bhe desangke imamu sigaoꞌano, ingka miina bhe fematanoa.

Ibrani 7:25

Dadiꞌanomo Yesus nopooli nofosangka mpuu kasalamatindo manusia maino ne Lahataꞌala doangka ne Anoa. Kapaꞌamo Anoa nodadi suhue dhamani mbalimo fosambaheaꞌaono ne Lahataꞌala.

Ibrani 8:6

Tamaka ampa aitu Yesus neꞌawamo taka kaꞌondofaono imamu noliuꞌe kakalabhiano takando imamu sigaoꞌano, tapedamo podhandiꞌano Lahataꞌala bhe manusia nepoatoꞌaono Yesus noliuꞌe kataano podhandiꞌa endefiꞌini, hampano nengkoha ne dhandi sedhuluꞌano kataa.

Ibrani 9:9

Aini o kaꞌibahatinomo dhamani ampa aitu, maꞌanano sabhaha kawaꞌao bhe kapopanga nesumbele nefoampendo manusia miina namooliea nofosangka totono lalondo manusia meowano kapopanga maitu.

Yakobus 4:8

Fekamaꞌo wutomiu ne Lahataꞌala, maka Anoa namaꞌotikoomu dua. Hintimiu mie kodhosa, fekangkilo dadimiu. Hintimiu kohaꞌano totono lalo, fekamoinda totono lalomiu.