Ibrani 5:7 - Muna Southern Dialect

⁷ Weo dadino peda seemie manusia, Yesus padamo nefoampe sambahea bhe kamesalo ne Lahataꞌala poowa nokei nopontuhufi bhe luuno, ingka Lahataꞌala kokuasano mosalamatie maiꞌao ne mate. Hampano kalebeno dadino, Lahataꞌala nofetingkee.

Ibrani 5:7 Iomraidhean Croise

Matius 27:46

Hambi-hambi tolu mata Yesus noloꞌoimo nofekandii-ndii ambano, “ Eli, Eli, lama sabaktani?” Maꞌanano, Lahataꞌalaku, Lahataꞌalaku, noafa hunsa kanauꞌao?

Matius 27:50

Yesus nokei toha nofekandii-ndii maka nofosipuli inawano.

Markus 15:34

Hambi tolu mata, Yesus noloꞌoimo nofekandii-ndii ambano, “ Eloi, Eloi, lama sabaktani?” Maꞌanano, “Lahataꞌalaku, Lahataꞌalaku, noafa hunsa kanauꞌao?”

Markus 15:37

Pada aitu Yesus nokeiꞌaomo pandano nafasi maka nobhotu.

Lukas 23:46

Pada anaꞌa Yesus nokei nofekandii-ndii, “Ama, inawaku aposahunaꞌaanemo ne handano limamu.” Pada nopugau peda naꞌa nobhotumo.

Yohanes 1:14

Bhoasao amaitu nembalimo manusia neate bhe intaodiomu; dowohaemoomu kakalabhiano, dadino noponoꞌao kanini kaasi bhe kabanara. Kakalabhia naꞌa notahimae peda seemie Ana Kaenseemieno Lahataꞌala.

Yohanes 11:35

Yesus tanopotuhumo luuno.

Yohanes 11:42

Apandeꞌaane sadhia fetingke kanau, tamaka kapugauꞌaku ini so mie lumibu-libu kanau ini neanomo damarasaea Hintumo tumudu kanau.”

Yohanes 17:1

Pada nopugau peda naꞌa Yesus nototohanamo te lani maka nopugau ambano, “Ama, nohatomo tempono, fotiwoha kakalabhiano Anamu ⸤ Idimo ini⸥ , neanomo Anamu namotiwoha dua kakalabhiamu.

Roma 8:3

O ae pata nepoolino tubhono agama Yahudi, hampano kanaleno mbadha kamanusia, padamo nohabue Lahataꞌala. Lahataꞌala notudu Anano wutono ⸤ nomai we dhunia ini⸥ nokatu mbadha kodhosa nembali kapopanga metolosino dhosa. Pedamo anaꞌa Lahataꞌala nohukumu dhosa nepake mbadha kamanusia.

Galatia 4:4

Tamaka nokapo kaowu tempo nefotantuno, Lahataꞌala notudumo Anano nomai we dhunia ini. Anano Lahataꞌala ini nofolentee seemie hobhine, nodadi noangkafi tubhono agama Yahudi.

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

Ibrani 10:10

Hampanomo kapoindalono Lahataꞌala nedhalangino Kristus naꞌa, intaodi dofekangkilo kaitaomu maiꞌao ne sabhaha dhosa, noangka ne kapopangano wutono Yesus Kristus, sepaku kaowu ampa suhue dhamani.

Ibrani 10:5

Kanandooꞌanomo wakuutuno Kristus nopesua ne dhunia ini, nopugaumo ⸤ ne Lahataꞌala⸥ , “Hintu miina moindaloe kafoampe bhe kapopanga nesumbele, tamaka padamo mefotoka kanau mbadhaku.

Ibrani 11:7

Hampano kaparasaeano, Nuh nofodhagae Lahataꞌala so kumadhadhiaꞌano te wise, tapaꞌo newohano. Nuh neangka ne Lahataꞌala sampe nefotoka bhangka bhalano, mbalimo mosalamatie bhe koseꞌonu polambuno. Noangka ne kaparasaeano naꞌa dhunia dohukumue, tamaka wutono Nuh notahimae Lahataꞌala peda seemie banara hampano kaparasaeano.

Ibrani 12:28

Kanandooꞌanomo naetaa daefoampe katumpuno lalo ne Lahataꞌala, hampano detahimaomu kafopahintaꞌa tapa tifoguguno. Naetaa natumumpu lalontoomu bhe dasumombaomu weo kamihi bhe kafosibhala ne Lahataꞌala, naposahataa bhe kapoindalono Wutono.

Ibrani 13:20

Ingka Lahataꞌala padamo nofowanu Ompu Yesus maiꞌao ne mate. Hampano tuhuno heano, Anoa nembalimo Dhagano Dhumba Kumalabhiano so intaodiomu, mekamatangkanomo dua podhandiꞌa suhue dhamani nehabuno Lahataꞌala bhe intaodiomu.

Ibrani 2:14

Anaꞌi nepulaoꞌaono maitu saneamo manusia kombadha kasarano, maka Yesus nopototoꞌao wutono bhe andoa, nodadi peda seemie manusia. Kahabuꞌano peda anaꞌa, neanomo noangka ne mateno, Yesus nofobinasamo mintahano kuasano mate, o Kafeompuꞌano seetani.

1 Yohanes 4:3

Sasuka mie tapa mangakuno noparasaea ne Yesus peda naꞌa, rohino mie aitu miina namaiꞌao ne Lahataꞌala tamaka nomaiꞌao ne rohi kaewano Kristus. Ingka fetingkeemoomu rohi pedando naꞌa daanumo tetewei namai, gahaꞌa ampa aitu nohatomo te dhunia ini.

2 Yohanes 1:7

Kaebuhiꞌaku peda aini hampano dobhahimo mpahaguru-guruno dolili te dhunia ini dofobhohe-bhoheꞌi. Andoa maitu miina daꞌumakuiꞌe putae Yesus Kristus nomai we dhunia ini peda seemie manusia. Mie pedando naꞌa o fobhohe-bhoheꞌino bhe kaewano Kristus.