Ibrani 6:19 - Muna Southern Dialect

¹⁹ Kaposahunaꞌaontoomu maitu tapedamo matano kai ⸤ labuno kapala⸥ , nembali kafintahaꞌa motangka bhe tumohopono so alusuntoomu. Kaposahunaꞌao maitu nohato ampa we sembalino kai bhalano kahondomino Boloku Foliuno Kangkilo ⸤ we Lambuno Lahataꞌala te surugaa⸥ .

Ibrani 6:19 Iomraidhean Croise

Matius 27:51

Gahaꞌa tambaꞌomo kai bhalano mbali kahondomi weo Lambuno Lahataꞌala nopobhensi maiꞌao te wawo ampa we panda. Tanonandoomo dua lualino wite, nokosaka-saka bhe kabhawondo kontu.

Tula-tulando rasulu 23:6

Paulus nopandeꞌaane mie humatono maitu sigaꞌa miendo Saduki, sigaꞌa miendo Farisi. Dadiꞌanomo nopugaumo nofekabhala-bhalaꞌie ne wisendo Sahano Agama ambano, “Bhahitieꞌiku, idi ini o Farisi, sampuꞌando miendo Farisi, katibhitahakiꞌaku ne ini, mbaꞌinomo aposahunaꞌao mie mate sumuli dadumadi.”

Tula-tulando rasulu 27:29

Mbaꞌinomo doteꞌi bhahaa tatokuhu ne pasi deꞌohomo labu fato mata we wana, maka gao mani napikimentaemo.

Tula-tulando rasulu 27:40

Kosasawiꞌae habutano labu dototae maka dofosipulie weo teꞌi. Pada anaꞌa dolensemo habuta katapuno uli maka dofosampue. Dofoampemo dua pangaowa kapabelo neanomo nabusohaꞌiane kawea namohopee te napa.

Roma 4:16

Kanandooꞌanomo dhandino Lahataꞌala nengkoha ne kaparasaea, neanomo naentalea putae dhandi maitu o kawaꞌaono Lahataꞌala bhe tetewei nokantaa-ntaa so kosasawindo sampuꞌano Abraham, suano kaowu so mie dumadino weo tubhono agama Yahudi, tamaka so kosasawindo mie dumadino weo kaparasaea, peda kaparasaeano wutono Abraham. Ingka anoamo awuanto kosasawintoomu ini.

Roma 4:18

Abraham noparasaea bhe noposahunaꞌao kansuhu mahinggamo kao-kaomo kaposahunaꞌaono paemo nakoꞌula. Panda-pandano nembali amando bansano liwu bhahi peda tibuhino weo Kitabi, “Sampuꞌamu daembali bansano liwu bhahi.”

Roma 5:4

Kakosabaha dopotaami neowa katangkano lalo tiꞌakui, katangkano lalo tiꞌakui neowa posahunaꞌao.

1 Korintus 13:13

Dadiꞌanomo tamo tolu hondano ini ⸤ so nefintahakintoomu⸥ : o kaparasaea, o posahunaꞌao, bhe kanini kaasi; tamaka fofoliuꞌano o kanini kaasi.

1 Korintus 15:58

Dadiꞌanomo, bhahitieꞌiku timoasiꞌaono, fekatangka kofindamiu, koise meando-andoa, sadhia foma-fomaiꞌomu lalomiu weo kahadhaano Ompu! Ingka pandeꞌaaneomu weo kaseꞌisemiu bhe Ompu kawulemiu pae nasumia-siaꞌa.

Efesus 2:6

Hampano kaseꞌisentoomu bhe Kristus Yesus, Lahataꞌala nofowanu kaitamo dua maiꞌao ne mate maka nowaꞌa kaita dua kaengkohaꞌa dopoowa-owa bhe Kristus te surugaa.

Kolose 1:27

Ne umatinomo ini, gaono Lahataꞌala namotiwohae kabhalano kabarakatino bhe kakalabhiano rahasia aitu so sabhaha bansano liwu te dhunia ini. Rahasia anaꞌa peda aini: Kristus neate weo totono lalondo umatino, Anoamo puuno kaposahunaꞌaomiu so menamisiꞌaoꞌomu dua kakalabhiano Lahataꞌala.

Kolose 3:1

Ingka dofowanukoomu maiꞌao ne mate poowa bhe Kristus. Dadiꞌanomo ondofiomu ndumandooꞌano te surugaa. Ne itumo Kristus nengkoha ne suanano Lahataꞌala.

2 Timotius 2:19

Ampamo kaowu sandi bhalano nefongkohano Lahataꞌala nomatangka. Te wawono notibuhi bhoasao peda aini, “Ompu nopandeꞌaanda ndo laꞌae fehebuaꞌano”, pakade dua, “Sasuka sumambilino neano Ompu tabeano nahumunsa podiu modaino.”

Ibrani 4:16

Dadiꞌanomo ⸤ weo sambaheantoomu⸥ fekakado kaitaomu damaꞌotiomu kaengkohaꞌano Lahataꞌala kumalabhiano fowaꞌaono rahamati, neanomo daeꞌawa rahamati bhe daetahima kabarakati sampe natumulumi kaita ne wakutuuno dofaraluuꞌe.

Ibrani 9:3

Nandoo dua seꞌonu boloku we sewetano anaꞌa, dohondomiane dua kai bhalano; boloku aini dokonae Boloku Foliuno Kangkilo.

Ibrani 9:7

Tamaka membalino mesuano weo boloku we sewetano naꞌa ⸤ Boloku Foliuno Kangkilo⸥ mpahinomo Imamu Bhalano, sepaku kaowu setaꞌu. Wakutuuno nopesua ne itu Imamu Bhalano tetewei newowoꞌo bhe heano mbali kapopanga so katiꞌamponiꞌano dhosano wutono bhe dhosando tapa nefepuundo nehabundo umati bhahino.

1 Petrus 1:3

Pudhi kaitaomu Lahataꞌala Amano Yesus Kristus Ompuntoomu, kapaꞌamo nofowaꞌaomo dadi buꞌou hampano kabhalano rahamatino. Anoa padamo nofowanu Yesus Kristus maiꞌao ne mate, kaeꞌawaꞌantomoomu dadi buꞌou bhe posahunaꞌao motangka so oleo mbuhumai.