Ibrani 7:11 - Muna Southern Dialect

¹¹ Tubhono agama Yahudi ingka dofosampee ne miendo Israel nengkoha ne kaꞌimamuꞌano Lewi. Ane ibahano takano imamu naꞌa neowamo dadi sumangka, noafa bhahaa nofaraluuꞌao desangke dua seemie imamu sigaoꞌano, imamu peda Melkisedek, suano maiꞌao ne sampuꞌano imamu Harun?

Ibrani 7:11 Iomraidhean Croise

Galatia 2:21

Rahamatino Lahataꞌala miina aongaheꞌiea, kapaꞌamo ane o mie natumahimae Lahataꞌala peda mie banara mbaꞌinomo nodhalangi tubhono agama, ingka nosia-siamo mateno Kristus.

Galatia 4:3

Pedamo dua intaodiomu, nandoo kaanaꞌintoomu ⸤ maꞌanano miinaꞌo damarasaeaꞌomu ne Kristus⸥ nofobhatua kaita sabhaha rohi modai ne dhunia ini.

Galatia 4:9

Ampa aitu ingka pandeꞌaanemoomu Lahataꞌala, tawa labhiꞌaku dakumonae nopandeꞌaangkomoomu Lahataꞌala. Dadiꞌanomo noafa gahaꞌa suliꞌaoꞌomu ne rohi modai ne dhunia ini? Ingka andoa ini miina dakokuasa bhe miina dakoafa-afaa! Dadi noafa gahaꞌa gaomiu sumuli mobhatuaꞌao wutomiu ne andoa maitu?

Ibrani 5:10

Anoa nosangkee Lahataꞌala nembali Imamu Bhalano, peda Imamu Melkisedek.

Ibrani 5:6

Bhoasaono dua Lahataꞌala ne aeati sigaoꞌano peda aini, “Hintumo Imamu ampa suhue dhamani, peda Imamu Melkisedek.”

Ibrani 6:20

Yesus nopaꞌindulumo nopesua te naꞌa nofomelengkaꞌao kaangkaꞌa, nembalimo Imamu Bhalano ampa suhue dhamani peda imamu Melkisedek.

Ibrani 7:10

Daanumo wakutuu anaꞌa Lewi miinaꞌo nalumentea, tamaka wakutuuno Melkisedek nosumpui Abraham, Lewi neatemo weo mbadhano Abraham, awuano.

Ibrani 7:12

Kapaꞌamo ane kaengkohaꞌando kaꞌimamuꞌa dobhaliiꞌe, tantumo dobhaliiꞌemo dua tubhono agama Yahudi.

Ibrani 7:13

Nepulaoꞌao ne ini ingka Ompuntoomu. Anoa nomaiꞌao ne sampuꞌa sigaoꞌano ⸤ suano sampuꞌano Lewi⸥ . Sampuꞌano naꞌa bhe naseemie miinaꞌo bhe membalino imamu mefoampeno kapopanga.

Ibrani 7:15

Aini sedhuluꞌamo dua kantaleano bhe hatoꞌano seemie imamu peda Melkisedek.

Ibrani 7:21

Tamaka Yesus dosangkee mbali imamu bhe fematano Lahataꞌala. Wakutuu aitu Lahataꞌala nokobhoasao ne Anoa, “Ompu nofemata maka pae natibhaliia patudhuno, Hintumo imamu ampa suhue dhamani.”

Ibrani 8:7

Ane ibahano podhandiꞌa kabhao-bhaono pae nakonikaemi, tantumo pae namaraluua bhe podhandiꞌa buꞌou.

Ibrani 9:6

Pedamo anaꞌa bhahi-bhahiꞌae doꞌatoroe, maka seꞌo-seꞌoleo imamu dopesua weo boloku te wise naꞌa dodhalangi taka kaꞌondofaondo.