Ibrani 7:16 - Muna Southern Dialect

¹⁶ Anoa dosangkee mbali imamu miina naengkoha ne atorano sampuꞌano manusia, tamaka katisangkeꞌano nengkoha ne kuasano dadi tapa kotompano.

Ibrani 7:16 Iomraidhean Croise

Roma 7:14

Ingka dopandeꞌaanemo tubhono agama Yahudi nomaiꞌao ne Rohino Lahataꞌala, tamaka idi ini o manusia monale. Padamo doaso kanau aembali bhatuano dhosa.

Galatia 4:3

Pedamo dua intaodiomu, nandoo kaanaꞌintoomu ⸤ maꞌanano miinaꞌo damarasaeaꞌomu ne Kristus⸥ nofobhatua kaita sabhaha rohi modai ne dhunia ini.

Galatia 4:9

Ampa aitu ingka pandeꞌaanemoomu Lahataꞌala, tawa labhiꞌaku dakumonae nopandeꞌaangkomoomu Lahataꞌala. Dadiꞌanomo noafa gahaꞌa suliꞌaoꞌomu ne rohi modai ne dhunia ini? Ingka andoa ini miina dakokuasa bhe miina dakoafa-afaa! Dadi noafa gahaꞌa gaomiu sumuli mobhatuaꞌao wutomiu ne andoa maitu?

Kolose 2:14

Hampano miina damangkafiomu pahintano Lahataꞌala, nandoo fomobhieꞌaono bhe fonantiꞌaono, tapedamo buhino dosa. Gahaꞌa bhahi-bhahiꞌae naꞌa nofosaliemo Lahataꞌala, kanggetumo o suha anaꞌa nokantaiꞌemo te sau salipu sampe sabhaha nemobhieꞌao nowolomo.

Kolose 2:20

Ingka momatemoomu poowa bhe Kristus maka mobebasimoomu maiꞌao ne rohi kumuasaino dhunia ini. Noafaꞌao dua gahaꞌa nandoo dadiꞌaoꞌomu peda mie nekuasaino dhunia ini? Noafa gahaꞌa taꞌotuhumoomu ne sabhaha atorano dhunia?

Ibrani 10:1

Weo Kitabino anabii Musa notiwoha dandahano sabhaha metaaꞌano so humatono te wise, tamaka suanoꞌo kasalamati mpuuno. Dadiꞌanomo noangka ne kapopanga nefendu-fendua setaꞌu-setaꞌu, tubhono agama Yahudi pae bhe kapoolia namosangka totono lalondo mie maino sumambaheano maitu.

Ibrani 7:15

Aini sedhuluꞌamo dua kantaleano bhe hatoꞌano seemie imamu peda Melkisedek.

Ibrani 7:17

Kapaꞌamo ⸤ weo Kitabi⸥ dokowambaane peda aini, “Hintumo imamu ampa suhue dhamani, peda imamu Melkisedek.”

Ibrani 7:21

Tamaka Yesus dosangkee mbali imamu bhe fematano Lahataꞌala. Wakutuu aitu Lahataꞌala nokobhoasao ne Anoa, “Ompu nofemata maka pae natibhaliia patudhuno, Hintumo imamu ampa suhue dhamani.”

Ibrani 7:28

Tubhono agama Yahudi nesangke mie monale dembali Imamu Bhalano. Tamaka nopalusi tubhono agama amaitu, Lahataꞌala nehabu dhandi bhe nofemata nosangke Anano mbali Imamu Bhalano, nefosangka ampa suhue dhamani.

Ibrani 7:3

Mulaoꞌano Melkisedek ini, miina bhe tibuhiꞌano laꞌae inano bhe amano tawa siwuluno, miina natipandeꞌao dua kalenteꞌano tawa kamateꞌano. Dadiꞌanomo tapedamo dua Anano Lahataꞌala, anoa nembalimo imamu ampa suhue dhamani.

Ibrani 9:14

bhemo toha heano Kristus! Weo kuasano Rohino Lahataꞌala dumadino suhue dhamani, Kristus nofoampe Wutono mbali kapopanga pata kodengono ne Lahataꞌala. Dadiꞌanomo heano tetewei namekangkilo totono lalontoomu maiꞌao ne sabhaha podiu meowano mate, neanomo naembali dameompuomu ne Lahataꞌala dumadino.

Powoha 1:18

Idimo dumadino, padamo amate, tamaka ondo kanau itu, ingka adadimo ampa suhue dhamani. Idimo mintahano kunsino mate bhe dhuniano mate.